Eurasian Resources Group (ەRG) قازاقستاندا العاش رەت وندىرىستىك مىندەتتەردى شەشۋ ءۇشىن روبوتتاندىرىلعان اۆتوتۇسىرگىلەردى قولدانا باستادى. وسىنداي, جۇرگىزۋشىسىز 3 جۇك كولىگى بۇگىندە «ەۋروازياتتىق ەنەرگەتيكالىق كورپوراتسياسى» اق «ۆوستوچنىي» كەنىشىنىڭ ونەركاسىپ الاڭىندا جۇمىس ىستەپ ءجۇر, دەپ حابارلايدى Egemen.kz.
بىلتىر تامىز ايىندا ءبىز ۇشقىشسىز ۇشۋ اپپاراتتارىن تاجىريبەلىك-ونەركاسىپتىك رەجيمدە ىسكە قوسقانىن ايتقان قازاقستانداعى ەRG باس ديرەكتورى سەرىك شاحاجانوۆ: «بىرنەشە اي ىشىندە روبوتتى تەحنيكانىڭ كومەگىمەن ءبىز 1 ملن توننادان استام تاۋ ماسساسىن تاسىمالدادىق. 2027 جىلعا دەيىن شيكىزات كولەمىن 115 ملن تونناعا دەيىن ۇلعايتۋدى جوسپارلاپ وتىرمىز. الەمدەگى ەڭ جاقسى تاجىريبەلەردى زەرتتەيمىز جانە باسقا كارەرلەردە دە ۇشقىشسىز تەحنيكانى قولدانۋعا تىرىسامىز», دەدى.
قازىر روبوتتى تەحنيكا كەشەنىنە ەكى ادام قىزمەت كورسەتەدى. جۇرگىزۋشى-وپەراتور ءۇش ماشينا مانەۆرلەرىنىڭ جىمدامدىعىن دۇرىس تاڭداپ, تراەكتورياسىنىڭ جانە قاۋىپسىزدىك تالاپتارىنىڭ ساقتالۋىن قاداعالايدى. سەرۆيستىك ينجەنەر كەشەنگە قىزمەت كورسەتەدى, مارشرۋتتار قۇرادى جانە تيەۋ-ءتۇسىرۋ الاڭدارىن ناقتىلاپ وتىرادى. بارلىق جۇرگىزۋشىلەر روبوتتى تەحنيكانى باسقارۋ ءۇشىن قايتا وقىتىلعان.
«وندىرىستىك پروتسەستەرگە روبوتتاندىرىلعان جۇيەلەردى ەنگىزۋ – ERG ستراتەگياسىنىڭ نەگىزگى Digital مىندەتتەرىنىڭ ءبىرى ەكەنىن ايتقان جوبا جەتەكشىسى, ERG قۇرامىنداعى Business & Technology Services كومپانياسىنىڭ تمك روبوتتاندىرۋ جونىندەگى ساراپشى ەۆگەني فادەەۆتىڭ سوزىنشە بۇل ERG ءىت-كومانداسىنا دا, ءىت-شەشىمدەرىن پايدالانۋشىلارعا دا جوعارى تالاپتار قويادى. جاڭا قىزمەت, سونداي-اق پەرسونالدىڭ قۇزىرەتىنە قويىلاتىن جاڭا تالاپتار پايدا بولدى. مىسالى, اۋىر جۇك تەحنيكاسىن روبوتتاندىرۋ جوباسىن ىسكە قوسۋمەن «ۆوستوچنىي» كەنىشىندە اۆتوماتتاندىرىلعان جۇك تاسىمالداۋ قىزمەتى قۇرىلدى. ەگەر بۇرىن تەحنيكانى جۇرگىزۋشى باسقارسا, ەندى ول بەرىلگەن باعدارلاما بويىنشا قوزعالادى. وپەراتور پروتسەستى ىڭعايلى بولمەدە قاشىقتان باقىلايدى جانە قىزمەت كورسەتەدى. بۇل, ارينە, ونەركاسىپ قاۋىپسىزدىگىنە جاسالعان ۇلكەن قادام.
«ۆوستوچنىي» كەنىشىنىڭ قىزمەتكەرلەرى, Business & Technology Services (BTS) ءىت- ماماندارى, مەردىگەر ۇيىمنىڭ وكىلدەرىنەن جاساقتالعان ەنگىزۋ كومانداسى: ونەركاسىپتىك سىناقتا كەشەندى پايدالاناتىن كوماندانىڭ ارەكەتىمەن ۇشتاستىرا وتىرىپ, تەحنولوگيانىڭ, ساموسۆالداردى باسقارۋ الگوريتمدەرىنىڭ جانە ولاردىڭ قاۋىپسىزدىك جۇيەسىنىڭ تيىمدىلىگىن كورسەتتى. بۇل ءتاسىل قاۋىپ-قاتەرلەردى ازايتادى, وپەراتسيالاردىڭ دالدىگىن ارتتىرادى جانە جوعارى ونىمدىلىكتى قامتاماسىز ەتەدى.
تۇيىندەي ايتقاندا, جۇك تاسىمالداۋدىڭ اۆتوماتتاندىرىلعان جۇيەسىن ەنگىزۋ – ءوندىرىستى تسيفرلىق ترانسفورماتسيالاۋ جولىنداعى ماڭىزدى قادام.