Speedtest Global Index قىزمەتى 2024 جىلدىڭ جەلتوقسان ايىنىڭ قورىتىندىسىن شىعارىپ, ينتەرنەت جەلىسى ەڭ جىلدام ەلدەر مەن قالالاردىڭ رەيتينگىن جاريالادى, دەپ حابارلايدى Egemen.kz.
جاڭا زەرتتەۋدە عالىمدار 154 ەلدىڭ 200-گە جۋىق قالاسىندا ءموبيلدى ينتەرنەت پەن كەڭ جولاقتى قولجەتىمدىلىكتىڭ ورتاشا جىلدامدىعىن تالدادى. Speedtest Global Index باعالاۋىنىڭ نەگىزگى كريتەريلەرى – ءموبيلدى جانە كەڭ جولاقتى جەلىلەر ءۇشىن جۇكتەۋ جىلدامدىعى.
جاھاندىق قىزمەتتىڭ مالىمەتى بويىنشا, قازاقستان ءموبيلدى ينتەرنەت جىلدامدىعى بويىنشا ەلدەر رەيتينگىندە ءبىر ساتىعا كوتەرىلدى. ءبىزدىڭ ەلىمىز سەكۋندىنا 53,76 مب/س جۇكتەپ الۋ جىلدامدىعىمەن 57-ورىندا.
قازاقستان تۇراقتى كەڭ جولاقتى ينتەرنەت جىلدامدىعى رەيتينگى بويىنشا الەمدىك رەيتينگتە 88-ورىنعا ورنالاستى (سەكۋندىنا 73,67 مب/س).
ءموبيلدى ينتەرنەت جىلدامدىعى بويىنشا كوشباسشى مەملەكەتتەر:
بىرىككەن اراب امىرلىكتەرى – سەكۋندىنا 453,87 مەگابيت; قاتار – سەكۋندىنا 383,5 مەگابيت; كۋۆەيت – سەكۋندىنا 257,3 مەگابيت.ەڭ تومەنگى كورسەتكىش تاعى دا اۋعانستاندا تىركەلدى, وندا جۇكتەۋ جىلدامدىعى سەكۋندىنا 8,2 مب/س بولدى.