قاراعاندى وبلىسىنىڭ ونەركاسىپ جانە يندۋستريالىق-يننوۆاتسيالىق دامۋ باسقارماسىنىڭ باسشىسى بولىپ اسقار عازاليەۆ تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
كادرلىق وزگەرىستەر تۋرالى اپپاراتتىق كەڭەستە وبلىس اكىمى ەرماعانبەت بولەكپاەۆ ءمالىم ەتتى.
اسقار عازاليەۆ 2009 جىلدان بەرى مەملەكەتتىك قىزمەتتە ەڭبەك ەتىپ كەلەدى. قر قارجى مينيسترلىگىندە, قر پرەزيدەنتىنىڭ ءىس-باسقارماسىندا ءتۇرلى لاۋازىمداردا جۇمىس ىستەگەن.
قر پرەمەر-ءمينيسترى كەڭسەسىنىڭ وڭىرلىك دامۋ ءبولىمىنىڭ باس كونسۋلتانتى, باس ينسپەكتورى لاۋازىمدارىن اتقارعان.
2024 جىلدىڭ ساۋىرىنەن باستاپ وسى ۋاقىتقا دەيىن قر ۇكىمەتى اپپاراتىنىڭ وڭىرلىك دامۋ جانە باقىلاۋ ءبولىمىنىڭ ينسپەكتورى قىزمەتىن اتقارعان.