تۇركىستان وبلىسىنداعى تولە بي اۋدانىنىڭ پوليتسەيلەرى دەنساۋلىعى ناشارلاعان قىزعا العاشقى مەديتسينالىق كومەك كورسەتكەن, دەپ حابارلايدى Egemen.kz.
كەشكى ۋاقىتتا كوشە بويىندا كەلە جاتقان 16 جاستاعى قىزدىڭ دەنەسى قۇرىسىپ, ەسىنەن تانىپ قالعان. سول ماڭايداعى ادامدار جەدەل جاردەم شاقىرعان.
قىزمەتتىك مىندەتتەرىن اتقارىپ جۇرگەن پوليتسەيلەر جاعدايدى بايقاپ, وقيعا ورنىنا بەت العان. ولار ءجاسوسپىرىم دەمىن ارەڭ الىپ جاتقانىن كورگەن. ءتارتىپ ساقشىلارى اۋەلى قىزدىڭ تىنىس الۋى ءۇشىن قولدان كەلگەننىڭ ءبارىن جاساپ, كەيىن ونى قىزمەتتىك اۆتوكولىكپەن (جەدەل جاردەمدى كۇتپەي) اۋداندىق اۋرۋحاناعا جەتكىزگەن. قازىر قىزدىڭ ومىرىنە قاۋىپ ءتونىپ تۇرعان جوق.
انىقتالعانداي, ول قوناققا بارا جاتىپ, كۇتپەگەن جەردەن اۋا جەتپەي, السىرەگەن. قىزدىڭ اتا-اناسى دەر كەزىندە كومەك قولىن سوزعان پوليتسەيلەرگە العىس ءبىلدىردى.