قر ەنەرگەتيكا مينيسترلىگى ءۇش قالادا سالىناتىن جىلۋ ەلەكتر ورتالىقتارىنىڭ قاشان ىسكە قوسىلاتىنىن اتاپ ءوتتى, دەپ حابارلايدى Egemen.kz.
«قازىرگى تاڭدا كوكشەتاۋ, سەمەي, وسكەمەن قالالارىندا 2032 جىلعا دەيىن كەزەڭ-كەزەڭىمەن ىسكە قوسىلاتىن ءۇش جەو سالۋ جوبالارى جۇزەگە اسىرىلىپ جاتىر. سونداي-اق بۇل جىلۋ ەلەكتر ستانسالارى «سامۇرىق-ەنەرگو» اق مەن «سامۇرىق-قازىنا» اق ەنشىلەس كومپانيالارىنا تيەسىلى بولادى», دەلىنگەن مينيسترلىكتىڭ حابارلاماسىندا.
ۆەدومستۆونىڭ مالىمەتىنشە, كوكشەتاۋداعى جىلۋ ەلەكتر ورتالىعى 2029 جىلى, وسكەمەندە 2031 جىلى, سەمەيدە 2032 جىلى تولىق ىسكە قوسىلادى.
بۇعان دەيىن قىزىلوردادا قۇنى 215 ميلليارد تەڭگەگە جىلۋ ەلەكتر ورتالىعى سالىنىپ جاتقانى حابارلانعان ەدى. قازاقستان جىلۋ ەلەكتر ستانتسيالارى مەن كوممۋنالدىق شارۋاشىلىقتى جاڭعىرتۋعا 20 ميلليارد دوللار ينۆەستيتسيا تارتۋدى جوسپارلاپ وتىر.