ۇلتتىق بانكتىڭ اقشا-نەسيە ساياساتى كوميتەتى بازالىق مولشەرلەمەنى بۇرىنعى 15,25% دەڭگەيىندە قالدىرۋ تۋرالى شەشىم قابىلدادى. قازىر ەلدەگى جىلدىق ينفلياتسيا دەڭگەيى – 8,6%. نەگىزگى ماقسات – 5%-عا تومەندەتۋ.
ۇلتتىق بانك توراعاسى تيمۋر سۇلەيمەنوۆتىڭ ايتۋىنشا, سىرتقى ورتادا باعا قىسىمى كۇشەيىپ تۇر.
«وعان ەلىمىزدىڭ نەگىزگى ساۋدا-سەرىكتەسى – رەسەيدە ينفلياتسيانىڭ كۇشەيۋى سەبەپ. ونىڭ ۇستىنە, كەيىنگى ايلاردا جەتەكشى ەكونوميكالاردا ينفلياتسيا ۇدەپ كەلەدى. سونىڭ ءوزى الەمدەگى مولشەرلەمەلەردىڭ ۇزاق ۋاقىت جوعارى بولىپ قالۋىنا سەبەپ. بۇل وزگەرىستەر دوللاردىڭ نىعايۋىنا اسەر ەتتى. دامۋشى ەلدەردىڭ ۆاليۋتالارىنا, ونىڭ ىشىندە تەڭگەگە دە قىسىم كۇشەيىپ كەلەدى. ىشكى ەكونوميكاداعى ينفلياتسيالىق فاكتورلاردى اتاساق, ولار – فيسكالدىق ىنتالاندىرۋدىڭ جالعاسۋى, تۇرعىن ءۇي-كوممۋنالدىق قىزمەتتەر ءتاريفىنىڭ ءوسۋى, تەڭگەنىڭ السىرەۋى جانە تۇتىنۋشىلىق سۇرانىستىڭ تۇراقتى ارتۋى», دەيدى ۇب باسشىسى.
ونىڭ سوزىنشە, باس بانك نەگىزگى ماكروەكونوميكالىق كورسەتكىشتەردىڭ بولجامىن جاڭارتا وتىرىپ, كەلەسى شەشىمدە اقشا-كرەديت ساياساتىن قاتاڭداتۋ شارالارى قانشالىقتى قاجەت بولاتىنىن مۇقيات باعالايدى.
«قاجەت بولعان جاعدايدا ينفلياتسيالىق كۇتۋلەردى تۇراقتاندىرۋ ءارى ينفلياتسيانى تۇراقتى قۇلدىراۋ تراەكتورياسىنا ماقساتتى 5%-عا دەيىن قايتارۋ ءۇشىن مەيلىنشە تەزىرەك قاتاڭ شەشىمدەر قابىلداۋعا دايىن ەكەنىمىزدى ايتا كەتكىم كەلەدى», دەدى.
2024 جىلدىڭ جەلتوقسانىندا ينفلياتسيا 8,6%-عا دەيىن جەدەلدەپ, بولجامدى 8–9% دەڭگەيىندە قالىپتاستى. ناتيجە ءبىر قاراعانعا تۇراقتى بولىپ كورىنگەنىمەن, ونىڭ وسۋىنە بىرنەشە ماڭىزدى فاكتور ىقپال ەتتى. ەڭ الدىمەن, قىزمەت كورسەتۋ سالاسىنداعى باعانىڭ كۇرت ارتۋى بايقالدى. كوممۋنالدىق تولەمدەر, كولىك, ءبىلىم جانە دەنساۋلىق ساقتاۋ سالالارىنداعى باعا ءوسىمى تۇرعىنداردىڭ شىعىنىن ارتتىرىپ, جالپى ينفلياتسيانىڭ جوعارىلاۋىنا تۇرتكى بولدى.
سونىمەن قاتار ازىق-ت ۇلىككە جاتپايتىن تاۋارلاردىڭ قىمباتتاۋى دا ماڭىزدى ءرول اتقاردى. بۇل ساناتقا تۇرمىستىق تەحنيكا, كيىم, جانارماي, قۇرىلىس ماتەريالدارى سياقتى ونىمدەر كىرەدى. باعانىڭ وسۋىنە ىشكى جانە سىرتقى نارىقتاعى وزگەرىستەر, اسىرەسە تەڭگەنىڭ قۇنسىزدانۋى اسەر ەتتى. يمپورتتىق تاۋارلار باعاسىنىڭ ءوسۋى جەرگىلىكتى نارىققا دا قىسىم ءتۇسىردى.
تاعى ءبىر ايتارلىقتاي سەبەپ – ء«تاريفتى ينۆەستيتسياعا ايىرباستاۋ» باعدارلاماسى اياسىندا كوممۋنالدىق تاريفتەردىڭ كوتەرىلۋى. الەمدىك ازىق-ت ۇلىك باعاسىنىڭ ءوسۋى مەن رەسەيدەگى ينفلياتسيانىڭ كۇشەيۋى دە ەل ەكونوميكاسىنا قوسىمشا قىسىم جاسادى.