قىزىلوردا وبلىستىق كوپبەيىندى اۋرۋحاناسىندا 40 جاستاعى ناۋقاسقا جاسالعان باۋىر ترانسپلانتاتسياسى وتاسى ءساتتi اياقتالدى. دونور – 1993 جىلى دۇنيەگە كەلگەن پاتسيەنتتىڭ تۋىسى, دەپ حابارلايدى Egemen.kz.
Kyzylorda-news.kz-ءتىڭ جازۋىنشا توعىز جىلدان بەرى باۋىر تسيرروزى دەرتىنە شالدىعىپ, ەمi ناتيجەسىز بولعان ناۋقاسقا جاسالعان وتا ون ساعاتقا سوزىلعان.
وتا ءساتتى اياقتالىپ قازىرگى ۋاقىتتا ناۋقاس قالىپتى ومىرگە ورالدى.
كۇردەلى وتانىڭ جاسالۋىنا ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ باسقارما توراعاسى, مەديتسينا عىلىمدارىنىڭ دوكتورى, پروفەسسور, جوعارى ساناتتى دارىگەر بايماحانوۆ بولاتبەك بيمەندى ۇلى جەتەكشىلىك ەتەتىن ترانسپلانتولوگتار ارنايى كەلىپ قولداۋ بىلدىرگەن.