قازاقستاندا اقپان ايىندا اۋا رايى قانداي بولادى؟

جالپى, اقپان ايى – جىلدىڭ ەڭ قۇبىلمالى ايلارىنىڭ ءبىرى, بۇل اي اۋا تەمپەراتۋراسىنىڭ كۇرت وزگەرۋىمەن سيپاتتالادى.

اقپان ايىنىڭ باسىندا سولتۇستىك-باتىس تسيكلونىنىڭ اسەرىنەن جاۋىن-شاشىندى بۇلتتى اۋا رايى – قار, جىلبىسقى قار, جاڭبىر, ەلدىڭ سولتۇستىك جارتىسىندا بۇرقاسىن بولجانادى. رەسپۋبليكانىڭ باسىم بولىگىندە اقپاننىڭ العاشقى كۇندەرىندە اۋا تەمپەراتۋراسىنىڭ كوتەرىلۋى كۇتىلەدى:

- ەلدىڭ باتىسى مەن وڭتۇستىگىندە كۇندىز 0,+10°س دەيىن;

- رەسپۋبليكانىڭ سولتۇستىك جارتىسىندا تۇندە -2-7°س دەيىن, كۇندىز -4+1°س دەيىن.

ەلدىڭ شىعىسى مەن ورتالىعىندا تەمپەراتۋرانىڭ نەگىزگى فونى تۇندە -12-20°س, كۇندىز 0,-8°س دەيىن جىلىنادى دەپ بولجانادى.

ءبىرىنشى ونكۇندىكتىڭ ەكىنشى جارتىسىندا سالەحارد اۋداندارىنان سۋىق انتيتسيكلوننىڭ اسەرىنەن قازاقستاندا اۋا تەمپەراتۋراسىنىڭ تومەندەۋى بولجانادى:

- ەلدىڭ سولتۇستىك جارتىسىندا تۇندە -28-35°س دەيىن, كۇندىز -20-25°س دەيىن;

- وڭتۇستىك جارتىسىندا تۇندە -13-20°س دەيىن, كۇندىز -5-12°س دەيىن, تاۋلى ايماقتاردا جانە وڭتۇستىك ايماقتاردىڭ سولتۇستىگىندە تۇندە -30°س دەيىن, كۇندىز -20°س دەيىن.

اقپاننىڭ ەكىنشى جانە ءۇشىنشى ونكۇندىكتەرىندە كونسۋلتاتيۆتىك بولجامعا سايكەس, ايازدى كۇندەر جىلى كۇندەرمەن الماسادى, قار, تۇمان جانە كوكتايعاق كۇتىلەدى. رەسپۋبليكانىڭ وڭتۇستىك جانە وڭتۇستىك-شىعىستىڭ تاۋلى ايماقتارىندا قاتتى جاۋىن-شاشىن, ياعني جاڭبىر, قار بولۋى مۇمكىن.

سۋىق انتيتسيكلوننىڭ ەنۋىنە بايلانىستى قارقىندى سۋىق تولقىندار بولجانادى, بۇل كۇندەرى اۋا تەمپەراتۋراسى تومەندەيدى:

سولتۇستىك جارتىسىندا جانە قر ورتالىعىندا تۇندە -25-35°س دەيىن, كۇندىز -15-25°س دەيىن;

رەسپۋبليكانىڭ وڭتۇستىك جارتىسىندا جانە وڭتۇستىك-باتىسىندا تۇندە -12-22°س دەيىن, كۇندىز -3-15°س دەيىن.

ال تسيكلوندىق بەلسەندىلىك كەزەڭىندە اۋا تەمپەراتۋراسىنىڭ قازاقستاننىڭ سولتۇستىك جارتىسىندا كۇندىز -5+3°س دەيىن, ەلدىڭ وڭتۇستىك جارتىسىندا جانە وڭتۇستىك-باتىسىندا كۇندىز +5+15°س دەيىن جوعارىلاۋى كۇتىلەدى.