ورال قالاسىنىڭ تۇرعىنى بولاتبەك بايماعامبەتوۆ قازاق حاندىعىنىڭ 550 جىلدىعىنا وراي جەرلەستەرىنە ءوزىنىڭ ارنايى سىيلىعىن دايىنداۋدا. بۇل تۋرالى egemen.kz ءتىلشىسى حابارلادى.
سىيلىق – قالاداعى ەۋرازيا داڭعىلى اۋلالارىنىڭ بىرىندە ورنالاسقان تەرەكتەن جاسالۋدا. ناقتى ايتساق, كەزىندە جاپىراعى جايقالعان تەرەك, بىراق كەيىننەن كەۋىپ كەتىپ پايداسىز قالعان اعاش تامىرىنان بۇگىندە قىلىشىن جەرگە سەرمەگەن باتىردىڭ ءمۇسىنى ويۋلۋدا. ولگەن اعاشتى قايتادان ءتىرىلتۋ يدەياسى بولاتبەكتىڭ باسىنا وسىدان ءبىر اپتا بۇرىن كەلگەن ەكەن. ءمۇسىن كەزىندەگى ەل قورعاعان باتىر وبرازىنا سايكەس كەلەدى.
«تولىعىمەن بۇل جۇمىس شامامەن 2-3 اپتا ارالىعىندا اياقتالادى. مۇنداي جۇمىستىڭ باعاسى كۇردەلىلىگىنە ساي 300 مىڭ تەڭگەدەن اسادى. بىراق بۇل ورالدىقتارعا ارنالعان سىي ەكەنىن بولاتبەك بايمامعانبەتوۆ ەستەن شىعارماۋدا. «بۇل بىرىنشىدەن, قازاق حاندىعىنىڭ 550 جىلدىعىنا جانە ۇلى جەڭىستىڭ 70 جىلدىعىنا ارنالىپ وتىر. ۇلى وتان سوعىسى ارداگەرلەرى دە باتىر بولىپ سانالاتىنىنا ەشكىم ءشۇبا كەلتىرمەيدى. سوندىقتان وسى سەبەپتەرگە ساي تۋعان قالاما سىيلىق تارتۋ ەتۋدى ءجون سانادىم», – دەيدى ءمۇسىنشى.
تەمىر قۇسايىن. دەرەك, سۋرەت: egemen.kz.