داۋلەت مۇقاەۆ بالاباقشالاردىڭ جۇمىس ۋاقىتىن ۇزارتۋدى ۇسىندى

ولاردىڭ باسىم بولىگىنىڭ بالالارى مەملەكەتتىك بالاباقشانىڭ تاربيەلەنۋشىلەرى. بالاباقشا مەن جالپى  جۇمىس ۋاقىتى بىردەي. سوندىقتان اتا-انالار جۇمىستان ەرتەرەك سۇرانىپ, بالاباقشاعا اسىعادى. دەپۋتات داۋلەت مۇقاەۆ بۇگىنگى ءماجىلىستىڭ جالپى وتىرىسىندا وسى ماسەلەگە جاۋاپتى مينيسترلىك نازارىن اۋدارۋدى سۇرادى.  

«قازىر كوپ وتباسىلارداعى اتا-انالار, ياعني ەرى دە, ايەلى دە جۇمىس ىستەيدى. ونسىز استانادا ءومىر ءسۇرۋ وڭاي ەمەس. جۇمىس ۋاقىتى – تاڭعى ساعات 9-دان كەشكى 18.00-گە دەيىن. بۇل – بارلىق مەكەمەلەرگە قويىلاتىن ورتاق تالاپ. سودان كەيىن بالاسىن بالاباقشادان الۋ ءۇشىن قىزمەتكەرلەر كۇندەلىكتى جۇمىستان ەرتە كەتۋگە سۇرانادى. ونداي ادامداردان جۇمىس ونىمدىلىگىن قالاي تالاپ ەتۋگە بولادى. ەڭ قيىنى, ءدال وسى ۋاقىتتا ەلوردادا جول كەپتەلىسى كۇشەيىپ, كولىكتى تىزگىندەگەندەر بالاباقشاداعى بالاسىنا ەرتەرەك جەتۋ ءۇشىن اسىعىس قوزعالادى. سونىڭ سالدارىنان جول-كولىك وقيعالارى ورىن الىپ جاتاتىنى تاعى انىق», دەدى داۋلەت مۇقاەۆ.

ماجىلىسمەن اتا-انالار كەشكى ساعات 18.00-دە جۇمىستان شىقسا, بالاباقشالار 18.00-گە دەيىن جۇمىس ىستەيتىن بولسا, وندا بالالاردىڭ قاراۋسىز قالىپ, كوپ جاعدايدا قاراۋىلدىڭ قاسىندا قالاتىنىن دا جاسىرمادى. حالىق قالاۋلىسى استانالىق اتا-انالار ءۇشىن كۇرمەۋلى بولىپ وتىرعان وسى ماسەلەنى شەشۋ ءۇشىن ارنايى ۇسىنىسىن ورتاعا سالدى. 

«دۇرىسى, اتا-اناسى جۇمىس ىستەيتىن بالالاردى كەزەكشى توپتارعا بىرىكتىرىپ, كەشكى ساعات 19.00-گە دەيىن قارايتىن بولسا, دۇرىس بولماي ما؟ مۇنداي تاجىريبە استانا قالاسىنداعى كەيبىر بالاباقشالاردا بار. كەشكى ۋاقىتتاعى كەزەكشى توپتاردى ەلورداداعى بارلىق بالاباقشادا ۇيىمداستىرۋ كەرەك دەپ سانايمىز. مۇنداي قادام بالاسىنا الاڭداعان اتا-انالاردىڭ جۇمىسىن جەڭىلدەتەتىن ەدى», دەدى دەپۋتات.