ورال. 18 ماۋسىم. باتىس قازاقستان وبلىسىنىڭ ورتالىعى – ورال قالاسىندا كولىكتەن تۇرمىستىق زاتتاردى ۇرلاۋمەن اينالىسقان ەكى ەر ادام ۇستالدى. بۇل تۋرالى قالالىق ىشكى ىستەر باسقارماسىنا سىلتەمە جاساعان egemen.kz ءتىلشىسى حابارلادى.
كۇدىكتىلەر وسى جىلدىڭ ناۋرىز جانە ءساۋىر ايلارىندا 11 مارتە ۇرلىق جاساعانىن مويىندادى. ولار نەگىزىنەن كولىكتەن ماگنيتوفون, ۆيدەوتىركەگىش, فلەشكا سىندى بۇيىمداردى ۇرلاپ وتىرعان.
ۇرىلاردى ورال قالالىق ىشكى ىستەر باسقارماسى اباي ءبولىمىنىڭ قىزمەتكەرلەرى قولعا ءتۇسىردى. اتالعان باسقارما تاراتقان مالىمەتتەرگە سۇيەنسەك, كۇدىكتىلەر قولدى قىلعان زاتتارىنىڭ كەيبىرىن كادەلەرىنە جاراتىپ ۇلگەرگەن. ال ءبىر بولىگى يەلەرىنە قايتارىلدى. ۇستالعاندارعا قاتىستى «ۇرلىق» بابى بويىنشا قىلمىستىق ءىس قوزعالدى. ەكەۋى دە ەشقايدا شىقپاۋ تۋرالى قولحات جازىپ بەردى.
تەمىر قۇسايىن.
دەرەك: egemen.kz.
سۋرەت: times.ua.