2014 جىلعى 30 جەلتوقسان, استانا قالاسى
كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ قاعيدالارىن بەكىتۋ تۋرالى
«ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ 12-2-بابىنىنىڭ 13) تارماقشاسىنا سايكەس بۇيىرامىن:
1. قوسا بەرىلىپ وتىرعان كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق. ەرجانوۆ):
1) وسى بۇيرىقتىڭ زاڭنامامەن بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە بۇقارالىق اقپارات قۇرالدارىندا جانە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىقتى جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا كوشىرمەلەرىن جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋدىڭ باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.پ. راۋعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ.
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا
ءمينيسترى ________________ ە.دوساەۆ.
2015 جىلعى 14 قاڭتار
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 30 جەلتوقسانداعى №347 بۇيرىعىمەن بەكىتىلگەن
كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ قاعيدالارى
1. جالپى ەرەجەلەر
1. وسى كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ قاعيدالارى (بۇدان ءارى – قاعيدالار) «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسىنىڭ زاڭى (بۇدان ءارى – زاڭ) 12-2-بابىنىڭ 13) تارماقشاسىنا سايكەس ازىرلەنگەن جانە كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ ءتارتىبىن انىقتايدى.
2. كاسىبي اۆاريالىق-قۇتقارۋ قىزمەتتەرى مەن قۇرالىمدارى قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ بويىنشا ءوز قىزمەتىندە زاڭدى, قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىن جانە وسى قاعيدالاردى باسشىلىققا الادى.
3. وسى قاعيدالاردا مىناداي نەگىزگى ۇعىمدار پايدالانىلادى:
1) اۆاريالاردى جويۋ جوسپارى – ادامداردى قۇتقارۋ جونىندەگى ءىس-شارالاردى, باسشىلار مەن قىزمەتكەرلەردىڭ, اۆاريالىق-قۇتقارۋ قىزمەتتەرى مەن قۇرالىمدارىنىڭ ءىس-ارەكەتىن كوزدەيتىن, ۇيىمنىڭ باسشىسىمەن بەكىتىلەتىن جانە كاسىبي اۆاريالىق-قۇتقارۋ قىزمەتتەرىمەن جانە قۇرالىمدارىمەن كەلىسىلەتىن قۇجات;
2) «دابىل» بەلگىسى – كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ جەدەل بولىمشەلەرىن قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارداعى اۆاريالاردى جويۋعا جانە اۆاريالىق-قۇتقارۋ جۇمىستارىن جۇرگىزۋگە دايىندىققا تارتۋ ءۇشىن دابىلدامالار نەمەسە باسقا دا سيگنال بەرۋ قۇرالدارى ارقىلى بەرىلەتىن قۇلاقتاندىرۋدىڭ بىرىڭعاي سيگنالى;
3) كاسىبي اۆاريالىق-قۇتقارۋ قىزمەتى – قۇتقارۋشىلارى شتات نەگىزىندە جۇمىس ىستەيتىن جانە بىلىكتىلىك تالاپتارىنا سايكەس كەلەتىن قۇرالىمنان نەمەسە قۇرالىمداردان تۇراتىن اۆاريالىق-قۇتقارۋ قىزمەتى.
2. كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ ءتارتىبى
4. كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋى جاسالعان شارت نەگىزىندە جۇرگىزىلەدى.
5. قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدار كاسىبي اۆاريالىق-قۇتقارۋ قىزمەتى مەن قۇرالىمىنا, جىلىنا ءبىر رەت, الدىڭعى جىلدىڭ 1 جەلتوقسانىنان كەشىكتىرمەي اۆاريالاردى جويۋ جوسپارىن (بۇدان ءارى – اجج) كەلىسۋگە ۇسىنادى.
6. كاسىبي اۆاريالىق-قۇتقارۋ قىزمەتى مەن قۇرالىمى ۇسىنىلعان اجج-نى العان كۇنىنەن باستاپ كۇنتىزبەلىك ون كۇن ىشىندە قارايدى.
7. اجج قازاقستان رەسپۋبليكاسىنىڭ ازاماتتىق قورعاۋ سالاسىنداعى زاڭناماسىندا بەلگىلەنگەن تالاپتارعا سايكەس كەلمەگەن جاعدايدا, كاسىبي اۆاريالىق-قۇتقارۋ قىزمەتى مەن قۇرالىمى وسى قاعيدالاردىڭ 6-تارماعىندا بەلگىلەنگەن مەرزىمنەن كەشىكتىرمەي, اجج كەلىسۋدەن باس تارتۋ تۋرالى جازباشا اقپاراتتى قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمداردىڭ باسشىلىعىنا جىبەرەدى.
8. شارتتا اجج ورىنداۋ ءتارتىبى, اۆاريالىق-قۇتقارۋ بولىمشەلەرىنىڭ ساندىق قۇرامى كوزدەلەدى.
9. قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ كەزىندە كاسىبي اۆاريالىق-قۇتقارۋ قىزمەتتەرى مەن قۇرالىمدارى:
1) كاسىبي اۆاريالىق-قۇتقارۋ قىزمەتتەرى مەن قۇرالىمدارىنىڭ جەدەل بولىمشەلەرىنىڭ «دابىل» بەلگىسى بويىنشا اۆاريالاردى جويۋعا جانە اۆاريالىق-قۇتقارۋ جۇمىستارىن جۇرگىزۋگە شىعۋعا تاۋلىك بويى تۇراقتى ازىرلىگىن;
2) جەكە قۇرامنىڭ كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسى باسشىسىنا مۇلتىكسىز باعىنا وتىرىپ اۆاريالىق-قۇتقارۋ جۇمىستارىن ورىنداۋىن;
3) اۆاريانى جويۋ قاۋىپتى وندىرىستىك وبەكتىنىڭ تەحنيكالىق باسشىسى اتالعان جۇمىستاردى توقتاتا تۇرۋ نەمەسە توقتاتۋ تۋرالى شەشىم قابىلداعان جاعدايدى قوسپاعاندا, اۆاريالىق-قۇتقارۋ جۇمىستارى تولىق اياقتالعانىنا دەيىن ولاردى جۇرگىزۋ مىندەتتىلىگىن قامتاماسىز ەتەدى.
10. قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋدى كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەلەرى جۇزەگە اسىرادى, ولار:
1) كاسىبي اۆاريالىق-قۇتقارۋ بولىمشەسىنەن;
2) كاسىبي اۆاريالىق-قۇتقارۋ ۆزۆودىنان;
3) كاسىبي اۆاريالىق-قۇتقارۋ جاساعىنان تۇرادى.
11. كاسىبي اۆاريالىق-قۇتقارۋ بولىمشەسى, بولىمشە كومانديرى مەن جەدەل كولىك جۇرگىزۋشىسىن قوسقاندا, سانى سەگىزدەن ونعا دەيىن ادام بولاتىن قۇتقارۋشىلاردان تۇرادى.
12. كاسىبي اۆاريالىق-قۇتقارۋ ۆزۆودى ءۇش جانە ودان دا كوپ اۆاريالىق-قۇتقارۋ بولىمشەلەرىنەن قۇرىلادى.
13. كاسىبي اۆاريالىق-قۇتقارۋ جاساعى ەكى جانە ودان دا كوپ ۆزۆودتاردان قۇرىلادى.
14. كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەلەرى ازاماتتىق قورعانىس سالاسىنداعى ۋاكىلەتتى ورگانمەن بەكىتىلگەن كاسىبي اۆاريالىق-قۇتقارۋ قىزمەتتەرىن جاراقتاندىرۋ جانە كينولوگيالىق قىزمەتتەردى قامتاماسىز ەتۋ نورمالارىنا سايكەس اپپاراتۋرامەن, جابدىقتارمەن, شتاتتىق ماتەريالدار قورىمەن جانە اۆتوكولىكپەن قامتاماسىز ەتىلەدى.
15. قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمدارعا قىزمەت كورسەتۋ كەزىندە كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەلەرى جۇمىستاردىڭ مىناداي نەگىزگى تۇرلەرىن اتقارادى:
1) اۆاريالىق-قۇتقارۋ جۇمىستارى;
2) الدىن الۋ جۇمىستارى;
3) تەحنيكالىق جۇمىستار.
16. اۆاريالىق-قۇتقارۋ جۇمىستارى قاۋىپتى وندىرىستىك وبەكتىلەردە تەحنوگەندى جانە تابيعي سيپاتتاعى توتەنشە جاعدايلار ورىن العان كەزدە اۆاريا ايماعىنداعى ادامداردى ىزدەۋ جانە قۇتقارۋ, ولارعا شۇعىل مەديتسينالىق جانە پسيحولوگيالىق كومەك كورسەتۋ, قاۋىپتى فاكتورلاردىڭ اسەرىن وقشاۋلاۋ جانە باسۋ نەمەسە ەڭ تومەنگى مۇمكىن بولاتىن دەڭگەيگە دەيىن جەتكىزۋ ماقساتىندا جۇرگىزىلەدى.
17. قاۋىپتى وندىرىستىك وبەكتىدەگى اۆاريانى جويۋ كەزىندە اۆاريالىق-قۇتقارۋ جۇمىستارىن قاۋىپتى وندىرىستىك وبەكتىنىڭ تەحنيكالىق باسشىسى باسقارادى.
18. قاۋىپتى وندىرىستىك وبەكتىنىڭ تەحنيكالىق باسشىسى اۆاريانى جويۋعا بايلانىستى بۇيرىقتارىن تەك كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسىنىڭ باسشىسى ارقىلى بەرەدى.
19. اۆاريانى جويۋ قاۋىپتى وندىرىستىك وبەكتىنىڭ تەحنيكالىق باسشىسىنىڭ ادامداردى قۇتقارۋ مەن اۆاريانى جويۋعا باعىتتالعان شەشىمدەرىن ورىنداۋ كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسىنىڭ باسشىسىنا, اۆاريا ايماعىنداعى ۇيىمدار مەن ازاماتتارعا مىندەتتى بولىپ سانالادى.
20. كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسىنىڭ باسشىسى اۆاريالىق-قۇتقارۋ جۇمىستارىن جۇرگىزۋگە قاجەتتى تولىق جانە ناقتى اقپارات الادى.
21. اۆاريالىق-قۇتقارۋ جانە شۇعىل جۇمىستاردى جۇرگىزۋگە مۇمكىندىك بولماعان جاعدايدا, قاۋىپتى وندىرىستىك وبەكتىنىڭ تەحنيكالىق باسشىسى ءبىرىنشى كەزەكتەگى تارتىپپەن توتەنشە جاعدايلار ايماعىنداعى ادامداردى قۇتقارۋ جونىندە بارلىق شارالاردى قابىلداي وتىرىپ, اتالعان جۇمىستاردى تولىق نەمەسە ءىشىنارا توقتاتا تۇرۋ تۋرالى شەشىم قابىلدايدى.
22. كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسىنىڭ باسشىسى اۆاريالىق-قۇتقارۋ جۇمىستارىنىڭ دۇرىس جانە قاۋىپسىز جۇرگىزىلۋىنە جاۋاپ بەرەدى.
23. «دابىل» بەلگىسى بويىنشا اۆارياعا شىعۋ ءتارتىبى, اۆاريانى جويۋعا قاتىسۋشى جەدەل بولىمشەلەر سانى جانە اۆاريالىق-قۇتقارۋ جۇمىستارىن اتقارۋعا قاجەتتى قۇرال-جابدىقتار ءتىزىمى قىزمەت كورسەتىلەتىن قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمنىڭ اجج-نا سايكەس انىقتالادى.
24. كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسى جۇرگىزەتىن الدىن الۋ جۇمىستار قىزمەت كورسەتىلەتىن قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمداردىڭ ادامداردى قۇتقارۋ مەن تابيعي جانە تەحنوگەندى سيپاتتاعى اۆاريالاردى جويۋعا دايىندىعىن, ورتكە قارسى قورعانىستارىن, قوسىمشا شىعۋ جولدارىنىڭ بولۋىن, اجج-نىڭ قىزمەت كورسەتىلەتىن قاۋىپتى وندىرىستىك وبەكتىلەردىڭ ءىس جۇزىندەگى جاعدايىنا سايكەستىگىن انىقتاۋعا باعىتتالعان.
25. پروفيلاكتيكالىق جۇمىستاردى جۇرگىزۋ كەزىندە قازاقستان رەسپۋبليكاسىنىڭ ونەركاسىپتىك قاۋىپسىزدىك سالاسىنداعى زاڭناماسى تالاپتارىنىڭ بۇزىلعانى, ونىڭ ىشىندە ورتكە قارسى قورعانىستىڭ, اجج قىزمەت كورسەتىلەتىن قاۋىپتى وندىرىستىك وبەكتىلەردىڭ ءىس جۇزىندەگى جاعدايىنان ايىرماشىلىق انىقتالعان جاعدايدا كاسىبي اۆاريالىق-قۇتقارۋ قىزمەتى مەن قۇرالىمىنىڭ جەدەل بولىمشەسىنىڭ باسشىسى قاۋىپتى وندىرىستىك وبەكتىلەردى يەلەنەتىن جانە (نەمەسە) پايدالاناتىن ۇيىمنىڭ باسشىلىعىنا انىقتالعان كەمشىلىكتەردى جويۋ قاجەتتىگى تۋرالى جازباشا تۇردە حابارلايدى جانە كەمشىلىكتەر انىقتالعان كۇننەن باستاپ ءۇش جۇمىس كۇنى ىشىندە انىقتالعان كەمشىلىكتەر تۋرالى ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ اۋماقتىق بولىمشەسىنە جازباشا تۇردە باياندايدى.
26. تەحنيكالىق جۇمىستار جوندەۋ-قالپىنا كەلتىرۋ جۇمىستارىنىڭ ءبىر ءتۇرى بولىپ تابىلادى جانە قاۋىپتى وندىرىستىك وبەكتىنىڭ قاۋىپسىز جانە توقتاۋسىز جۇمىس ىستەۋىن قامتاماسىز ەتۋدى كوزدەيدى.
27. تەحنيكالىق جۇمىستار اۆاريالاردى جويۋ جانە وقشاۋلاۋ, ولاردىڭ زارداپتارىن جويۋمەن بايلانىستى ەمەس جانە كاسىبي اۆاريالىق-قۇتقارۋ قىزمەتتەرى مەن قۇرالىمدارىمەن, ارنايى قورعانىس قۇرالدارىن قولدانىپ جانە (نەمەسە) ولاردى قولدانباي, قاۋىپتى وندىرىستىك وبەكتىلەر اۋماعىندا, سونداي-اق ونىڭ شەگىنەن تىس, ونىڭ ىشىندە كولىكتە جۇرگىزىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 13 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10252 بولىپ ەنگىزىلدى.