2015 جىلعى 29 قاڭتار, استانا قالاسى
نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارىن بەكىتۋ تۋرالى
«بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسىنىڭ زاڭى 13-بابىنىڭ 1-تارماعىنا سايكەس بۇيىرامىن:
1. قوسا بەرىلىپ وتىرعان نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (س.س. سارسەنوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەكىتىلگەن تارتىپتە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە كوشىرمەسىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا جاريالانۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبيكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.ق. جۇماعاليەۆكە جۇكتەلسىن.
4. وسى بۇيرىق العاشقى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ
ينۆەستيتسيالار جانە دامۋ ءمينيسترى ءا.يسەكەشەۆ.
«كەلىسىلدى»:
قازاقستان رەسپۋبليكاسىنىڭ ۇلتتىق ەكونوميكا
ءمينيسترى _____________________ ە.دوساەۆ.
2015 جىلعى 12 اقپان
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 29 قاڭتارداعى №67 بۇيرىعىمەن بەكىتىلگەن
نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارى
1. جالپى ەرەجەلەر
1. نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارى (بۇدان ءارى – قاعيدالار) «بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسىنىڭ زاڭى (بۇدان ءارى – زاڭ) 13-بابىنىڭ 1-تارماعىنا سايكەس ازىرلەندى جانە قازاقستان رەسپۋبليكاسىنىڭ بىرىڭعاي تەلەكوممۋنيكاتسيالار جەلىسىنىڭ نومىرلەۋ رەسۋرستارىن ءبولۋ جانە پايدالانۋ ءتارتىبىن انىقتايدى.
2. قازاقستان رەسپۋبليكاسىنىڭ بىرىڭعاي تەلەكوممۋنيكاتسيالار جەلىسىنىڭ نومىرلەۋ رەسۋرستارىن رەتتەۋ نومىرلەۋ رەسۋرستارىن ءبولۋدى جانە ولاردىڭ پايدالانۋىن باقىلاۋدى قامتيتىن ەرەكشە فۋنكتسياسى بولىپ تابىلادى.
مەملەكەتتىك رەتتەۋ بايلانىس وپەراتورلارىنىڭ, قىزمەتتەر پروۆايدەرلەرىنىڭ جانە ارناۋلى, ۆەدومستۆولىق جانە كورپوراتيۆتىك تەلەكوممۋنيكاتسيا جەلىلەرى يەلەرىنىڭ, سونداي-اق جەكە جانە زاڭدى تۇلعالاردىڭ ولارعا نومىرلەۋ رەسۋرسىن تاعايىنداۋ بويىنشا قاجەتتىلىكتەرىن قاناعاتتاندىرۋ ماقساتىندا:
1) بايلانىس قىزمەتتەرىن ۇسىنۋ نەمەسە باسقارۋشىلىق ماقساتتاردىڭ جۇزەگە اسىرىلۋىن قامتاماسىز ەتۋ;
2) شۇعىل جانە انىقتامالىق-اقپاراتتىق, تاپسىرىس بەرۋ قىزمەتتەرىنە قول جەتكىزۋدى ۇيىمداستىرۋ;
3) تەلەفوندىق نومىرلەۋ رەسۋرستارىن پايدالاناتىن تەلەكوممۋنيكاتسيالار جەلىلەرىن ۇتىمدى دامىتۋ مەن ءوزارا ءىس-قيمىل جاساۋى;
4) بايلانىستىڭ جاڭا قىزمەتتەرىن ەنگىزۋ ءۇشىن جۇزەگە اسىرىلادى.
3. وسى قاعيدالاردا پايدالانىلاتىن نەگىزگى ۇعىمدار:
1) ABC كودى – گەوگرافيالىق نومىرلەۋ ايماعىنىڭ تەلەكوممۋنيكاتسيالىق جەلىسىن نە ونىڭ ءبىر بولىگىن سايكەستەندىرەتىن كود;
2) DEF كودى – گەوگرافيالىق ەمەس نومىرلەۋ ايماعىنىڭ ينتەللەكتۋالدى بايلانىس جەلىسىنىڭ قىزمەتىن نەمەسە تەلەكوممۋنيكاتسيالىق جەلىنى سايكەستەندىرەتىن كود;
3) «ح1» يندەكسى – گەوگرافيالىق تۇرعىدا بەلگىلەنەتىن نومىرلەۋ ايماعى ابونەنتىنىڭ ايماقتىق تەلەفون ءنومىرىنىڭ ميلليوندىق نومىرلەر توبىنىڭ كودى;
4) «ح1ح2» يندەكسى – گەوگرافيالىق تۇرعىدا بەلگىلەنەتىن نومىرلەۋ ايماعى ابونەنتىنىڭ ايماقتىق تەلەفون ءنومىرىنىڭ ءجۇز مىڭدىق نومىرلەر توبىنىڭ كودى;
5) «ح1ح2ح3» يندەكسى – گەوگرافيالىق تۇرعىدا بەلگىلەنەتىن نومىرلەۋ ايماعى ابونەنتىنىڭ ايماقتىق تەلەفون ءنومىرىنىڭ ون مىڭدىق نومىرلەر توبىنىڭ كودى;
6) جەلىنىڭ نومىرلەۋ سىيىمدىلىعى – تەلەكوممۋنيكاتسيالار جەلىسىنىڭ اقىرعى پايدالانۋشىلىق جابدىعىن سايكەستەندىرەتىن نومىرلەر سانى;
7) جەلىنى نومىرلەۋدىڭ جوسپارلاناتىن سىيىمدىلىعى – بەلگىلى ءبىر كەزەڭگە جەلىنى دامىتۋ كەزىندە بايلانىس وپەراتورى قول جەتكىزۋدى جوسپارلايتىن تەلەكوممۋنيكاتسيالار جەلىسىنىڭ نومىرلەۋ سىيىمدىلىعى;
8) جەلىنى نومىرلەۋدىڭ قولدانىستاعى سىيىمدىلىعى – جەلىدە جالعانعان بارلىق اقىرعى (پايدالانۋشىلىق) جابدىقتاردى سايكەستەندىرەتىن نومىرلەردى, سونىمەن قوسا باقىلاۋدا جانە قىزمەتتىك ماقساتتاردا قولدانىلاتىن نومىرلەردى, سونداي-اق ولارعا قىزمەت كورسەتكەنى ءۇشىن ابونەنتتىك تولەم الىناتىن, پايدالانۋشى برونداعان نومىرلەردى ەسەپكە الاتىن جەلىنى نومىرلەۋدىڭ سىيىمدىلىعى;
9) جەلىنى نومىرلەۋدىڭ ەڭ جوعارعى ىقتيمال سىيىمدىلىعى – جەلىدە قابىلدانعان نومىرلەۋدىڭ ماندىلىگى شەڭبەرىندە جەلىنى نومىرلەۋدىڭ ەڭ جوعارعى سىيىمدىلىعى;
10) زياتكەرلىك جەلى – دەرەكتەردى بەرۋدى جانە وڭدەۋدى بىرلەستىرەتىن كوممۋنيكاتسيالىق جەلى;
11) قولجەتىمدى نومىرلەۋ رەسۋرسى – قولدانۋعا تەحنيكالىق مۇمكىندىك بار نومىرلەۋدىڭ بوس رەسۋرسى;
12) قىزمەت پروۆايدەرى – مەنشىكتى بايلانىس ينفراقۇرىلىمى جوق جانە پايدالانۋشىلارعا بايلانىس وپەراتورلارىنىڭ جەلىلەرى ارقىلى تەلەكوممۋنيكاتسيا قىزمەتتەرىن كورسەتەتىن جەكە نەمەسە زاڭدى تۇلعا;
13) قىزمەت ابونەنتىنىڭ لوگيكالىق ءنومىرى – ح1...حn ينتەللەكتۋالدى بايلانىس جەلىسى قىزمەتتەرى ابونەنتى ءنومىرىنىڭ تىكەلەي قىزمەت ابونەنتىن سايكەستەندىرەتىن بولىگى;
14) ءنومىردىڭ «كوشۋى» (nomadicity) – تىركەلگەن تەلەفون بايلانىسى جەلىسىندەگى پايدالانۋشىنىڭ ءوزىنىڭ جەلىلىك قولجەتىمدىلىك نۇكتەسىن اۋىستىرۋ قابىلەتى;
15) نومىرلەۋ رەسۋرسىن الۋشى – بايلانىس وپەراتورى, قىزمەت پروۆايدەرى, ۆەدومستۆولىق تەلەكوممۋنيكاتسيالار جەلىسىنىڭ, ارنايى تاعايىندالعان تەلەكوممۋنيكاتسيالار جەلىسىنىڭ, كورپوراتيۆتى جەلىنىڭ يەسى, سونىمەن قاتار قىزمەت كورسەتۋ كەزىندە قازاقستان رەسپۋبليكاسىنىڭ نومىرلەۋ جۇيەسى مەن جوسپارىنا سايكەس بولىنگەن نومىرلەۋ رەسۋرسىن قولداناتىن جەكە جانە زاڭدى تۇلعالار;
16) بەلگىلەنگەن اۋماقتا نەمەسە DEF كودىمەن نومىرلەۋ ايماعىندا نومىرلەۋ رەسۋرسىنىڭ شەكتەلۋ – بەلگىلەنگەن اۋماقتا نەمەسە DEF كودىمەن نومىرلەۋ ايماعىندا جۇمىس ىستەيتىن تەلەكوممۋنيكاتسيالار جەلىسىنىڭ جاعدايى, بۇل رەتتە بارلىق بايلانىس وپەراتورلارىنا بولىنگەن جانە بايلانىس وپەراتورلارىنىڭ ءوتىنىشى بويىنشا سۇرالاتىن نومىرلەۋ رەسۋرسى قولجەتىمدى مولشەردەن 90 پايىز جوعارى;
17) ءوتiنiش بەرۋشi – نومىرلەۋ رەسۋرسىن ءبولۋ نەمەسە الىپ قويۋ تۋرالى ءوتiنiش جاساعان جەكە نەمەسە زاڭدى تۇلعا;
18) پرەفيكس – ءنومىردىڭ, جەلىلەردىڭ, قىزمەتتەردىڭ, بايلانىس وپەراتورلارىنىڭ ءتۇرلى تۇرپاتتارىن تاڭداۋدى جۇزەگە اسىرۋعا مۇمكىندىك بەرەتىن ءبىر ساننان نەمەسە ودان كوپ بەلگىلەردەن تۇراتىن ينديكاتور;
19) ۋاكىلەتتى ورگان – بايلانىس سالاسىنداعى مەملەكەتتىك ساياساتتىڭ ىسكە اسىرىلۋىن, بايلانىس سالاسىندا قىزمەتتەر كورسەتەتىن نەمەسە ولاردى پايدالاناتىن تۇلعالاردىڭ قىزمەتىن مەملەكەتتىك باقىلاۋدى, ۇيلەستىرۋ مەن رەتتەۋدى جۇزەگە اسىراتىن, قازاقستان رەسپۋبليكاسىنىڭ ۇكىمەتى ايقىندايتىن ورتالىق اتقارۋشى ورگان.
4. تەلەكوممۋنيكاتسيالار جەلىلەرى ءۇشىن نومىرلەۋ رەسۋرسىن ءبولۋ بايلانىس قىزمەتتەرىن كورسەتۋ سالاسىنداعى قىزمەتتى ىسكە اسىرۋ ليتسەنزياسىنا يە, ۆەدومستۆولىق كورپوراتيۆتى جەلىلەردىڭ جانە ارنايى تاعايىندالعان تەلەكوممۋنيكاتسيالار جەلىلەرىنىڭ يەلەرىن, بايلانىس وپەراتورلارىنىڭ, قىزمەت پروۆايدەرلەرىنىڭ ءوتىنىشى, سونداي-اق قىزمەت كورسەتۋ كەزىندە شۇعىل جانە انىقتامالىق-اقپاراتتىق, تاپسىرىس بەرۋ قىزمەتتەرىنە قولجەتىمدىلىك نومىرلەرىن ۇيىمداستىرۋ ءۇشىن نومىرلەۋ رەسۋرسىن قولداناتىن جەكە جانە زاڭدى تۇلعالاردىڭ ءوتىنىشى بويىنشا ۋاكىلەتتى ورگان جۇزەگە اسىرادى.
5. تەلەفوندىق بايلانىس قىزمەتتەرىن جانە تەلەفوندىق نومىرلەۋدى پايدالانۋ ارقىلى قامتاماسىز ەتىلەتىن قىزمەتتەردى كورسەتۋگە ارنالعان قازاقستان رەسپۋبليكاسىنىڭ بىرىڭعاي تەلەكوممۋنيكاتسيالار جەلىسىنىڭ نومىرلەۋ رەسۋرسىنا (بۇدان ءارى – نومىرلەۋ رەسۋرسى):
1) جالپى پايدالانىلاتىن تەلەكوممۋنيكاتسيالار جەلىسىنىڭ گەوگرافيالىق انىقتالاتىن نومىرلەۋ ايماقتارىنىڭ «اۆس» كودتارى;
2) نومىرلەۋدىڭ گەوگرافيالىق انىقتالاتىن ايماعىندا جەرگىلىكتى تەلەكوممۋنيكاتسيالار جەلىلەرىنىڭ «ح1», «ح1ح2» جانە «ح1ح2ح3» يندەكستەرى;
3) ۇتقىر تەلەكوممۋنيكاتسيالىق بايلانىس جەلىلەرىنىڭ, سونىڭ ىشىندە ۇيالى بايلانىس جەلىلەرىنىڭ, جىلجىمالى راديوتەلەفون بايلانىسى جەلىلەرىنىڭ, ترانكينگتىك بايلانىس جەلىلەرىنىڭ, جىلجىمالى جەرسەرىكتىك بايلانىس جەلىلەرىنىڭ گەوگرافيالىق ەمەس تۇرعىدا بەلگىلەنەتىن نومىرلەۋ ايماقتارىنىڭ «DEF» كودتارى;
4) ۆەدومستۆولىق تەلەكوممۋنيكاتسيالار جەلىلەرىنىڭ, ارنايى تاعايىندالعان تەلەكوممۋنيكاتسيالار جەلىلەرىنىڭ, كورپوراتيۆتى جەلىلەردىڭ گەوگرافيالىق ەمەس تۇرعىدا بەلگىلەنەتىن انىقتالاتىن نومىرلەۋ ايماقتارىنىڭ «DEF» كودتارى;
5) بايلانىس وپەراتورلارى ءوزىنىڭ ابونەنتتەرىنە – جەلى ۋچاسكەلەرىنىڭ ءار ءتۇرلى اكىمشىلىك اۋماقتارىنا بولىنگەن بىرىكتىرۋدى تالاپ ەتەتىن قوسىمشا قىزمەتتەردى زاڭدى تۇلعالارعا ۇسىنۋ ءۇشىن تىركەلگەن تەلەفون بايلانىسى جەلىلەرىنىڭ گەوگرافيالىق ەمەس تۇرعىدا بەلگىلەنەتىن نومىرلەۋ ايماقتارىنىڭ «DEF» كودتارى مەن «DEF» كودىنداعى «ح1», «ح1ح2» يندەكستەرى;
6) ابونەنتتەردى ءنومىردىڭ «كوشۋ» (nomadicity) فۋنكتسياسىمەن قامتاماسىز ەتەتىن, تىركەلگەن تەلەفوندى بايلانىس جەلىلەرىنىڭ گەوگرافيالىق ەمەس انىقتالاتىن نومىرلەۋ ايماعىنىڭ «DEF» كودتارى مەن «DEF» كودىنداعى «ح1», «ح1ح2» يندەكستەرى;
7) ۆەدومستۆولىق, كورپوراتيۆتى جانە نومىرلەۋدىڭ سىيىمدىلىعى 100 مىڭ نومىردەن اسپايتىن, باسقا گەوگرافيالىق بولىنگەن تەلەكوممۋنيكاتسيالار جەلىلەرىنىڭ گەوگرافيالىق ەمەس انىقتالاتىن نومىرلەۋ ايماعىنىڭ «DEF» كودىنداعى «ح1», «ح1ح2» يندەكستەرى;
8) قىزمەتتەرگە قولجەتىمدىلىك كودتارى:
قالاارالىق جانە (نەمەسە) حالىقارالىق تەلەفوندىق قوسىلۋلاردى ۇسىنۋ ءۇشىن IP-تەلەفونيا (ينتەرنەت-تەلەفونيا);
ينتەرنەت جەلىسىنە قولجەتىمدىلىك;
بايلانىستىڭ زياتكەرلىك جەلىلەرى;
قالاارالىق جانە (نەمەسە) حالىقارالىق جەلىنىڭ كوممۋتاتسيالىق ستانتسياسى تەحنيكالىق قىزمەتكەرلەرىنىڭ باقىلاۋ-سىناق جابدىقتارىنا قولجەتىمدىلىك;
9) قىزمەتتەرگە قولجەتىمدىلىك كودتارىن پايدالانۋمەن بايلانىس قىزمەتتەرىن ۇسىناتىن (ح1ح2ح3)/(ح1ح2ح3ح4) وپەراتورلار كودتارى;
10) «1UV (ح1(ح2))» شۇعىل جەدەل, اقپاراتتىق-انىقتامالىق جانە تاپسىرىس بەرۋ قىزمەتتەرىنە قولجەتىمدىلىك نومىرلەرى;
11) قالاارالىق جانە (نەمەسە) حالىقارالىق بايلانىس وپەراتورلارىن تاڭداۋ پرەفيكستەرى;
12) «اۆس» كودىمەن نومىرلەۋدىڭ گەوگرافيالىق بەلگىلەنەتىن ايماعىنداعى جەرگىلىكتى تەلەكوممۋنيكاتسيالار جەلىسىنىڭ نومىرلەۋ رەسۋرسى;
13) قىزمەتتەرگە قولجەتىمدىلىك كودتارىن پايدالانۋمەن (ح4ح5ح6ح7)/(ح5ح6ح7) قىزمەتتەر ابونەنتتەرىنىڭ لوگيكالىق نومىرلەرى كىرەدى.
6. نومىرلەۋ رەسۋرسى قازاقستان رەسپۋبليكاسىنىڭ ۇلتتىق رەسۋرسىنىڭ ءبىر بولىگى رەتىندە يەلىككە الىنبايتىن بولىپ تابىلادى (ساتۋعا, جالعا بەرۋگە بولمايدى, كاسىپورىندى قايتا ۇيىمداستىرۋدىڭ نەمەسە تاراتۋدىڭ ناتيجەسىندە قۇقىقتىق ميراسقورعا بەرىلمەيدى).
بايلانىس وپەراتورىنا نومىرلەۋ رەسۋرسى تەلەكوممۋنيكاتسيالار قىزمەتىن كورسەتۋ ءۇشىن جەلى ابونەنتتەرىنە نومىرلەردى ءبولۋ نەمەسە قىزمەتكە قولجەتىمدىلىكتى ۇيىمداستىرۋ ارقىلى پايدالانۋعا بولىنەدى.
ءبىر بايلانىس وپەراتورىنىڭ نومىرلەۋ رەسۋرسىن ءنومىردى تاسىمالداۋ قىزمەتىنەن باسقا, قىزمەتتەردى كورسەتۋ ماقساتىندا پايدالانۋ ءۇشىن باسقاعا بەرۋىنە جول بەرىلمەيدى.
7. ۋاكىلەتتى ورگان نومىرلەۋ رەسۋرسىن ەسەپكە الۋ بويىنشا جۇمىستى ۇيىمداستىرادى جانە وسى قاعيدالارعا 1-قوسىمشاعا سايكەس نىسان بويىنشا بولىنگەن جانە رەزەرۆتىك نومىرلەۋ رەسۋرستارىنىڭ ءتىزىلىمىن جۇرگىزەدى.
8. نومىرلەۋ رەسۋرسىن العان بايلانىس وپەراتورلارى, قىزمەتتەر پروۆايدەرلەرى جانە جەلىلەردىڭ يەلەرى, ولار انىقتايتىن نومىرلەۋ جوسپارىنا سايكەس الىنعان نومىرلەۋ رەسۋرسىن قىزمەت كورسەتىلەتىن اۋماق بويىنشا نەمەسە بايلانىس قىزمەتتەرى بويىنشا بولەدى.
بەلگىلەنگەن نومىرلەۋ جوسپارىنىڭ كوشىرمەسى جانە پايدالانىلاتىن (قولدانىستاعى) نومىرلەۋ تۋرالى مالىمەتتەردى بايلانىس وپەراتورلارى, جەلىلەردىڭ يەلەرى, قىزمەتتەر پروۆايدەرلەرى جىل سايىن 30 قاڭتاردان كەشىكتىرمەي ۋاكىلەتتى ورگانعا قازاقستان رەسپۋبليكاسىنىڭ نومىرلەۋ جوسپارىنا قوسۋ ءۇشىن ۇسىنادى.
9. نومىرلەۋ رەسۋرسىن ءبولۋ مەن نومىرلەردى بەرۋ, سونداي-اق ولاردى الىپ قويۋ ۋاكىلەتتى ورگان قۇراتىن نومىرلەۋ رەسۋرسىن ءبولۋ كوميسسياسىنىڭ (بۇدان ءارى – كوميسسيا) ۇسىنىمى بويىنشا جۇزەگە اسىرىلادى.
نومىرلەۋ رەسۋرسىن ءبولۋ, سونداي-اق ولاردى الىپ قويۋ تۋرالى شەشىم ۋاكىلەتتى ورگاننىڭ بۇيرىعىمەن راستالادى.
2. نومىرلەۋ رەسۋرسىن ءبولۋ ءتارتىبى
10. ابونەنتتەردى ءنومىردىڭ «كوشۋ» (nomadicity) فۋنكتسياسىمەن قامتاماسىز ەتەتىن تىركەلگەن تەلەفوندىق بايلانىس جەلىلەرىنىڭ گەوگرافيالىق ەمەس تۇرعىدا بەلگىلەنەتىن نومىرلەۋ ايماقتارىنىڭ «اۆس» كودتارى, «DEF» كودتارى, قىزمەتتەرگە قولجەتىمدىلىك كودتارىنىڭ ناقتى الۋشىسى جوق جانە ولار قازاقستان رەسپۋبليكاسىنىڭ نومىرلەۋ جۇيەسى مەن جوسپارىنا سايكەس ۋاكىلەتتى ورگانمەن بەلگىلى ءبىر اۋماققا نەمەسە تەلەكوممۋنيكاتسيالار قىزمەتىنىڭ تۇرىنە بەكىتىلەدى.
نومىرلەۋدىڭ ءبىر گەوگرافيالىق بەلگىلەنەتىن ايماعىنىڭ نومىرلەۋ رەسۋرستارىن باسقا گەوگرافيالىق انىقتالاتىن ايماقتا پايدالانۋعا رۇقسات ەتىلمەيدى.
نومىرلەۋدىڭ گەوگرافيالىق تۇرعىدا بەلگىلەنەتىن انىقتالاتىن ايماعىنىڭ نومىرلەۋ رەسۋرسى وسى ايماقتا جۇمىس ىستەيتىن تىركەلگەن بايلانىس جەلىلەرىنىڭ وپەراتورلارى ءۇشىن ورتاق بولىپ تابىلادى.
11. ۋاكىلەتتى ورگان «اۆس» كودىمەن نومىرلەۋدىڭ گەوگرافيالىق بەلگىلەنەتىن ايماعىندا جەرگىلىكتى تەلەكوممۋنيكاتسيالار جەلىلەرىنىڭ «ح1ح2», «ح1ح2ح3» يندەكستەرىن جوسپارلاۋ مەن ءبولۋدى, ولاردىڭ اۋىستىرىلۋىن نەمەسە رەزەرۆكە قويۋدى نومىرلەۋدىڭ ءار گەوگرافيالىق بەلگىلەنەتىن ايماقتىڭ قولدانىستاعى نومىرلەۋ جوسپارلارىنا سايكەس ىسكە اسىرادى.
12. بايلانىس وپەراتورىنا نومىرلەۋدىڭ گەوگرافيالىق انىقتالاتىن ايماقتىڭ اۋماعىندا (ۇستەمە جەلى) ورنالاسقان بىرنەشە جەرگىلىكتى جەلىلەردى سايكەستەندىرۋ ءۇشىن وسى ايماقتىڭ «اۆس» كودى رەسۋرسىنان بوس «ح1ح2» يندەكسى ءبولىنۋى مۇمكىن.
«ح1ح2» يندەكسى بايلانىس وپەراتورىنا نومىرلەۋدىڭ گەوگرافيالىق بەلگىلەنەتىن ايماعىنىڭ اۋماعىندا بايلانىس وپەراتورى جەرگىلىكتى جەلىلەرىنىڭ قوسىندى جوسپارلانعان سىيىمدىلىعى 15 مىڭنان كەم ەمەس ءنومىر قۇراعاندا, ال نومىرلەۋ رەسۋرسىن الۋ ءوتىنىشىن بەرگەن ۋاقىتتاعى بايلانىس وپەراتورىنىڭ قولدانىستاعى جەرگىلىكتى جەلىلەرىنىڭ سىيىمدىلىعى – جوسپارلانعاننان 50 پايىزدان كەم ەمەس قۇرايتىن جاعدايدا عانا بولىنەدى.
نومىرلەۋدىڭ گەوگرافيالىق تۇرعىدا بەلگىلەنەتىن ايماعىندا بايلانىس وپەراتورىنىڭ جەرگىلىكتى جەلىلەرىنىڭ قوسىندى سىيىمدىلىعى ەڭ جوعارى مۇمكىن بولاتىن نومىرلەۋدىڭ 90 پايىزىنا دەيىن (72 مىڭ ءنومىر) جوعارىلاعان جاعدايدا بايلانىس وپەراتورىنا ءبىر يندەكستەن كوپ «ح1ح2» بولىنەدى.
13. «اۆس» كودىمەن نومىرلەۋدىڭ گەوگرافيالىق تۇرعىدا بەلگىلەنەتىن ايماعىنداعى جەرگىلىكتى تەلەكوممۋنيكاتسيالار جەلىلەرىنىڭ نومىرلەۋ رەسۋرسى تەلەكوممۋنيكاتسيالار جەلىلەرىنىڭ نومىرلەۋ رەسۋرستارىن بولۋگە ارنالعان وتىنىشتە كورسەتىلگەن كولەمنىڭ 50 پايىزداي مولشەرىندە بولىنەدى. نومىرلەۋ رەسۋرسىنىڭ 50 پايىز مولشەرىندەگى قالعان بولىگى نومىرلەۋ رەسۋرسىن الۋشىعا رەزەرۆكە بەرىلەدى جانە بولىنگەن رەسۋرستىڭ قولدانىستا بولۋ شەگى بويىنشا رەسۋرس الۋشى پايدالانادى.
14. ەگەر ناقتى اۋماقتا بارلىق بايلانىس وپەراتورلارىنا بولىنگەن جانە نومىرلەۋ رەسۋرسىن بولۋگە ارنالعان بايلانىس وپەراتورلارى وتىنىشتەرى بويىنشا سۇرالاتىن جەرگىلىكتى تەلەكوممۋنيكاتسيالار جەلىسىنىڭ نومىرلەۋ رەسۋرسى قولجەتەرلىك رەسۋرستان 90 پايىزعا جوعارى بولسا, وندا كوميسسيانىڭ حاتتامالىق شەشىمىمەن رەسۋرسقا شەكتەۋدىڭ بولعاندىعى تىركەلەدى.
رەسۋرستىڭ شەكتەۋلىلىگى تۋرالى اقپارات ۋاكىلەتتى ورگاننىڭ ينتەرنەت-رەسۋرسىندا كوميسسيانىڭ حاتتامالىق شەشىمىنە قول قويىلعان كۇنىنەن باستاپ 10 كۇن ىشىندە جاريالانادى.
ۋاكىلەتتى ورگان جەرگىلىكتى جەلىنىڭ نومىرلەۋ رەسۋرسىن ۇلعايتۋ بويىنشا مىناداي شارالار قابىلدايدى:
1) نومىرلەۋ رەسۋرسىن قايتا ءبولۋ ارقىلى (تالداۋ جۇرگىزۋ جانە نومىرلەۋ رەسۋرسىن الۋشىمەن بولىنگەن مەرزىمنەن باستاپ ەكى جىل ىشىندە 50 پايىزدان استام بولىنگەن جەرگىلىكتى تەلەكوممۋنيكاتسيالار جەلىسىنىڭ نومىرلەۋ رەسۋرسىنان پايدالانباعانىن انىقتاۋ);
2) قازاقستان رەسپۋبليكاسىنىڭ نومىرلەۋ جۇيەسى مەن جوسپارىنا سايكەس جەرگىلىكتى جەلىدە ابونەنتتىڭ 5 تاڭبالى نومىرىنەن 6 تاڭبالىعا, جەرگىلىكتى جەلىدە ابونەنتتىڭ 6 تاڭبالى نومىرىنەن 7 تاڭبالىعا اۋىستىرۋ جولى ارقىلى.
15. ۇيالى بايلانىس, ۇتقىر تەلەكوممۋنيكاتسيالىق بايلانىس (ونىڭ ىشىندە جىلجىمالى راديو/راديوتەلەفون بايلانىسى جانە ترانكينگتىك بايلانىس), جىلجىمالى جەرسەرىكتىك بايلانىس جەلىلەرىنە قازاقستان رەسپۋبليكاسىنىڭ بارلىق اۋماعىندا (رەسپۋبليكالىق جەلىلەر) قىزمەتتەر ۇسىنعان جاعدايدا بەرىلگەن ليتسەنزيانىڭ نەگىزىندە نومىرلەۋدىڭ گەوگرافيالىق ەمەس انىقتالاتىن ايماعىنىڭ «DEF» كودتارى بولىنەدى.
جەلى سىيىمدىلىعىنىڭ ەڭ جوعارعى مۇمكىندىگىنەن 90 پايىزعا دەيىن جوعارىلاعان جاعدايدا, وسى جەلىگە جاڭا DEF كودى بولىنەدى.
وڭىرلىك ۇيالى بايلانىس جەلىلەرىنە, بولەك ەلدى مەكەندەر اۋماعىندا جۇمىس ىستەيتىن ۇتقىر تەلەكوممۋنيكاتسيالىق بايلانىس جەلىلەرىنە (ونىڭ ىشىندە جىلجىمالى راديو/راديوتەلەفون جانە ترانكينگتىك بايلانىس جەلىلەرىنە) نومىرلەۋدىڭ گەوگرافيالىق انىقتالاتىن ايماعىنىڭ شەگىندە وسى گەوگرافيالىق انىقتالاتىن ايماعىنىڭ نومىرلەۋ رەسۋرسى بولىنەدى.
16. ەگەر ءوتىنىش بەرۋشى جەلى ۋچاسكەلەرىن (فراگمەنتتەرىن) ءبىر نومىرلەۋ كودىمەن بىرىكتىرگەن جاعدايدا باسقارۋشىلىق جانە وندىرىستىك قىزمەتتىڭ تيىمدىلىگىن ەداۋىر جوعارىلايتىندىعىن دالەلدەيتىن نەگىزدەۋلەر كەلتىرەتىن بولسا, ۆەدومستۆولىق, كورپوراتيۆتىك جەلىلەرگە جانە ارنايى تاعايىندالعان بايلانىس جەلىلەرىنە «DEF» كودتارى بولىنەدى.
ۆەدومستۆولىق جانە كورپوراتيۆتىك جەلىلەرگە «DEF=767» كودىنداعى «ح1ح2» يندەكسى, جەلىنىڭ قوسىندى سىيىمدىلىعى كەم دەگەندە 100 مىڭ ءنومىر بولعان جاعدايدا عانا بولىنەدى.
زاڭدى تۇلعالارعا ناقتى نومىرلەۋدىڭ گەوگرافيالىق انىقتالاتىن ايماعىنا بايلانباعان, ۆەدومستۆولىق جانە كورپوراتيۆتىك جەلىلەردى ۇيىمداستىرۋ قىزمەتتەرىن ۇسىناتىن تىركەلگەن بايلانىس وپەراتورىنا «DEF» كودى نەمەسە «DEF=767» («DEFح1ح2») كودىنداعى يندەكس بولىنەدى.
ۆەدومستۆولىق جانە كورپوراتيۆتىك جەلىلەرگە «DEF»/«DEFح1ح2» كودتارىن بولۋمەن قاتار, جەلىلەردى پايدالانۋشىلارعا قولايلىلىقتى قامتاماسىز ەتۋ ماقساتىندا «اۆس» كودىمەن نومىرلەۋ ايماعىندا جەرگىلىكتى جەلىلەردىڭ نومىرلەۋ رەسۋرسىن تاعايىنداۋعا رۇقسات ەتىلەدى.
17. «DEF» كودتارىن نەمەسە «DEF» كودتارىنداعى «ح1ح2» يندەكستەرىن, جەرگىلىكتى تەلەكوممۋنيكاتسيالار جەلىلەرىنىڭ «اۆس» كودتارىنداعى «ح1ح2», «ح1ح2ح3» يندەكستەرىن العان بايلانىس وپەراتورلارى جانە جەلىلەر يەلەرى بۇدان ءارى نومىرلەۋ رەسۋرسىن ءبولۋدى وزدەرى ازىرلەيتىن ناقتى جەلىلەردىڭ نومىرلەۋ جوسپارلارىنا سايكەس دەربەس ىسكە اسىرادى.
18. بولىنگەن تەلەكوممۋنيكاتسيالار جەلىلەرىنىڭ نومىرلەۋ جوسپارىن وسى جەلىلەر وپەراتورلارى دەربەس (جەلىلەردى, كوممۋتاتسيالىق ستانتسيالاردى يدەنتيفيكاتسيالاۋ, ابونەنت نومىرلەرىنىڭ ماندىلىگى) انىقتايدى.
ورتاق پايدالانۋداعى تەلەكوممۋنيكاتسيالار جەلىسى مەن بولىنگەن جەلىنىڭ تۇيىسكەن جاعدايدا ول قازاقستان رەسپۋبليكاسىنىڭ بىرىڭعاي تەلەكوممۋنيكاتسيالار جەلىسىنىڭ باسقا جەلىلەر ساناتتارىنا اۋىسادى, جەلىنىڭ نومىرلەنۋى وسى قاعيدالارعا سايكەس وزگەرتىلەدى.
19. بايلانىس وپەراتورلارىنا ABC جانە DEF كودتارىندا قىسقا نومىرلەردى ءوز بەتىنشە بولۋگە جول بەرىلمەيدى.
20. وپەراتوردى تاڭداۋ پرەفيكستەرى «12حح» تەك قالاارالىق جانە (نەمەسە) حالىقارالىق بايلانىس وپەراتورلارىنا بولىنەدى, بۇل رەتتە بايلانىس وپەراتورىنا قالاارالىق, سونداي-اق حالىقارالىق بايلانىس ءۇشىن پايدالانىلاتىن قالاارالىق جانە (نەمەسە) تەك ءبىر پرەفيكسى بولىنەدى.
21. بايلانىس وپەراتورىنا (قىزمەت پروۆايدەرىنە) ورتاق پايدالانۋداعى تەلەكوممۋنيكاتسيالار جەلىسى ابونەنتتەرىنىڭ دەرەكتەردى بەرۋ قىزمەتتەرىنە قول جەتكىزۋىن ۇيىمداستىرۋ ماقساتىندا جەرگىلىكتى تەلەفون نومىرلەرىن بولۋگە رۇقسات ەتىلەدى, ونىڭ ىشىندە ينتەرنەت جەلىسىنە قول جەتكىزۋ قىزمەتىنىڭ پروۆايدەرى بولىپ تابىلاتىن جەرگىلىكتى جەلى بايلانىسىنىڭ وپەراتورى ونىڭ جەرگىلىكتى جەلىسىنە بەكىتىلگەن نومىرلەۋ رەسۋرسىنان جەرگىلىكتى تەلەفون ءنومىرىن پايدالانادى, سونىمەن قاتار بۇل ءنومىر ۋاكىلەتتى ورگاننىڭ بۇيرىعىمەن قىزمەتتەرگە قولجەتكىزىلگەن ءنومىر رەتىندە بەكىتىلەدى.
22. IP-تەلەفونيا (ينتەرنەت-تەلەفونيا) قىزمەتىن كورسەتۋ ءۇشىن ۋاكىلەتتى ورگان تاعايىنداعان قىزمەتتەردىڭ قول جەتكىزۋ كودىنداعى ءنومىرىن پايدالانۋمەن قاتار قالاارالىق جانە حالىقارالىق بايلانىس وپەراتورلارىنىڭ انىقتامالىق-اقپاراتتىق جانە تاپسىرىستىق قىزمەتتەرىنە قاتىناۋعا ارنالعان دياپازونىنان «1UV (ح1(ح2))» جەرگىلىكتى تەلەفون ءنومىرى پايدالانىلۋى مۇمكىن, بۇل رەتتە بۇل ءنومىر ۋاكىلەتتى ورگاننىڭ بۇيرىعىمەن قىزمەتكە قولجەتكىزىلگەن ءنومىر رەتىندە بەكىتىلەدى.
3. نومىرلەر ءبولۋ, سونداي-اق ولاردى الىپ قويۋ ءتارتىبى
23. نومىرلەۋ رەسۋرسىن الۋ ءۇشىن ءوتىنىش بەرۋشى مىناداي قۇجاتتاردى ۇسىنادى:
1) وسى قاعيدالارعا 2-قوسىمشاعا سايكەس نىسان بويىنشا بىرىڭعاي تەلەكوممۋنيكاتسيالار جەلىسىنىڭ نومىرلەۋ رەسۋرسىن بولۋگە ارنالعان ءوتىنىش;
2) وسى قاعيدالارعا 3-قوسىمشاعا سايكەس نىسان بويىنشا تۇسىندىرمە جازبا.
24. نومىرلەۋ رەسۋرسىن الىپ قويۋ ءۇشىن ءوتىنىش بەرۋشى وسى قاعيدالارعا 4-قوسىمشاعا سايكەس نىسان بويىنشا ءوتىنىش بەرۋشى رەسىمدەگەن, بىرىڭعاي تەلەكوممۋنيكاتسيالار جەلىسىنىڭ نومىرلەۋ رەسۋرسىن الىپ قويۋعا ارنالعان ءوتىنىشتى تاپسىرۋى قاجەت.
25. كورسەتىلگەن قۇجاتتارعا قوسىمشا مىنالار ۇسىنىلادى:
1) قالاارالىق جانە (نەمەسە) حالىقارالىق بايلانىس وپەراتورىنا قالاارالىق جانە (نەمەسە) حالىقارالىق بايلانىس وپەراتورىن تاڭداۋ پرەفيكسىن الۋ ءۇشىن ۋاكىلەتتى ورگانعا ءار ايماقتا وپەراتوردىڭ بولۋىن قالاارالىق جانە (نەمەسە) حالىقارالىق بايلانىس وپەراتورىن تاڭداۋ ماقساتىندا جەلىلەردىڭ قوسىلۋىنىڭ ستاندارتتى نۇكتەسى بولىپ تابىلاتىن وپەراتور جەلىسىنىڭ ءترانزيتتى كوممۋتاتسيالىق ستانتسيالار تىزبەسىن ۇسىنۋى قاجەت;
2) بايلانىس وپەراتورىنا (قىزمەت پروۆايدەرىنە) قايتا ەنگىزىلەتىن نەمەسە بۇرىن قولدانىستاعى قىزمەتتەرگە قول جەتكىزۋ كودىن پايدالانىپ, بايلانىس قىزمەتتەرىن كورسەتەتىن وپەراتوردىڭ «ح1ح2ح3(ح4)» كودىن الۋ ءۇشىن ۋاكىلەتتى ورگانعا كەلەسى قۇجاتتاردى ۇسىنۋ قاجەت:
- قىزمەتتىڭ تولىق سيپاتتاماسى;
- وسى قىزمەتتى ۇيىمداستىرۋدىڭ ماقساتتىلىعىن نەگىزدەۋ;
- ۇسىنىلاتىن قىزمەتتى كورسەتۋ ءادىسىنىڭ ناقتى سيپاتتاماسى;
- شاقىرۋلاردى تاريفتەۋ جانە باعىتتتاۋ جونىندەگى ۇسىنىستار.
قىزمەتتى ابونەنتتەۋ كەزىندە بايلانىس وپەراتورىمەن (قىزمەت پروۆايدەرىمەن) «(ح4)ح5ح6ح7» قىزمەتتەر ابونەنتتەرىنىڭ لوگيكالىق نومىرلەرى بولىنەدى.
26. نومىرلەۋ رەسۋرسىن ءبولۋ نەمەسە الىپ قويۋ ءۇشىن وتiنiشتەردى قابىلداۋ, سونداي-اق نومىرلەۋ رەسۋرسىن ءبولۋ, سونداي-اق ولاردى الىپ قويۋ تۋرالى بۇيرىقتى نەمەسە باس تارتۋ سەبەبى كورسەتىلگەن سۇرالىپ وتىرعان نومىرلەۋ رەسۋرسىن بولۋدەن دالەلدى باس تارتۋدى بەرۋ:
- حالىققا قىزمەت كورسەتۋ ورتالىعى;
- «ەلەكتروندىق ۇكىمەت» www.egov.kz ۆەب-پورتالى نەمەسە «ە-ليتسەنزيالاۋ» www.elicense.kz ۆەب-پورتالى ارقىلى جۇزەگە اسىرىلادى.
27. ءوتىنىش بەرۋشى نومىرلەۋ رەسۋرسىن ءبولۋ, سونداي-اق ولاردى الىپ قويۋ تۋرالى بۇيرىقتى نەمەسە سۇرالىپ وتىرعان نومىرلەۋ رەسۋرسىن بولۋدەن باس تارتۋ سەبەبi كورسەتىلگەن دالەلدi جاۋاپتى قۇجاتتار بەرىلگەن كۇنىنەن باستاپ كەمىندە 30 جۇمىس كۇنىندە الادى.
28. ۋاكىلەتتى ورگان وسى قاعيدالاردىڭ 23-25-تارماقتارىندا كورسەتىلگەن قۇجاتتاردى تولىق ۇسىنباۋ فاكتىسىن انىقتاعان جاعدايدا, قۇجاتتار بەرىلگەن كۇنىنەن باستاپ كەمىندە 2 جۇمىس كۇنىندە ءوتىنىش بەرۋشىگە ءوتىنىشتى ودان ءارى قاراۋدان باس تارتۋ جونىندەگى دالەلدi جاۋاپتى بەرەدى.
كەيىننەن وسى قاعيدالاردىڭ 23-25–تارماقتارىندا كورسەتىلگەن قۇجاتتاردى ۇسىنباۋ نەمەسە تولىق پاكەتىن ۇسىنباۋ, نومىرلەۋ رەسۋرسىن بولۋدەن باس تارتۋعا نەگىز بولا المايدى.
29. ۋاكىلەتتى ورگان سۇراتىلاتىن نومىرلەۋ رەسۋرسىن بولۋدەن مىناداي نەگىزدەردىڭ ءبىرى بولعان كەزدە باس تارتادى:
1) بۇل اۋماقتاعى نومىرلەۋ رەسۋرسىنىڭ شەكتەۋلىلىگى;
2) قازاقستان رەسپۋبليكاسىنىڭ نومىرلەۋ جۇيەسى مەن جوسپارىنا سۇراتىلعان نومىرلەۋ رەسۋرسىنىڭ سايكەس كەلمەۋى;
3) ءوتىنىش بەرۋشى قاراۋعا ۇسىنعان قۇجاتتاردا قاتە نەمەسە بۇرمالانعان اقپاراتتىڭ بولۋى;
4) بايلانىس جەلىسىن قۇرۋ سىزباسى مەن بايلانىس قىزمەتىن سيپاتتاۋ وتىنىشىمەن بىرگە ۇسىنىلعان سۇراتىلعان نومىرلەۋ رەسۋرسىنا نومىرلەۋ رەسۋرسىن پايدالانۋى بولجاناتىنىن كورسەتۋ ءۇشىن سايكەس كەلمەۋى.
تۇسىندىرمە جازبادا كورسەتىلگەن مالىمەتتەردى تەكسەرۋ ءۇشىن ءوتىنىش بەرۋشىنىڭ قۇجاتتارى بايلانىس سالاسىنداعى ۋاكىلەتتى ورگاننىڭ اۋماقتىق بولىمشەلەرىنە جولدانادى. وسى تارماقتىڭ 1)-4) تارماقشالارىندا كەلتىرىلگەن نومىرلەۋدى بولۋدەن باس تارتۋ سەبەپتەرىنىڭ تىزبەسى تولىق بولىپ تابىلادى.
30. زاڭنىڭ 8-بابىنىڭ 1-تارماعى 19-14) تارماقشاسىنا سايكەس بەكىتىلگەن بايلانىس قىزمەتتەرىن كورسەتۋ قاعيدالارىنا سايكەس تەلەكوممۋنيكاتسيالار قىزمەتىن كورسەتۋگە ابونەنت جانە بايلانىس وپەراتورى (قىزمەت پروۆايدەرى) اراسىندا شارت جاسالعاندا بايلانىس وپەراتورى (قىزمەت پروۆايدەرى) ابونەنتتەرگە وپەراتور جەلىسىنىڭ نومىرلەۋ جوسپارىنان ابونەنتتىك نومىرلەر بەرەدى.
31. قازاقستان رەسپۋبليكاسىنىڭ نومىرلەۋ جۇيەسى مەن جوسپارى وزگەرگەن جاعدايدا, ۋاكىلەتتى ورگان 30 جۇمىس كۇنى ىشىندە بايلانىس وپەراتورلارىنا جانە تەلەكوممۋنيكاتسيالار جەلىلەرىنىڭ يەلەرىنە بولىنگەن نومىرلەۋ رەسۋرسىنىڭ, سونداي-اق ناقتى الۋشىسى جوق نومىرلەۋ رەسۋرسىنىڭ وزگەرۋى تۋرالى شەشىم قابىلدايدى. ۋاكىلەتتى ورگان بايلانىس وپەراتورلارىنا, قىزمەتتەر پروۆايدەرلەرىنە, تەلەكوممۋنيكاتسيالار جەلىلەرىنىڭ يەلەرىنە بولىنگەن نومىرلەۋ رەسۋرسىن وزگەرتۋ تۋرالى شەشىمىنىڭ قابىلدانعاننان كەيىن 10 جۇمىس كۇنىنىڭ ىشىندە بايلانىس وپەراتورلارىن, قىزمەتتەر پروۆايدەرلەرىن, تەلەكوممۋنيكاتسيالار جەلىلەرىنىڭ يەلەرىن حاباردار ەتەدى.
بۇل رەتتە بايلانىس وپەراتورلارى مەن جەلى يەلەرىنە قولدانىستاعىعا بالامالى نومىرلەۋ رەسۋرسى ۇسىنىلادى.
قازاقستان رەسپۋبليكاسىنىڭ جەلىلەرىن تسيفرلىق ستانتسيالارعا كوشىرۋ شاماسىنا قاراي ۋاكىلەتتى ورگان شۇعىل جانە انىقتامالىق-اقپاراتتىق, تاپسىرىس بەرۋ قىزمەتتەرىنە قاتىناۋ ءۇشىن بولىنگەن «1UV» نومىرلەرىن قازاقستان رەسپۋبليكاسىنىڭ نومىرلەۋ جۇيەسى مەن جوسپارىنا سايكەس «1UV (ح1(ح2))» نومىرلەرىنە اۋىستىرادى.
32. ۋاكىلەتتى ورگان نومىرلەۋ رەسۋرسىن الىپ قويۋدى مىناداي جاعدايلاردا جۇزەگە اسىرادى:
1) نومىرلەۋ رەسۋرسىن الۋشىنىڭ ءوتىنىشى بويىنشا;
2) بايلانىس وپەراتورى (قىزمەت پروۆايدەرىنىڭ) ليتسەنزياسىنىڭ قولدانىسى توقتاتىلادى;
3) بايلانىس وپەراتورى (قىزمەت پروۆايدەرى) نومىرلەۋ رەسۋرسىن پايدالانۋدى رەتتەيتىن نورماتيۆتىك قۇجاتتاردى بۇزعاندا;
4) بايلانىس وپەراتورى, قىزمەت پروۆايدەرى, ۆەدومستۆولىق تەلەكوممۋنيكاتسيالار جەلىسىنىڭ, ارنايى تاعايىندالعان تەلەكوممۋنيكاتسيالار جەلىسىنىڭ, كورپوراتيۆتىك جەلىنىڭ يەسى بولىنگەن «اۆس» كودىمەن نومىرلەۋدىڭ گەوگرافيالىق انىقتالاتىن ايماعىنداعى جەرگىلىكتى تەلەكوممۋنيكاتسيالار جەلىلەرىنىڭ نومىرلەۋ رەسۋرسىنىڭ 50 پايىزدان استامىن تاعايىندالعان ساتتەن باستاپ ەكى جىلدىڭ ىشىندە پايدالانباعاندا (ۋاكىلەتتى ورگان جۇزەگە اسىراتىن تەكسەرۋ ناتيجەلەرى بويىنشا);
5) نومىرلەۋ رەسۋرسىن الۋشىمەن نومىرلەۋ رەسۋرسىن پايدالانباعاندا («DEF» كودتارى مەن «DEF» كودىنداعى «ح1», «ح1ح2» يندەكستەرى; قىزمەتتەردىڭ قول جەتكىزۋ كودتارىن پايدالانۋىمەن بايلانىس قىزمەتتەرىن ۇسىناتىن (ح1ح2ح3)/(ح1ح2ح3ح4) وپەراتورلار كودتارى; «1UV (ح1(ح2))» شۇعىل جەدەل, اقپاراتتىق-انىقتامالىق جانە تاپسىرىس بەرۋ قىزمەتتەرىنە قول جەتكىزۋ نومىرلەرى, قالاارالىق جانە (نەمەسە) حالىقارالىق بايلانىس وپەراتورلارىنىڭ تاڭداۋ پرەفيكستەرى) تاعايىندالعان ساتتەن باستاپ ەكى جىلدىڭ ىشىندە 6 ايدان استام تاڭداۋ پرەفيكستەرى (ۋاكىلەتتى ورگان جۇزەگە اسىراتىن تەكسەرۋ ناتيجەلەرى بويىنشا).
نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارىنا 1-قوسىمشا
نىسان
بولىنگەن جانە رەزەرۆتىك نومىرلەۋ رەسۋرستارىنىڭ ءتىزىلىمى
№ ر/س ءنومىر-لەۋ رەسۋرسى بولىنگەن جانە رەزەر-ۆتىك ءنومىر-لەۋ رەسۋرس-تارى-نىڭ سانى پايدا-لانۋ اۋماعى نومىرلەۋ رەسۋرسىن الۋشىنىڭ اتاۋى مەن ۇيىم-داستىرۋ-شىلىق-قۇقىقتىق نىسانى نومىرلەۋ رەسۋرسىن ءبولۋ, وزگەرتۋ, قايتارىپ الۋ تۋرالى بۇيرىقتىڭ ءنومىرى مەن قول قويىلعان كۇنى قىزمەت اتاۋى ەسكەرت-پە
1 2 3 4 5 6 7 8
نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارىنا 2-قوسىمشا
نىسان
بىرىڭعاي تەلەكوممۋنيكاتسيا جەلىسىنىڭ نومىرلەۋ رەسۋرسىن بولۋگە ءوتىنىش
1. ءوتىنىش بەرۋشى (زاڭدى تۇلعالار ءۇشىن – تولىق جانە قىسقاشا اتاۋى, جەكە تۇلعالار ءۇشىن – تەگى, اتى, اكەسىنىڭ اتى).
2. جسن/بسن.
3. پوشتالىق مەكەنجايى.
4. بايلانىس دەرەكتەمەلەرى (تەلەفون, فاكس, تەلەكس).
5. بانكتىك دەرەكتەمەلەر.
6. ۋاكىلەتتى ورگان بەرگەن ليتسەنزياسىنىڭ جانە ونىڭ قوسىمشاسىنىڭ دەرەكتەمەلەرى (ليتسەنزيالاناتىن بايلانىس قىزمەتتەرىن كورسەتكەن جاعدايدا).
7. جەلىنىڭ تولىق جانە قىسقارتىلعان اتاۋى (ەگەر بولسا).
8. جەلىنى قۇرۋعا جانە پايدالانۋعا جاۋاپتى تۇلعانىڭ لاۋازىمى, اتى-ءجونى.
9. سۇراتىلاتىن نومىرلەۋ رەسۋرسىنىڭ كولەمى.
10. سۇراتىلاتىن نومىرلەۋ رەسۋرسىن پايدالانۋ بولجانىپ وتىرعان اۋماق.
قوسا بەرىلەتىن قۇجاتتار:
1) وسى قاعيدالارعا 3-قوسىمشاعا سايكەس رەسىمدەلگەن تۇسىندىرمە جازبا;
2) زاڭدى تۇلعا ءۇشىن – جەدەل ىزدەستىرۋ قىزمەتىن جۇرگىزەتىن ورگانداردان باسقا – جارعىنىڭ كوشىرمەسى;
3) دارا كاسىپكەر ءۇشىن – ءوتىنىش بەرۋشىنىڭ دارا كاسىپكەر رەتىندە مەملەكەتتىك تىركەلگەنى تۋرالى كۋالىكتىڭ كوشىرمەسى.
______________________
(وتىنىشكە قول قويۋعا ۋاكىلەتتى تۇلعانىڭ لاۋازىمى)
______________________
(لاۋازىمدى تۇلعانىڭ ت.ا.ءا.ا)
ءمور ورنى
نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارىنا 3-قوسىمشا
نىسان
تۇسىندىرمە جازبا
1. جەلىنىڭ اتاۋى مەن ءتۇرى.
2. جەلىنىڭ قىزمەت ەتۋىن قامتاماسىز ەتەتىن اكىمشىلىك-ۇيىمداستىرۋ قاعيداتتارى (مەنشىك نىسانى, يەسى, پايدالانىلاتىن كاسىپورىندار, كاسىپورىن – حالىقارالىق وپەراتور, ولاردىڭ قۇقىقتىق جانە فۋنكتسيونالدىق قاتىناستارى).
3. ءوتىنىم بەرۋ كەزىندەگى جەلىنىڭ پايدالانۋعا دايىندىعى (نەمەسە پايدالانۋدى باستاۋ مەرزىمى).
4. جەلى قۇرۋدىڭ قىسقاشا تەحنيكالىق قاعيداتتارى:
1) قۇرىلىمى, ونىڭ ىشىندە قالاارالىق (حالىقارالىق, ايماقىشىلىك) جەلىلەرمەن ءوزارا ءىس-قيمىلىن جۇزەگە اسىراتىن ەلەمەنتتەر;
2) قالاارالىق (حالىقارالىق) جەلىلەرمەن ءتۇيىسۋدى تەحنيكالىق قامتاماسىز ەتۋ (جەلىارالىق ءتۇيىسۋ حاتتامالارى, تىكەلەي ءتۇيىسۋ, بايلانىس ارنالارىنىڭ تۇرلەرى جانە ولاردى ۇيىمداستىرۋ تاسىلدەرى).
5. قالاارالىق جانە حالىقارالىق بايلانىس قىزمەتتەرىن, ينتەرنەت جەلىسىنە قولجەتىمدىلىك قىزمەتتەرىن, IP-تەلەفونيا قىزمەتتەرىنە (ينتەرنەت-تەلەفونيا) جانە بايلانىستىڭ ينتەللەكتۋالدىق جەلىلەر قىزمەتتەرىنە ۇسىنۋ ءۇشىن ۇيىمداستىرۋ-تەحنيكالىق دايىندىعى (شەت ەلدەردىڭ تۇيىندەسۋ جەلىلەرىنىڭ وپەراتورلارىمەن, وتاندىق جەلىلەرمەن نەمەسە ترانزيت بەرۋ تۋرالى حالىقارالىق ترانزيتتىك توراپتارمەن, حالىقارالىق ارنالار جابدىقتاۋشىلارىمەن كەلىسىمدەردىڭ بولۋى, تەحنيكالىق قۇرالداردىڭ بولۋى جانە فۋنكتسيونالدىق دايىندىعى).
6. جەلىنىڭ جۇمىس ىستەۋ اۋقىمى:
1) جەلى توپولوگياسى (قازاقستان رەسپۋبليكاسىنىڭ, تمد ەلدەرىنىڭ, باسقا دا شەت ەلدەردىڭ جەلى قامتيتىن قالالارى مەن ايماقتارىنىڭ تىزبەسى);
2) پايدالانۋشىلاردىڭ, ونىڭ ىشىندە قالاارالىق (حالىقارالىق) بايلانىس قىزمەتتەرىمەن پايدالانىلاتىنداردىڭ سانى;
3) تىكەلەي تۇيىندەسۋ جۇرگىزىلەتىن شەتەل جەلىلەرى مەن ترانزيتتىك توراپتارىنىڭ تىزبەسى;
4) پايدالانۋشىلارعا, تاپسىرىس بەرىلگەن جەلىمەن تىكەلەي تۇيىندەسۋى جوق شەتەل جەلىلەرىنىڭ ابونەنتتەرىنە شىعۋدى ۇسىنۋ مۇمكىندىگى;
5) قالاارالىق (حالىقارالىق) ترافيك (كىرىس, شىعىس);
6) قىزمەتتەردىڭ قۇرامى.
7. جەلىنىڭ نومىرلەۋ جوسپارىن قۇرۋ قاعيداتتارى.
8. قىزمەتتەردىڭ سيپاتى.
ەسكەرتپە:
1) 4, 5-تارماقتار بويىنشا مالىمەتتەر ءوتىنىش بەرۋ كەزىندەگى جاعداي بويىنشا جازىلادى جانە جەلىنى دامىتۋ جوسپارى بويىنشا دەرەكتەر كەلتىرىلەدى;
2) 5-تارماق نومىرلەۋ ايماعىنىڭ «DEF» كودتارىن, «DEFح1» جانە «DEF ح1ح2» كودتارىن, قىزمەتتەرگە قولجەتىمدىلىك كودتارىنداعى «ح1ح2ح3(ح4)» بايلانىس وپەراتورلارىنىڭ (قىزمەتتەر پروۆايدەرلەرىنىڭ) كودتارىن سۇراتاتىن وپەراتورلار ءۇشىن عانا; وپەراتوردىڭ تاڭداۋ پرەفيكسىن سۇراتاتىن قالاارالىق جانە (نەمەسە) حالىقارالىق بايلانىس وپەراتورلارى ءۇشىن عانا قولدانىلادى;
3) 6-تارماقتىڭ 3)-5) تارماقشالارى نومىرلەۋ ايماعىنىڭ «DEF» كودتارىن, «DEF ح1» جانە «DEF ح1ح2» كودتارىن سۇراتاتىن وپەراتورلار ءۇشىن عانا جارامدى;
4) ەگەر بۇرىن ليتسەنزيا الۋعا ۇسىنىلعان تۇسىندىرمە جازبا وزگەرتىلسە, 7-تارماق بويىنشا جاڭا نومىرلەۋ جوسپارى قوسىمشا بەرىلەدى.
نومىرلەۋ رەسۋرسىن ءبولۋ جانە نومىرلەردى بەرۋ, سونداي-اق ولاردى الىپ قويۋ قاعيدالارىنا 4-قوسىمشا
نىسان
بىرىڭعاي تەلەكوممۋنيكاتسيا جەلىسىنىڭ نومىرلەۋ رەسۋرسىن الىپ قويۋعا ءوتىنىش
1. ءوتىنىش بەرۋشى (زاڭدى تۇلعالار ءۇشىن – تولىق جانە قىسقاشا اتاۋى, جەكە تۇلعالار ءۇشىن – تەگى, اتى, اكەسىنىڭ اتى).
2. جسن/بسن.
3. پوشتالىق مەكەنجايى.
4. بايلانىس دەرەكتەمەلەرى (تەلەفون, فاكس, تەلەفون).
5. الىپ قويۋعا ۇسىنىلاتىن نومىرلەۋ رەسۋرسىنىڭ كولەمى.
6. نومىرلەۋ رەسۋرسىن الىپ قويۋعا ءوتىنىش بەرگەن اۋماق.
7. نومىرلەۋ رەسۋرسىن الىپ قويۋعا ءوتىنىش بەرۋ سەبەبى.
8. وتىنىمگە قوسا نومىرلەۋ رەسۋرسىن ءبولۋ تۋرالى بۇيرىقتىڭ كوشىرمەسى ۇسىنىلادى.
______________________
(وتىنىشكە قول قويۋعا ۋاكىلەتتى تۇلعانىڭ لاۋازىمى)
______________________
(لاۋازىمدى تۇلعانىڭ ت.ا.ءا.ا)
ءمور ورنى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 16 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10445 بولىپ ەنگىزىلدى.