اقتاۋ. 1 مامىر. اقتاۋدا بىرلىك مەرەكەسىنە ارنالعان شەرۋگە 4,5 مىڭ ادام قاتىستى. بۇل تۋرالى egemen.kz ءتىلشىسى حابارلادى.
اقتاۋ قالاسىنىڭ ورتالىعىندا ورنالاسقان پرەزيدەنت داڭعىلى بويىنداعى «ماڭگىلىك الاۋدان» باستالعان شەرۋ قالالىق اكىمدىك الدىنداعى استانا الاڭىنا دەيىن سوزىلدى. بايكەرلەر مەن بارابانشىلاردىڭ باستاۋىمەن جالعاسقان شەرۋدە الدىمەن ەتنومادەني بىرلەستىكتەر وكىلدەرى, ودان كەيىن «نۇر وتان» پارتياسى ماڭعىستاۋ وبلىستىق فيليالىنىڭ ۇجىمى, مەملەكەتتىك قىزمەتكەرلەر, سونداي-اق, قالاداعى جوعارى وقۋ ورنى مەن بىرقاتار كاسىپورىنداردىڭ ۇجىمدارى ءجۇرىپ ءوتتى. دوستىق, بىرلىك تاقىرىبىنداعى ۇرانسوزدەر مەن شارلاردى, جالاۋشالاردى كوتەرگەن كوپشىلىكتى ماڭعىستاۋ وبلىسىنىڭ اكىمى اليك ايدارباەۆ قۇتتىقتادى.
ماڭعىستاۋ وبلىسى بويىنشا بارلىق اۋدان, قالالاردا سپورتتىق, مادەني شارالارعا ۇلاسقان مەرەكەدە جەرگىلىكتى ونەرپازدار تۇرعىندار مەن قوناقتارعا ارناپ كونتسەرت بەردى.
گۇلايىم شىنتەمىرقىزى.
دەرەك: egemen.kz.
سۋرەت: سەرىك مايەمەروۆ.