ءۇش وبلىستا كولىك قوزعالىسىنا شەكتەۋ قويىلدى

بۇگىن ساعات 20: 30-دان باستاپ مىنا وڭىرلەردەگى رەسپۋبليكالىق ماڭىزى بار اۆتوجولداردا كولىك قوزعالىسىنا شەكتەۋ قويىلىپ وتىر: 

اقمولا وبلىسىنداعى «استانا-ەرەيمەنتاۋ-شىدەرتى» اۆتوجولىنىڭ 16-200 شاقىرىم ارالىعىنداعى ۋچاسكەسىندە (استانا قالاسىنان پاۆلودار وبلىسىنىڭ شەكاراسىنا دەيىن) جول جابىلدى. پاۆلودار وبلىسىنداعى «استانا-ەرەيمەنتاۋ-شىدەرتى» اۆتوجولىنىڭ 200-254 شاقىرىم ارالىعىنداعى ۋچاسكەسىندە كولىك قوزعالىسىنا شەكتەۋ قويىلعان. (اقمولا وبلىسىنىڭ شەكاراسىنان شىدەرتى اۋىلىنا دەيىن). جولدى 2025 جىلعى 4 اقپان ساعات 00:00-دە اشۋ جوسپارلانعان.   21: 00-دەن باستاپ جەتىسۋ وبلىسىنداعى «ۇشارال-دوستىق» اۆتوجولىنىڭ 84-164 شاقىرىم ارالىعىنداعى ۋچاسكەسىندە (كوكتۋما اۋىلىنان دوستىق ستانساسىنا دەيىن) كولىكتىڭ بارلىق ءتۇرىنىڭ قوعالىسىنا شەكتەۋ قويىلدى. بۇل جول ۋچاسكەسىنىڭ قاشان اشىلاتىنى ءالى ناقتىلانباعان.