الاقان اياسىنا سىياتىن كىتاپتار

ومبىلىق ارىپ­تەستەرى كىتاپ­حاناعا «وم­بى­داعى پۋشكينيانا» مينيا­تيۋرالىق كىتابىن سىيعا تارتتى. مينياتيۋرلىك باسىلىمدار وقىرماندار اراسىندا ەرەكشە قى­زى­عۋشىلىق تۋدىرادى. سيرەك كىتاپتار قورىنداعى مۇنداي جيناقتار جەكە قولعا بەرىلمەيدى. تەك وقىرمان زا­لىندا الىپ قا­راۋعا مۇم­كىندىك بار.

كىتاپ قورىنىڭ باسشىسى باقىتجان بۇقاشەۆانىڭ ايتۋىنشا, كولەمى شاعىن كىتاپتاردىڭ ىشىندە كوركەم ادەبيەت جانە سالالىق تۋ­ىن­دىلار ساقتالىپ وتىر. دەنى قازاق جانە ورىس جازۋ­شىلارىنىڭ شىعار­مالارى. ەڭ كىشىسى ومار حايام­نىڭ 50ح70 مم ولشە­مىندە شىعارىلعان جيناعى ەكەن. مۇندا پۋشكين تۋرالى ادەبيەتتەر كاتالوگى دا بار.

سيرەك كىتاپتار ءبولى­مىنىڭ باسشىسى مارينا گونچاروۆا ءاربىر كىتاپ وزىن­شە قۇندى دەيدى. حالىق­ارالىق ستاندارتتارعا ساي­كەس, ۇزىندىعى مەن ەنى 3 ديۋيم, ياعني 76 ميلليمەتردەن  اسپايتىن كىتاپتار مينياتيۋرالىق باسىلىم بولىپ سانالادى ەكەن. «مەكەمەدە سيرەك كىتاپتار جيناقتالعان بەس زال بار. وندا قۇندى جانە سيرەك كەزدەسەتىن كىتاپتار كەز­دەسەدى. ون توعىزىنشى عا­سىردىڭ اياعى مەن جيىرماسىنشى عاسىردىڭ باسىندا جارىق كورگەن كىتاپتار بار. اۆتورلاردىڭ قولتاڭبالارى ساقتالعان. ودان كەيىنگىلەرى فاكسيميل­دى قايتا باسىلىپ شىق­قان جانە مي­نياتيۋ­رالىق كىتاپتار» دەيدى مامان.

شاعىن كولەمدى كىتاپتار ءحVىى–حVىىى عاسىرلاردا اسا تانى­مال بولعان ەكەن. ولار ەل اراسىندا كادەسىي رەتىندە ءجۇرىپتى. مازمۇنى مەن قۇن­دىلىعى جاعىنان كا­دىمگى كىتاپتان ەشقانداي ايىر­ماشىلىعى جوق. تەك شا­عىن تارالىممەن شىعىپ وتىرعان.

پاۆلودار كىتاپحانا­سىنداعى مينياتيۋرلىك باسىلىمدار قورىندا جۇبان مولداعاليەۆتىڭ پوەمالا­رى, مۇحتار اۋەزوۆتىڭ «اباي جولى» رومانىنان ۇزىندىلەر, وزگە دە تانىمال اۆتور­لاردىڭ تۋىندىلارى بار. ەڭ باستىسى, شاعىن كى­تاپتار قاتارى تولىعىپ وتىرادى. ەڭ جاڭاسى – اقىن ۆيكتور سەمەريانوۆتىڭ ء«ماشھۇر شىڭى» پوەماسى.

پاۆلودار