استانا. 2 مامىر. اقتاۋدا ۇستىنە دۇكەننىڭ جارناما بيلبوردى قۇلاپ كەتكەن 5 جاسار قىز اۋىر جاراقات الدى. بۇل تۋرالى lada.kz حابارلادى.
قازىرگى تاڭدا قىز بالا وبلىستىق بالالار اۋرۋحاناسىنىڭ تراۆماتولوگيالىق بولىمىندە ەم-دوم قابىلداۋدا. دارىگەرلەر زارداپ شەگۋشىنىڭ جابىق باس-سۇيەك جاراقاتىن العانىن انىقتاعان. سونداي-اق, قىز بالانىڭ اياعى سىنىپ, باسقا دا دەنە جاراقاتتارى تىركەلگەن.
وقيعا 29 ساۋىردە قالانىڭ 15-شاعىن اۋدانىندا بولعان. قىزدىڭ اناسى, 34 جاستاعى ايەلدىڭ ايتۋىنشا, كەلەڭسىز جايت قاس-قاعىم ساتتە ورىن العان ەكەن. «قىزىم اۋدانداعى ءۇشىنشى ۇيدە ورنالاسقان دۇكەننىڭ جانىندا تۇرعان ەدى. كەنەت جوعارىدا ءىلىنىپ تۇرعان بيلبورد قىزىمنىڭ ۇستىنە قۇلاپ كەتتى», – دەيدى اناسى.
قازىرگى تاڭدا اتالعان دەرەك بويىنشا تەرگەۋ امالدارى جۇرگىزىلۋدە.
ەلامان قوڭىر.
دەرەك: lada.kz.
سۋرەت: aktau-man.all.biz