اقتوبە وبلىسىندا ءتارتىپ ساقشىلارى اۆتوكولىكتەر كولونناسىن اتىراۋ وبلىسىنىڭ شەكاراسىنا دەيىن سۇيەمەلدەدى, دەپ حابارلايدى Egemen.kz.
«14 قاڭتاردا قالىڭ قار مەن كوكتايعاقتىڭ سالدارىنان ساعات 23:00-دەن 9:00-گە دەيىن اقتوبە-استراحان رەسپۋبليكالىق اۆتوجولىندا بايعانين اۋىلىنان اتىراۋ وبلىسىنىڭ شەكاراسىنا دەيىنگى ۋچاسكەدە قوزعالىس شەكتەلدى», دەلىنگەن وڭىرلىك پوليتسيا حابارلاماسىندا.
قولايسىز اۋا رايى جاعدايىندا پاترۋلدىك پوليتسيا قىزمەتكەرلەرى كۇشەيتىلگەن رەجيمدە قىزمەت ەتتى. 15 قاڭتاردا تاڭەرتەڭ پوليتسيا قىزمەتكەرلەرى اتىراۋ وبلىسىنا قاراي 100-دەن استام اۆتوكولىكتى سۇيەمەلدەپ الىپ ءجۇردى.
«قۇرمەتتى جۇرگىزۋشىلەر, اۋا رايىنىڭ قولايسىز كەزىندە الىس جولعا شىعۋدان اۋلاق بولۋعا جانە جولداردىڭ جابىلۋى تۋرالى حابارلامالاردى قاداعالاۋعا شاقىرامىز», دەپ ەسكەرتتى پوليتسيا.