قازگيدرومەت سينوپتيكتەرى اقپان ايىنا ارنالعان اۋا رايى بولجامىن جاريالادى, دەپ جازادى Egemen.kz.
سينوپتيكتەردىڭ ايتۋىنشا, بۇل اي – جىلدىڭ ەڭ كۇردەلى ايلارىنىڭ ءبىرى جانە بيىل دا سولاي بولادى. ياعني, اۋا رايىنىڭ كۇرت كوتەرىلۋى, اياز بەن جىلۋدىڭ توعىسۋى, قار, جاڭبىر.
ايدىڭ ءبىرىنشى ونكۇندىگىندە قازاقستان سولتۇستىك-باتىس تسيكلونىنىڭ اسەرىنە ۇشىراپ, اسپان بۇلتتى, قار دا, جاڭبىر دا جاۋادى. تۇمان, كوكتايعاق, ەكپىندى جەل كۇتىلەدى. تەمپەراتۋرا وزگەرەدى:
ەلدىڭ باتىسى مەن وڭتۇستىگىندە كۇندىز 0... + 10 گرادۋسقا دەيىن جىلى بولادى.
سولتۇستىك وڭىرلەردە تۇندە -2... -7, كۇندىز -4... + 1 گرادۋس بولماق.
ورتالىق جانە شىعىس وبلىستاردا تۇندە اۋا تەمپەراتۋراسى -12... -20 گرادۋسقا دەيىن تومەندەيدى, بىراق كۇندىز 0... -8 گرادۋسقا دەيىن جىلىنادى.
ءبىرىنشى ونكۇندىكتىڭ ەكىنشى جارتىسىندا قازاقستاندى سالەحارد اۋداندارىنان قۋاتتى اركتيكالىق سۋىق جاۋادى. تەمپەراتۋرا كۇرت تومەندەيدى:
سولتۇستىك وڭىرلەردە تۇندە -28... -35, كۇندىز -20... -25 گرادۋس.
وڭتۇستىك وبلىستاردا تۇندە -13... -20, كۇندىز -5... -12 گرادۋس.
تاۋلى اۋدانداردا جانە وڭتۇستىك وبلىستاردىڭ سولتۇستىگىندە تۇندە تەرمومەترلەر -30, كۇندىز -20 گرادۋسقا دەيىن جەتۋى ىقتيمال.
اقپاننىڭ ەكىنشى جانە ءۇشىنشى ونكۇندىكتەرى:
بولجامعا سايكەس, سول ونكۇندىكتەردە قار جاۋىپ, تۇمان تۇسەدى ءارى كوكتايعاق بولادى. رەسپۋبليكانىڭ وڭتۇستىك جانە وڭتۇستىك-شىعىس تاۋلارىندا جاۋىن-شاشىن (جاڭبىر, قار) بولۋى مۇمكىن.
ايدىڭ سوڭىندا سۋىق پەن جىلىنۋدىڭ جاڭا تولقىندارى كۇتىلىپ وتىر. انتيتسيكلوننىڭ باسىپ كىرۋى كەزىندە تەمپەراتۋرا:
سولتۇستىك جانە ورتالىق وڭىرلەردە تۇندە -25... -35, كۇندىز -15... -25 گرادۋس.
وڭتۇستىك جانە وڭتۇستىك-باتىس وبلىستارىندا تۇندە -12... -22, كۇندىز -3... -15 گرادۋس.
ال تسيكلوندى بەلسەندىلىك كۇشەيگەن كەزدە اۋا:
سولتۇستىك وڭىرلەردە -5... + 3 گرادۋسقا دەيىن.
وڭتۇستىك جانە وڭتۇستىك-باتىس وبلىستاردا + 5... + 15 گرادۋسقا دەيىن بولاتىنى بولجانعان.