پاۆلودار قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتى كولىك قۇرالىن الكوگولدىك ماساڭ كۇيدە باسقارعان ازاماتشا ي.-گە قاتىستى ءىستى قارادى, دەپ حابارلايدى Egemen.kz.
انىقتالعانداي, وتكەن جىلدىڭ جەلتوقسان ايىندا 1951 جىلى تۋعان ازاماتشا «تويوتا» كولىگىن ماس كۇيىندە باسقارعان. سوت وتىرىسىندا زەينەتكەر ءوزىنىڭ قۇقىق بۇزعانىن مويىنداعان.
اتالعان دەرەكتىڭ ءمان-جايى اكىمشىلىك قۇقىق بۇزۋشىلىق تۋرالى حاتتامامەن, مەديتسينالىق ساراپتاما اكتىسىمەن جانە بەينەجازبامەن راستالعان.
سوت ازاماتشا ي.-ءدى اقبتك-ءنىڭ 608-ب. 1-ب. بويىنشا كىنالى دەپ تانىپ, وعان 7 جىل مەرزىمگە كولىك قۇرالىن باسقارۋ قۇقىعىنان ايىرۋ تۇرىندەگى جازانى تاعايىندادى.
قاۋلى زاڭدى كۇشىنە ەندى.