استانا. 2 مامىر. نيگەريانىڭ سولتۇستىگىندەگى كادۋن شتاتىندا ورماننان 50 اڭشىنىڭ مۇردەسى تابىلدى. بۇل تۋرالى BBC حابارلادى.
وقيعا كادۋن, نيگەرا, زامفارا جانە كەببي شتاتتارىنىڭ تۇيىسكەن جەرىندە بولعان. ءداستۇرلى اڭشىلىقتى كاسىپ ەتكەن جەرگىلىكتى 50 تۇرعىندى بەلگىسىز بىرەۋلەر اتىپ كەتكەن.
الدىن الا بەلگىلى بولعان دەرەكتەرگە سۇيەنگەن نيگەريا پوليتسەيلەرى قايعىلى جاعدايدىڭ شامامەن سارسەنبى كۇنى بولعانىن ايتتى. الايدا, وڭىردەگى بايلانىس جۇيەسىنىڭ ناشارلىعىنا بايلانىستى جاپپاي ادام ءولتىرۋ ارەكەتى تەك جۇما كۇنى بەلگىلى بولىپ وتىر.
قازىرگى تاڭدا وسى ىسكە قاتىستى تەرگەۋ امالدارى باستالىپ كەتتى. ازىرگە ءتارتىپ ساقشىلارى ناقتى تۇسىنىك بەرۋدەن باس تارتۋدا.
ەلامان قوڭىر.
دەرەك: BBC.
سۋرەت: newsterrorism.blogspot.com.