12-15 ماۋسىمدا وڭتۇستىك افريكا رەسپۋبليكاسىنىڭ (وار) استاناسى – يوحاننەسبۋرگتە وتكەن افريكا وداعى (او) ۇكىمەتتەرى مەن مەملەكەتتەرى باسشىلارىنىڭ 25-ءشى اسسامبلەياسىنا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى اسقار مۋسينوۆ باستاعان قازاقستاندىق دەلەگاتسيا قاتىستى. او ءسامميتى افريكا – 2063 كۇن ءتارتىبىنىڭ نەگىزىندە كونتينەنتتىڭ بولاشاق دامۋىنا جانە ايەلدەر ءرولىن كوتەرۋ ماسەلەلەرىنە ارنالدى. سامميت شەڭبەرىندە اۋماقتىق قاۋىپسىزدىك جانە كوشى-قون ساياساتىن نىعايتۋ ماسەلەلەرى تالقىلاندى.
سامميت بارىسىندا قازاقستاندىق دەلەگاتسيا افريكانىڭ جۇزدەن استام مەملەكەتتەرى وكىلدەرىنىڭ قاتىسۋىمەن «افريكا – 2063 كۇن ءتارتىبىن قولداۋ ءۇشىن: ازىق-ت ۇلىك, ەنەرگەتيكا جانە سۋ قاۋىپسىزدىگى» اتتى ارنايى ءىس-شارا وتكىزدى. اتالمىش ءىس-شارا اياسىندا 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستان ءوتىنىمىنىڭ جانە مامانداندىرىلعان كورمەنىڭ تۇساۋكەسەرى ۇيىمداستىرىلدى.
گامبيا سىرتقى ىستەر ءمينيسترى نەنەح ماكدۋال گايە, ليبەريا ءسىم باسشىسى اۆگۋستين كپەحە نگافۋان جانە سومالي سىرتقى ىستەر ءمينيسترى ابديسالام حادلي ومار, بۇۇ افريكا بويىنشا ەكونوميكالىق كوميسسياسى اتقارۋشى حاتشىسىنىڭ ورىنباسارى ابدۋللا حامدوك, او كوميسسياسى توراعاسىنىڭ ورىنباسارى ەراستۋس مۆەنچا جانە باسقا دا او حاتشىلىعىنىڭ كوميسسارلارى بۇل ءىس-شارانىڭ قۇرمەتتى قوناقتارى جانە سپيكەرلەرى بولدى.
ءوز سوزىندە ا.مۋسينوۆ بۇۇ-نى رەفورمالاۋ بويىنشا او باستاماسىن قولداۋ جونىندەگى قازاقستاننىڭ ۇستانىمىن جەتكىزىپ, ەلىمىزدىڭ افريكادا مىڭداعان ادامنىڭ ءومىرىن جالماعان ەبولا ەپيدەمياسىنا قارسى جانە افريكا قۇرلىعىنا قارجى جانە باسقا دا قاجەتتى كومەك بەرۋدى جالعاستىرۋعا دايىن ەكەنىن اتاپ ءوتتى. قاتىسۋشىلارعا افريكاداعى ازىق-ت ۇلىك جانە اشارشىلىق ماسەلەلەرىن شەشۋدە ەلىمىزدىڭ ماڭىزدى ۇلەسى بولىپ تابىلاتىن ازىق-ت ۇلىك قاۋىپسىزدىگى جونىندەگى يسلام ۇيىمى ارقىلى ازىق-ت ۇلىك كومەگىن كورسەتۋ بويىنشا قازاقستاننىڭ باستاماسى تۋرالى اقپارات بەرىلدى.
سامميت اياسىندا قازاقستاندىق دەلەگاتسيانىڭ باسشىسى گۆينەيا پرەزيدەنتى الفا كوندەمەن, وار, گامبيا, ليبەريا, سومالي, مالاۆي, تۋنيس, سەررا-لەونە, كامەرۋن جانە موزامبيك سىرتقى ىستەر مينيسترلەرىمەن كەزدەسۋلەر وتكىزدى. كەزدەسۋلەر بارىسىندا ءتۇرلى پىشىمدەردە ءوزارا قولداۋ كورسەتۋ جانە ەكىجاقتى ىنتىماقتاستىقتى نىعايتۋ ماسەلەلەرى تالقىلاندى.
افريكا ەلدەرى سىرتقى ىستەر مينيسترلىكتەرىنىڭ باسشىلارىنا قازاقستاننىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە كانديداتۋراسىن قولداۋ جانە ەكسپو-2017 كورمەسىنە قاتىسۋ ماسەلەلەرى بويىنشا قازاقستان پرەزيدەنتى مەن قازاقستان پرەمەر-ءمينيسترى اتتارىنان حاتتار تابىستالدى.
سونداي-اق, وار-عا ساپارى كەزەڭىندە قازاقستاندىق دەلەگاتسيانىڭ باسشىسى يوحاننەسبۋرگتە قازاقستان رەسپۋبليكاسىنىڭ قۇرمەتتى كونسۋلدىعىن اشۋ راسىمىنە قاتىستى.
قازاقستان قۇرلىقتىڭ 54 مەملەكەتىن بىرىكتىرىپ, 1 ملرد.-تان استام حالىقتىڭ باسىن قامتيتىن افريكا وداعىنا 2014 جىلعى قاراشادان باستاپ بايقاۋشى بولىپ تابىلادى.
«ەگەمەن-اقپارات».