سوت 2022 جىلعى قاڭتار وقيعاسى بويىنشا «ديكي ارمان» لاقاپ اتىمەن تانىمال ارمان جۇماگەلديەۆكە ۇكىم شىعاردى, دەپ حابارلايدى Egemen.kz.
ءىس الماتى قالاسىنىڭ مامانداندىرىلعان اۋدانارالىق اكىمشىلىك سوتىندا قارالدى. سوت ارمان جۇماگەلديەۆتى 20 جىلعا باس بوستاندىعىنان ايىردى.
ەسكە سالايىق, 2024 جىلدىڭ اقپان ايىندا «ديكي ارمان» ۇيىمداسقان قىلمىستىق توبىنىڭ مۇشەلەرى الماتى مەن شىمكەنتتە ۇستالعان ەدى.
2023 جىلدىڭ قىركۇيەگىندە تەرگەۋشىلەر «ديكي ارمان» دەگەن اتپەن بەلگىلى كريمينالدىق توپ ارمان جۇماگەلديەۆ پەن الماتى قالاسى ءماسليحاتىنىڭ دەپۋتاتى قايرات قۇدايبەرگەننىڭ ءىسىن سوتقا تاپسىرعانىن جازعان ەدىك.
ولارعا بيلىكتى نەمەسە لاۋازىمدىق وكىلەتتىكتەردى اسىرا پايدالانعانى (قك-ءنىڭ 362-بابى), ۇيىمداسقان قىلمىستىق توپتى قۇرعانى, وعان باسشىلىق جاساعانى جانە وعان قاتىسقانى (قك-ءنىڭ 262-بابى), توناعانى (قك-ءنىڭ 191-بابى), زاڭسىز باس بوستاندىعىنان ايىرعانى (قك-ءنىڭ 126-بابى), 2022 جىلعى قاڭتارداعى جاپپاي تارتىپسىزدىكتەردى ۇيىمداستىرعانى جانە وعان قاتىسقانى (قك-ءنىڭ 272-بابى), بانديتيزم (قك 268-بابى) ءۇشىن ايىپ تاعىلدى.