بۇل تۋرالى پرەمەر-مينيستر ولجاس بەكتەنوۆ ۇكىمەت وتىرىسىندا ايتتى, دەپ حابارلايدى Egemen.kz.
ۇكىمەت وتىرىسىندا پرەمەر-مينيستر ولجاس بەكتەنوۆ مەملەكەت باسشىسى العا قويعان مىندەتتەر اياسىندا جاقىن ارادا بيۋدجەت-سالىق جانە تاريف ساياساتى رەفورمالارى بويىنشا جاڭا تاسىلدەر ۇسىنىلاتىنىن اتاپ ءوتتى.
«پرەزيدەنت «انا ءتىلى» گازەتىنە بەرگەن سۇحباتىندا ۇكىمەتتىڭ مىندەتى ەكونوميكانىڭ ءوسىمىن قامتاماسىز ەتۋ جانە ازاماتتاردىڭ ءال-اۋقاتىن جاقسارتۋ ەكەنىن اتاپ ءوتتى.ء بىز قارقىندى ەكونوميكالىق ءوسىمدى قامتاماسىز ەتۋىمىز قاجەت. وسىعان وراي, پرەمەر-ءمينيستردىڭ ورىنباسارى سەرىك ماقاش ۇلىنىڭ جەتەكشىلىگىمەن ۇكىمەتتىڭ ەكونوميكالىق بلوگى ساراپشىلار توبىمەن بىرلەسىپ, بيۋدجەت-سالىق جانە تاريف ساياساتى رەفورمالارى بويىنشا جاڭا تاسىلدەر ازىرلەپ جاتىر. ونىڭ ىشىندە الەۋمەتتىك قامسىزداندىرۋ سالاسىنا قاتىستى ماسەلەلەر دە بار. اتالعان تاسىلدەر ساراپشىلار قاۋىمداستىعىمەن جان-جاقتى تالقىلاۋدان كەيىن ۇسىنىلادى», دەپ اتاپ ءوتتى ولجاس بەكتەنوۆ.