استانا. 1 مامىر. يسپانيانىڭ حيحون قالاسىنداعى اسحانالاردىڭ بىرىندە اسپازدىڭ كومەكشىسى بولىپ جۇمىس ىستەگەن ازاماتقا 48 جىل باس بوستاندىعىنان ايىرۋ جونىندە ۇكىم شىقتى. سەبەبى, ول ارىپتەستەرىن ۋلاۋعا ارەكەت جاساعان. بۇل تۋرالى lenta.ru حابارلادى.
تەرگەۋ امالدارى بارىسىندا 57 جاستاعى ازاماتتىڭ 2005-2012 جىلدار ارالىعىندا ارىپتەستەرىنىڭ تاماعىنا الكوگولدىك تاۋەلدىلىكتەن ەمدەيتىن ءدارىنى قوسىپ كەلگەنى انىقتالدى. ماماندار بۇل ءدارى الكوگولگە تاۋەلدى ەمەس ادامنىڭ اعزاسىنا وتە زيان دەيدى. ناقتىراق ايتساق, ءدارىنى تۇتىنعان جاعدايدا ادامنىڭ جۇرەك قاعىسى وزگەرىپ, باسى اۋىرىپ, لوقسىپ, ءوزىن جايسىز سەزىنەدى ەكەن.
بۇگىندە ءوز ەركىمەن كەلىپ, كۇدىكتىنىڭ ۇستىنەن شاعىم تۇسىرگەندەر سانى 19 جەتتى. پوليتسەيلەردىڭ ايتۋىنشا, كۇدىكتى ءدارىنى تۇراقتى تۇردە ءبىر عانا ءدارىحانادان الىپ تۇرعان.
ازىرگە قاماۋعا الىنعان ازامات ءوزىنىڭ كىناسىن مويىنداعان جوق. دەسە دە, ءدارىحانا قىزمەتكەرى ونىڭ 2013 جىلدىڭ باسىنا دەيىن كۇندەلىكتى كەلىپ ءدارى ساتىپ الىپ تۇرعانىن راستاعان. ال قۇقىق قورعاۋشىلار كۇدىكتى بوستاندىققا شىعۋى ءۇشىن جابىرلەنۋشىلەرگە 43 580 ەۆرو جانە ايىپپۇل رەتىندە مەملەكەتكە 17 091 ەۆرو تولەۋى ءتيىس دەپ وتىر.
تالعات رايىمبەك.
دەرەك, سۋرەت: lenta.ru.