سيرياداعى توڭكەرىسشىل توپتىڭ كوسەمى احمەد اش-شاراا «اۋىسپالى ۇكىمەت كەزەڭىندە» ەلدىڭ جاڭا پرەزيدەنتى بولىپ جاريالاندى. بۇل جونىندە ء«ال-ارابيا» جانە تاياۋ شىعىستاعى وزگە دە اقپارات قۇرالدارى حابارلادى, دەپ جازادى Egemen.kz.
موحامماد ءال-دجۋلاني رەتىندە تانىلعان اش-شاراا جەتەكشىلىك ەتەتىن قارۋلى توپ «حايات تاحرير اش-شام» – اقش, باتىس ەلدەرى مەن رەسەيدە, سونىمەن قاتار قازاقستاندا تەرروريستىك ۇيىم رەتىندە تانىلعان.
اتالعان توپ قاراشانىڭ سوڭى – جەلتوقساننىڭ باسىندا باشار اساد ديكتاتۋراسىنا قارسى قارۋلى ب ۇلىككە شىعىپ, ناتيجەسىندە اساد رەجيمى قۇلادى. اسادتىڭ ءوزى ماسكەۋگە قاشىپ, اش-شاراا ءىس جۇزىندە ەلدىڭ جاڭا باسشىسىنا اينالعان.
ايتا كەتەيىك, اش-شاراا بۇعان دەيىن اۋىسپالى كەزەڭنەن كەيىن تۇراقتى ۇكىمەت سايلاۋ ناتيجەسىندە جاساقتالۋى كەرەك دەپ مالىمدەگەن, الايدا اۋىسپالى كەزەڭ قانشا ۋاقىتقا سوزىلاتىنىن ايتقان جوق.