ساران قالاسىنىڭ ءبىلىم بەرۋ ءبولىمىنىڭ جوباسى «اجەلەر مەكتەبى» – اتالعان قالانىڭ ءاربىر مەكتەبىندە جۇمىس ىستەيدى, دەپ جازادى Egemen.kz.
وقۋ ورىندارىنىڭ اكiمشiلiگi مەن قامقورشىلىق كەڭەسi 10 وقۋشىنىڭ اجەسىن iرiكتەيدi. اجەلەر بالالارعا شەبەرلىك سىنىپتارىن, دوڭگەلەك ۇستەلدەر, دارىستەر, ت.ب. وتكىزەدى. ءىس-شارالار جوسپارى بەكىتىلگەندىكتەن ءار كەزدەسۋدە ناقتى تاقىرىپ تالقىلانادى. اتالعان كەزدەسۋلەر ساران مەكتەپتەرىندە تۇراقتى تۇردە وتكىزىلەدى.
ساران اكىمدىگىنىڭ ءباسپاسوز حاتشىسى دۋمان ءالىمجانوۆتىڭ تۇسىندىرۋىنشە اجەلەردىڭ بالالارمەن كەزدەسۋلەرىندە مىقتى وتباسىن قۇرۋ, ماماندىقتى قالاي تاڭداۋ, بالالاردى قالاي تاربيەلەۋ, ت.ب. تاقىرىپتار ارقاۋ بولادى ەكەن. مىسالى, قازاقستان حالقى اسسامبلەياسىنىڭ وكىلدەرى بالالارعا كيىزدەن كادەسىيلار جاساۋدى ۇيرەتكەن.
اتالعان جوبا بويىنشا ينتەراكتيۆتى تانىمدىق ويىندار دا وتكىزىلەدى. كەزدەسۋلەردىڭ بىرىندە مەكتەپ وقۋشىلارىنىڭ اجەلەرى ءتۇرلى تىلدەردە ءان سالىپ, ءتۇرلى ۇلتتاردىڭ ءداستۇرلى كيىمدەرى تۋرالى اڭگىمەلەگەن.