WBO جانە IBF تۇجىرىمدارى بويىنشا الەم چەمپيونى جانىبەك ءالىمحان ۇلى قازاقستاندا چەمپيوندىق اتاعىن قورعاۋى مۇمكىن, دەپ حابارلايدى Egemen.kz.
امەريكالىق جۋرناليست دەن رافاەل X الەۋمەتتىك جەلىسىندەگى پاراقشاسىندا قازاقستاندىقتىڭ كەلەسى قارسىلاسى بۇرىن-سوڭدى جەڭىلمەگەن بريتاندىق شاكيل تومپسون (13-0, 9 كو) بولاتىنىن جازدى.
سونىمەن قاتار جۋرناليست جەكپە-جەكتىڭ قازاقستاندا وتەتىنىن ايتتى.
«جانىبەك ءالىمحان ۇلى تۋعان ەلىندە سوڭعى رەت 2017 جىلى ەكى كاسىبي جەكپە-جەگىن وتكىزگەن. سودان بەرى العاشقى رەت ءساۋىر-مامىر ايلارىندا بريتاندىق بوكسشى شاكيل تومپسونمەن قازاقستاندا جەكپە-جەككە شىعىپ, تيتۋلىن قورعاپ قالۋ ءۇشىن كۇش سىناسادى. تومپسون العاشقى دايىندىق جەكپە-جەگىن 7 اقپاندا وتكىزەدى», دەدى دەن رافاەل.