استانا. 1 مامىر. كەشە, بەيسەنبى كۇنى قىرعىزستان جوگوركۋ كەنەشى ساريەۆ تەمير ارگەمباەۆيچتى پرەمەر-مينيستر لاۋازىمىنا بەكىتتى. بۇل تۋرالى KNews حابارلادى.
ساريەۆتىڭ كانديداتۋراسىن پارلامەنتتەگى كوپشىلىك كواليتسياسى ۇسىندى. «ار-نامىس» اليانسىنىڭ توراعاسى فەليكس كۋليەۆ وسىعان وراي ۇكىمەت قۇرامىنداعى قىرعىزستانداعى ينتەگراتسيا جانە باسقا دا ماسەلەلەر بويىنشا ءجۇرىپ جاتقان اعىمداعى پروتسەستەردىڭ ءبارىن بىلەتىن ادامدى تاڭداۋ تۋرالى ۇيعارىم بولعانىن اتاپ ءوتتى.
كانديداتۋراسىن تالقىلاۋ بارىسىندا ساريەۆ مينيسترلەر كابينەتىن جونگە كەلتىرۋگە, قاتاڭ ءتارتىپ ورناتۋعا, سونداي-اق ءادىل پارلامەنت سايلاۋىن وتكىزۋگە ۋادە بەردى. ول سونىمەن قاتار ۇكىمەتتىڭ قۇرىلىمىن وزگەرتۋگە ۋاقىت تاپشى بولعانىن, سوندىقتان تەك بوس ورىندارعا عانا جاڭا مينيسترلەر تاعايىنداپ, بۇرىنعى كابينەت قۇرامىن قالدىرۋعا شەشىم قابىلدانعانىن مالىمدەدى. وسىلايشا قارجى ءمينيسترىنىڭ ورىنتاعىنا ونىڭ بۇرىنعى ورىنباسارى ادىلبەك كاسىماليەۆ, ەكونوميكا ءمينيسترى بولىپ ساريەۆتىڭ بۇرىنعى ورىنباسارى ولەگ پانكراتوۆ, ال كولىك جانە كوممۋنيكاتسيا ءمينيسترى بولىپ ارگىنبەك مالاباەۆ تاعايىندالدى.
دەپۋتاتتار تالقىلاۋ كەزىندە ساريەۆكە وزدەرىن قىزىقتىراتىن بىرنەشە سۇراقتى قويىپ الىپ, ونى ۇكىمەت باسشىسى ەتىپ بەكىتتى. داۋىس بەرۋ قورىتىندىسىندا جاڭا كانديداتۋرانى 97 دەپۋتات قولداسا, 2 حالىق ءوالاۋلىسى قارسى بولدى.
وتكەن اپتادا بۇرىنعى پرەمەر-مينيستر دجوومارت وتورباەۆ جوگوركۋ كەنەشتە بىلتىرعى جىلى اتقارىلعان جۇمىستار جونىندە ەسەپ بەرىپ بولعاننان كەيىن ءوزىنىڭ وتستاۆكاعا كەتەتىنىن مالىمدەگەن ەدى.
ساكەن مايلىباي.
دەرەك, سۋرەت: KNews.