ءىىم وتاندىق ۇيالى بايلانىس وپەراتورلارىمەن بىرلەسىپ, ەل اۋماعىندا الاياقتىق قىزمەتتىڭ جولىن كەسۋ جۇمىسىن جالعاستىرىپ كەلەدى, دەپ حابارلايدى Egemen.kz Polisia.kz-كە سىلتەمە جاساپ.
ادامداردى الداۋ ءۇشىن قىلمىسكەرلەردىڭ بەلگىلى ءبىر ەلدە بولۋى مىندەتتى ەمەس. Sim-box قۇرىلعىلارىنىڭ بولۋى جەتكىلىكتى, ولار – جەرگىلىكتى ۇيالى بايلانىس وپەراتورلارىنىڭ ينتەرنەت–ترافيگىن قولدانا وتىرىپ, جالعان نومىرلەرمەن بايلانىس ورناتۋعا مۇمكىندىك بەرەدى.
جاڭا جىل قارساڭىندا ءىىم كيبەرقىلمىسقا قارسى ءىس-قيمىل دەپارتامەنتىنىڭ ۇيلەستىرۋىمەن الماتى پد پوليتسيا قىزمەتكەرلەرى جالدامالى پاتەردە sim-box قۇرىلعىسىنىڭ ۇزدىكسىز جۇمىسىن قامتاماسىز ەتكەن 25 جاستاعى ەكى جىگىتتى ۇستادى.
پاتەردى ءتىنتۋ كەزىندە ارقايسىسى 32 سلوتتىق ءتورت sim-box قۇرىلعىسىن جانە وتاندىق ۇيالى بايلانىس وپەراتورلارىنىڭ 190 sim-كارتاسىن, بىرنەشە تەلەفوندى, نوۋتبۋكتاردى تاركىلەدى.
تەرگەۋ امالدارى جۇرگىزىلىپ جاتىر. ۇستالعاندارعا قاتىستى «قاماۋدا ۇستاۋ» بۇلتارتپاۋ شاراسى تاڭدالدى.