وقۋشىنىڭ بىرەگەي جوباسى اتوم ەلەكتر ستانتسيالارىنىڭ (اەس) ەلەكتر ەنەرگياسىن وندىرۋدەگى تيىمدىلىگىن زەرتتەۋگە باعىتتالعان, دەپ حابارلايدى Egemen.kz.
جاس ونەرتاپقىش – اقتوبە وبلىسىنداعى قارعالى اۋدانىنا قاراستى الىمبەتوۆ اۋىلىنىڭ 4-سىنىپ وقۋشىسى نۇرتالاپ باقىتجانوۆ.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمەتىنشە نۇرتالاپ قۇراستىرعان ماكەت سۋدى قايناتىپ, 2-2,5 اتموسفەرالىق قىسىمدا بۋ ەنەرگياسىن الادى. بۇل ەنەرگيا تۋربينا ارقىلى مەحانيكالىق ەنەرگياعا, ودان ءارى ەلەكتر ەنەرگياسىنا اينالادى. ماكەت رەاكتور, بۋ تۋربيناسى, گەنەراتور, ەنەرگيا تاراتۋ قۇبىرلارى, گراديرنيا, سۋىتۋ باسسەينى سەكىلدى ناقتى قۇرامداس بولىكتەردەن تۇرادى.
«مەن اەس قۇرىلىسىن زەرتتەپ, ەلەكتر ەنەرگياسىن ءتيىمدى ءوندىرۋدىڭ جولدارىن ىزدەۋدى ماقسات ەتتىم. الەمدەگى اەس-ءتىڭ جۇمىس پرينتسيپتەرى مەن قۇرىلىمىنا تالداۋ جاساپ, شاعىن ماكەت جاساۋ ءۇشىن فيزيكا مەن كوسموس سالاسىنداعى دەرەكتەردى زەرتتەدىم», دەيدى نۇرتالاپ.
ول - «زەردە» عىلىمي جوبالار بايقاۋىنىڭ تۇراقتى قاتىسۋشىسى. بىرنەشە بايقاۋلاردان ماراپات جەڭىپ العان دارىندى وقۋشى.
نۇرتالاپتىڭ ارمانى – ينجەنەر بولۋ جانە ءارتۇرلى ەنەرگيا كوزدەرىندە جۇمىس ىستەيتىن قۇرىلعى جاساۋ ەكەن.