استانا. 18 ماۋسىم. اقتوبە وبلىسىنىڭ شالقار اۋدانىنا قاراستى جاڭاقونىس اۋىلىندا 17 جاستاعى قىز ءوزىن ولتىرمەك بولىپ بەلگىسىز ءدارى ءىشىپ, كوماعا ءتۇستى. بۇل تۋرالى nur.kz حابارلادى.
وزىنە قول جۇمساپ, ولتىرمەك بولعان قىز بالانىڭ جۇكتى ەكەنى انىقتالدى. الدىن الا بولجام بويىنشا, اياعى اۋىر بولىپ قالعانىن بىلگەن بويجەتكەن اكەسىنەن قورقىپ, ءوزىن ولتىرمەك بولعان.
اۋداندىق اۋرۋحاناعا ول 15 ماۋسىم كۇنى جەتكىزىلدى. دارىگەرلەردىڭ ءبىرى: «ول ەسىنەن تانىپ جاتتى. نەدەن ۋلانعانى بەلگىسىز. قىز جاقىندا مەكتەپ ءبىتىرىپ, ۇبت تاپسىرعان. جۇكتىلىك مەرزىمى – 4 اي. 17 ماۋسىم كۇنى ءبىز ساناۆياتسيامەن ناۋقاستى اقتوبەگە جىبەردىك», – دەدى.
الدىمەن بالالار اۋرۋحاناسىنا جەتكىزىلگەن قىز كەيىن وبلىستىق مەديتسينا ورتالىعىنا اۋىستىرىلعان. دارىگەرلەر ونىڭ 3-ساناتتاعى كوماعا تۇسكەنىن, جاعدايى اۋىر ەكەنىن مالىمدەدى.
ايتا كەتەيىك, قىزدىڭ اناسى دا دارىگەر. ول قىزىنىڭ جۇكتىلىگىنەن حاباردار ەكەنى بەلگىلى بولدى. دەگەنمەن, ناۋقاس قاتال اكەسىنەن قورقىپ, ءدارى ءىشىپ قويعان.
ەسكە سالا كەتەيىك, وڭتۇستىك قازاقستان وبلىسىندا ۇبت-دان از ۇپاي جيناعان قىز وزىنە قول جۇمساپ, قايتىس بولعان ەدى.
تالعات رايىمبەك.
دەرەك, سۋرەت: nur.kz.