اتىراۋ قالاسىنىڭ پروكۋراتۋراسى قايىرىمدىلىق ۇيىمدارىنىڭ ءبىرى ارقىلى ءدىني ارازدىقتى ناسيحاتتايتىن ادەبيەتتىڭ تاراتىلۋىن توقتاتتى, دەپ حابارلايدى Egemen.kz.
ساراپشىلاردىڭ قورىتىندىسىنا سايكەس, كامەلەتكە تولماعاندار اراسىندا تاراتىلعان ماتەريالدار قازاقستان اۋماعىندا پايدالانۋعا تىيىم سالىنعان.
اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ شەشىمىمەن قايىرىمدىلىق مەكەمەسى قر اقبتك-ءتىڭ 453-بابىنىڭ 4-بولىگى بويىنشا كىنالى دەپ تانىلىپ, وعان 516 880 تەڭگە كولەمىندە اكىمشىلىك ايىپپۇل سالىندى.
بۇدان باسقا, ءتيىستى رۇقسات قۇجاتتارىنسىز بالالاردى ءدىني باعىتتاردا وقىتىپ, پانسيونات رەتىندە قىزمەتتەرىن اتقارعان.
وسىعان بايلانىستى, قالا پروكۋراتۋراسىنىڭ تالاپ ارىزى نەگىزىندە 4 مەكەمەنىڭ مەملەكەتتىك تىركەۋىنىڭ كۇشى جويىلدى, سونىمەن قاتار بارلىق پانسيوناتتار تاراتىلدى.
ەكسترەميستىك قۇجاتتاردىڭ تاراتىلۋىنىڭ الدىن الۋ جانە بالالاردىڭ قۇقىقتارىن قورعاۋ ارقاشاندا پروكۋراتۋرا ورگاندارىنىڭ باستى نازارىندا.