قازاقستان حالىقارالىق استىق نارىعىنداعى پوزيتسياسىن نىعايتۋدى جالعاستىرىپ جاتىر. قتج دەرەكتەرىنە سايكەس, 2024 جىلدىڭ قورىتىندىسى بويىنشا 10,6 ملن توننا استىق تاسىمالداندى, ونىڭ ىشىندە ەكسپورت 8,1 ملن توننانى قۇرادى, دەپ حابارلايدى Egemen.kz اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەمە جاساپ.
ەكسپورتتىق باعىتتاردىڭ ىشىندە: وزبەكستان (3,3 ملن توننا), قىتاي (1,7 ملن توننا). تاجىكستانعا 1,2 ملن توننا استىق جەتكىزىلدى, بۇل 2023 جىلمەن سالىستىرعاندا 20%-عا ارتىق. قىرعىزستانعا 140 مىڭ توننا استىق ەكسپورتتالدى, بۇل 2023 جىلعى كورسەتكىشتەن 1,9 ەسە كوپ.
يران مەن ازەربايجان نارىقتارى قالپىنا كەلتىرىلدى. يرانعا استىق جەتكىزۋ كولەمى 2 ەسەگە (526 مىڭ توننا), ازەربايجانعا - 1,8 ەسەگە (211 مىڭ توننا) ءوستى.
2024 جىلدىڭ قىركۇيەگىنەن جەلتوقسانىنا دەيىن 5 ملن توننا جاڭا استىق تاسىمالداندى, بۇل 2023 جىلدىڭ سايكەس كەزەڭىنەن 50%-عا ارتىق. ەكسپورت كولەمى 57%-عا ءوسىپ, 3,9 ملن توننانى قۇرادى.
ونىڭ ىشىندە وزبەكستانعا 1.5 ملن توننا ء(وسىم 45%), تاجىكستانعا - 633 مىڭ توننا (57%), اۋعانستانعا - 190 مىڭ توننا (51%), قىتايعا - 592 مىڭ توننا (2%) ەكسپورتتالدى.
يرانعا جەتكىزىلىم 30 ەسە ارتىپ, 455 مىڭ توننانى قۇرادى, ازەربايجانعا 188 مىڭ توننا ەكسپورتتالدى (2023 جىلدىڭ قىركۇيەك-جەلتوقسانىندا جەتكىزىلىم بولعان جوق).