بىلتىر 14 اقپان كۇنى دوحا قالاسىندا قازاقستان مەن قاتار اراداعى قىلمىسكەرلەردى ۇستاپ بەرۋ تۋرالى كەلىسىمگە قول قويعان ەدى, دەپ جازادى Egemen.kz.
بۇگىن ءماجىلىس دەپۋتاتتارى وسى كەلىسىمدى راتيفيكاتسيالادى. قۇجات ەكى ەلدىڭ قۇزىرلى ورگاندارى اراسىنداعى بايلانىستى نىعايتىپ, قىلمىستىق قۋدالاۋدا جۇرگەن ازاماتتاردى الماسۋعا مۇمكىندىك بەرەدى.
«كەلىسىم ۇستاپ بەرۋدىڭ جانە ودان باس تارتۋدىڭ نەگىزدەرىن انىقتايدى, سونداي-اق ۇستاپ بەرۋدىڭ شارتتارى مەن ءتارتىبى, ونى كەيىنگە قالدىرۋ جانە ۋاقىتشا بەرۋ تۋرالى ەرەجەلەردى قامتيدى. ءار تاراپ ءوز ازاماتتارىن ۇستاپ بەرۋ ماسەلەسىن قاراستىرمايدى. ىزدەۋدەگى ادامداردى الدىن الا قاماۋعا الۋ ءتارتىبى, سونداي-اق قىلمىس ناتيجەسىندە الىنعان نەمەسە دالەل بولا الاتىن زاتتار مەن قۇجاتتاردى الۋ جانە بەرۋ ماسەلەلەرى رەتتەلەدى», دەلىنگەن ءماجىلىس حابارلاماسىندا.