ەڭبەك جانە حالىقتى الەۋمەتتىك قورعاۋ مينيسترلىگى ەلىمىزدە ەكىنشى دۇنيەجۇزىلىك سوعىسقا قاتىسقان قانشا ارداگەر تۇراتىنىن ايتتى, دەپ حابارلايدى Egemen.kz.
«2025 جىلعى 1 قاڭتارداعى جاعداي بويىنشا قازاقستاندا 85 203 ارداگەر تۇرادى, ونىڭ ىشىندە ءىى دۇنيەجۇزىلىك سوعىستىڭ 120 ارداگەرى, جەڭىلدىكتەر بويىنشا ءىى دۇنيەجۇزىلىك سوعىس ارداگەرلەرىنە تەڭەستىرىلگەن 16 983 ارداگەر, 26 506 باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرى, 41 594 ءىى دۇنيەجۇزىلىك سوعىس جىلدارىنداعى تىل ەڭبەككەرى بار», دەلىنگەن حابارلامادا.
2024 جىلى ارداگەرلەردىڭ اتالعان ساناتتارىنا 16,7 ملرد تەڭگە سوماسىندا ارناۋلى مەملەكەتتىك جاردەماقى تولەندى. 2025 جىلى وسى ماقساتتارعا 17 ملرد تەڭگە قاراستىرىلعان.
رەسپۋبليكالىق بيۋدجەتتەن بەرىلەتىن اي سايىنعى ارناۋلى مەملەكەتتىك جاردەماقى ارداگەرلەردىڭ بارلىق ساناتتارىنا, وزگە دە الەۋمەتتىك تولەمدەردى الۋىنا قاراماستان, مىناداي مولشەردە تولەنەدى:
- ءىى دۇنيەجۇزىلىك سوعىس ارداگەرلەرى – 16 اەك (2025 جىلى – 62 912 تەڭگە).
جەڭىلدىكتەرى بويىنشا ءىى دۇنيەجۇزىلىك سوعىس ارداگەرلەرىنە تەڭەستىرىلگەن ارداگەرلەر, ولاردىڭ ىشىندە:
- ءىى دۇنيەجۇزىلىك سوعىس كەزەڭىندە جاراقات الۋى, كونتۋزيا الۋى, مەرتىگۋى نەمەسە اۋرۋ سالدارىنان مۇگەدەكتىگى بار ادامدارعا جەڭىلدىكتەر بويىنشا تەڭەستىرىلگەن ادامدار – 7,55 اەك (2025 جىلى – 27 875 تەڭگە);
- جەڭىلدىكتەر بويىنشا ءىى دۇنيەجۇزىلىك سوعىس قاتىسۋشىلارىنا تەڭەستىرىلگەن تۇلعالار – 6,19 اەك (2025 جىلى – 24 339 تەڭگە).
باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى, ونىڭ ىشىندە:
- اۋعانستانداعى ۇرىس قيمىلدارىنا قاتىسۋشىلار – 6,19 اەك (2025 جىلى – 24 339 تەڭگە);
- تاجىك-اۋعان ۋچاسكەسىندە تمد شەكاراسىن قورعاۋدى كۇشەيتۋ جونىندەگى مىندەتتەردى ورىنداعان, يراكتاعى حالىقارالىق بىتىمگەرشىلىك وپەراتسياعا, تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەر – 4,8 اەك (2025 جىلى – 18 874 تەڭگە);
- ءىى دۇنيەجۇزىلىك سوعىس جىلدارىنداعى تىل ەڭبەككەرلەرى – 2,13 اەك (2025 جىلى – 8 376 تەڭگە).