«ۇلتتىق جوسپار جاڭا جەڭىستەرگە ۇمتىلدىرادى»

پەتروپاۆل. 1 مامىر. سولتۇستىك قازاقستان وبلىسىندا 1 مامىر مەرەكەسىن كەڭىنەن اتالىپ ءوتىپ جاتىر. وبلىستاعى تاتۋ-ءتاتتى, ءبىر ءۇيدىڭ بالاسىنداي, ءبىر قولدىڭ سالاسىنداي ءومىر ءسۇراپ جاتقان ءتۇرلى ەتنوس وكىلەدەرى وسى مەرەكەنى اسىعا كۇتەتىنى ءسوزسىز. سولاردىڭ ءبىرى -«سوۆحوزنايا» ورتا مەكتەبىنىڭ ديرەكتورى سۆەتلانا اۆگۋستينسكايا قازاقستان رەسپۋبليكاسى پرەزيدەنتتىگىنە سايلاۋدىڭ جوعارى دەڭگەيدە ءوتىپ, حالىقتىڭ ەلباسى نۇرسۇلتان نازارباەۆتى ءبىر اۋىزدان سايلاعانىن ماقتان ەتەدى. بۇل تۋرالى egemen.kz ءتىلشىسى حابارلادى.

«ەلباسى  قازاقستان پرەزيدەنتى لاۋازىمىنا رەسمي كىرىسۋ راسىمىندە سويلەگەن سوزىندە   26 ساۋىردە وتكەن سايلاۋ قازاقستان  حالقىنىڭ بىرلىگىنە بەرىكتىگى مەن كەمەل بولاشاعىنا سەنىمدىلىگىن پاش ەتكەنىن ايرىقشا اتاپ كورسەتتى.   سولتۇستىكقازاقستاندىق سايلاۋشىلار  دا جوعارى ۇيىمشىلدىقتىڭ  ۇلگىسىن كورسەتىپ,  ەلباسىمىزبەن بىرگە بولاتىندارىن  ءبىراۋىزدان  ءمالىم ەتتى.  مەن  سۆەتلوپولسك اۋىلدىق وكرۋگىندە ورنالاسقان  № 344 سايلاۋ ۋچاسكەسىندە قوعامدىق باقىلاۋشى ميسسياسىن اتقارا ءجۇرىپ,  جۇرتشىلىقتىڭ سايلاۋعا دەگەن ەرەكشە  ىنتا-ىقىلاسى مەن جوعارى جاۋاپكەرشىلىگىنىڭ  كۋاسى بولدىم.  تىزىمدەگى  سايلاۋشىلاردىڭ 99 پايىزى  ءوز تاڭداۋلارىن  جاساپ,  ەل تۇتاستىعى, ۇرپاعىمىزدىڭ بولاشاعى, مەملەكەتتىلىگىمىزدىڭ نىعايۋى بەي-جاي  قالدىرمايتىندارىن ايعاقتادى. پرەزيدەنتتىڭ انت بەرۋ سالتاناتىنداعى «ماڭگىلىك ەل» ۇلتتىق يدەياسى مەن «قازاقستان-2050» ستراتەگياسىنا, «نۇرلى جول» باعدارلاماسى مەن «بەس حالىقتىق رەفورماعا» ەلىمنىڭ بىلدىرگەن قولداۋى. مەن ءۇشىن ەل سەنىمىنەن اسقان مارتەبە جوق, سول سەنىمدى اتاۋدان ارتىق باقىت جوق. سول سەبەپتى,  مەن قازاقستاننىڭ جارقىن بولاشاعى جولىندا  تاۋەكەلگە دە دايىنمىن»,– دەپ اعىنان جارىلا ايتۋى تاڭداۋدان قاتەلەسپەگەنىمىزدى, كەلەشەككە جوسپارلانعان باعىت-باعدارلارلارىمىزدىڭ مۇلتىكسىز ورىندالاتىنىن تاعى ءبىر ايعاقتاپ بەردى», دەيدى ول. ونىڭ ايتۋىنشا, كەز-كەلگەن ەلدىڭ قۋاتى – حالقىنىڭ بىرلىگىندە ەكەنىن قازاقستان حالقى اسسامبلەياسىنىڭ ءححىى  سەزىندە العا تارتقان  مەملەكەت باسشىسىنىڭ   دەلەگاتتار نازارىن بەس حالىقتىق رەفورماعا اۋدارۋى تەكتەن تەك ەمەس.  ويتكەنى,  بۇكىلحالىقتىق مەحانيزمدەر مەن مەگا-جوبالاردى ىسكە اسىرۋ ارقىلى عانا  ءبىرتۇتاس ۇلتتىق ماسەلەلەردى شەشۋگە,  تىنىشتىق پەن تاتۋلىقتىڭ قازاقستاندىق مودەلىن قالىپتاستىرۋعا  قابىلەتتىمىز. وسى رەتتە ول نۇرسۇلتان ءابىش ۇلىنىڭ  سالماقتى دا كورەگەن يدەيالارىمەن يناۋگۋراتسيا كەزىندە دە ءبولىسىپ, قازاقستاندى ەڭ قۋاتتى ەلدەردىڭ قاتارىنا قوسۋ جونىندەگى باتىل ۇستانىمىن تاعى ءبىر قۋاتتاپ بەرگەنىن, قازاقستاندىقتارعا  تورتكۇل دۇنيەدە داعدارىستار مەن جانجالداردىڭ جاڭا ۇشقىندارى ءورشىپ وتىرعانىن جەتكىزە كەلىپ, 5 سىرتقى سىن-قاتەرلەردىڭ  قاۋىپ  ءتوندىرىپ وتىرعانىن ەسكەرتكەنىن ايتتى.  «وعان قارسى تۇرارلىق, ەڭسەرەتىن, تىڭ بەلەستەرگە ۇمتىلدىراتىن بەس اۋقىمدى مىندەتتەردى ۇسىندى. وسىلايشا,  «قازاقستان-2030»  العاشقى ۇزاق مەرزىمدى ستراتەگياسىن قابىلداپ, ورنىقتى دامۋ جولىنا نىق تۇسكەن  ەلىمىزدىڭ ەكونوميكالىق ءوسىمىن باسەڭدەتپەۋ, ازاماتتاردىڭ ءومىر ءسۇرۋ دەڭگەيىن كوتەرۋ قاعيداتتارىن مۇلتىكسىز جۇزەگە اسىرۋ ءۇشىن ەلباسى جارلىعىمەن پرەزيدەنت جانىنان  جاڭعىرتۋ جونىندەگى ۇلتتىق كوميسسيانىڭ قۇرىلعانىن, وعان 5 رەفورمانى  كەزەڭ-كەزەڭمەن اسىرۋدى باسقارۋ, ۇيلەستىرۋ سەكىلدى مىندەتتەر جۇكتەلگەنىن ەستىپ,  حالىقتىق رەفورمالاردى قالتقىسىز ورىنداۋدىڭ قوعاۋشى  كۇشى رەتىندە قابىلدادىق», دەدى ول. سونىمەن بىرگە ول ەلباسىنىڭ «مەملەكەتتىك قۇرىلىستىڭ ودان ارعى 100 ناقتى قادامى»  اتتى ۇلت جوسپارىن ۇسىنعانىن, بۇل باعدارلاما – ءبىزدىڭ جاھاندىق جانە ىشكى-سىرتقى قاتەرلەرگە, ءبىر مەزگىلدە,  جاڭا تاريحي جاعدايلاردا 30 دامىعان مەملەكەتتىڭ قاتارىنا ەنۋ  جونىندەگى جوسپارىمىز ەكەنىن,  رەفورمالاردى جۇزەگە اسىرۋ – الدا تۇرعان 10-15 جىلدا ءبىرىنشى كەزەكتەگى ۇلتتىق مىندەت» دەي وتىرىپ,  كوميسسيانىڭ العاشقى وتىرىسىندا  جاريالايتىنىن ايتقانىن اتاپ ءوتتى. «بۇل كۇندى دە تاعاتسىزدانا توسىپ وتىرمىز», دەدى ول. ءومىر ەسقالي. دەرەك, سۋرەت: egemen.kz