اۋىل شارۋاشىلىعى ۆيتسە-ءمينيسترى امانعالي بەردالين «KazBeef» جشس كاسىپورىن قىزمەتىمەن تانىستى. كاسىپورىن «الاڭنان سورەگە دەيىن» تولىق وندىرىستىك تسيكلدى جۇزەگە اسىرادى: اسىلتۇقىمدى مال وسىرۋدەن باستاپ ەتتى وڭدەۋگە دەيىنگى بارلىق كەزەڭدى قامتيدى.
ا.بەردالين جوعارى ءونىمدى انگۋس تۇقىمدى اسىلتۇقىمدى مال وسىرۋگە ماماندانعان مال رەپرودۋكتورىن ارالاپ, جانۋارلاردى ءوسىرۋ ۇدەرىسىمەن, ازىقتاندىرۋ راتسيونىمەن جانە مال ۇستاۋ شارتتارىمەن تانىستى.
رەپرودۋكتوردا 1 200 ءىرى قارا مال بار. 15 مىڭ باسقا ارنالعان تولىق تسيفرلاندىرىلعان بورداقىلاۋ الاڭى جۇمىس ىستەيدى, وندا 11 مىڭ ءىرى قارا مال ۇستالادى. ۆيتسە-مينيستر كومپانيا باسشىلىعىمەن ۆەتەرينارلىق قاۋىپسىزدىك, دايىن ءونىمنىڭ وزىندىك قۇنىن تومەندەتۋ جانە جانۋارلاردىڭ دەنساۋلىعىن جاقسارتۋ ماسەلەلەرىن تالقىلادى.
2020 جىلدان باستاپ «KazBeef» جشس-عا «Feedlot Health Management Service» (FHMS) كومپانياسى مالدى ازىقتاندىرۋ جانە ولاردىڭ جاعدايىن باقىلاۋ ماسەلەلەرى بويىنشا كەڭەس بەرىپ كەلەدى. مال ورتا ەسەپپەن 250-300 كۇن بورداقىلانادى. امەريكالىق ديەتولوگتەر ازىرلەگەن راتسيون ءۇش كەزەڭنەن تۇرادى: 6 ايعا دەيىن سۇتپەن قورەكتەندىرۋ, 10-12 ايعا دەيىن جايىلىمدا جايۋ, 550 كگ سالماققا جەتكەنشە تەڭگەرىمدى استىقپەن بورداقىلاۋ.
ۆيتسە-مينيستر «KazBeef Processing» ەت وڭدەۋ كەشەنىنە دە باردى. بۇل كاسىپورىن 2018 جىلدان باستاپ سالقىنداتىلعان جانە مۇزداتىلعان ونىمدەر, سونىڭ ىشىندە جارتىلاي فابريكاتتار, قوسىمشا ونىمدەر, تارتىلعان ەت جانە بۋرگەرگە ارنالعان كوتلەتتەر شىعارادى. كەشەننىڭ وندىرىستىك قۋاتى – تاۋلىگىنە 150 ءىرى قارا مال. ونىمدەر ىشكى نارىققا جەتكىزىلەدى, سونداي-اق پارسى شىعاناعى ەلدەرىنە جانە ورتالىق ازياعا, ونىڭ ىشىندە بىرىككەن اراب امىرلىگى مەن وزبەكستانعا ەكسپورتتالادى.
كومپانيا جەتەكشىلەرىمەن وتكەن كەڭەستە مەملەكەت باسشىسىنىڭ اۋىل شارۋاشىلىعى ونىمدەرىن تەرەڭ وڭدەۋدى دامىتۋ جانە ەكسپورت نارىقتارىن كەڭەيتۋ جونىندەگى تاپسىرماسىن ورىنداۋ اياسىندا ءوندىرىس كولەمىن ۇلعايتۋ جوسپارلارى تالقىلاندى. ۆيتسە-مينيستر ءوندىرىستىڭ بارلىق كەزەڭىندە, سونىڭ ىشىندە مال سويۋ مەن وڭدەۋدە جوعارى ۆەتەرينارلىق قاۋىپسىزدىك ستاندارتتارىن ساقتاۋ قاجەتتىگىن اتاپ ءوتتى.