2014 جىلعى 14 قازان, استانا قالاسى
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى
«قازاقستان رەسپۋبليكاسى ورتالىق اتقارۋشى ورگاندارىنىڭ ۆەدومستۆولارى تۋرالى» 2014 جىلعى 14 تامىزداعى №933 جانە «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كەيبىر ماسەلەلەرى» 2014 جىلعى 19 قىركۇيەكتەگى № 995 قازاقستان رەسپۋبليكاسى ۇكىمەتىنىڭ قاۋلىلارىنا سايكەس بۇيىرامىن:
1. قوسا بەرىلىپ وتىرعان «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى» مەملەكەتتىك مەكەمەسىنىڭ ەرەجەسى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك.سەيداحمەتوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن, بۇقارالىق اقپارات قۇرالدارىندا رەسمي جاريالانۋىن, ونىڭ ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
3) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن 5 جۇمىس كۇنى ىشىندە مەملەكەتتىك تىركەۋ تۋرالى جانە بۇقارالىق اقپارات قۇرالدارىندا جاريالاۋعا جىبەرۋ تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-ءمينيسترى ج.م. قاسىمبەككە جۇكتەلسىن.
4. وسى بۇيرىق العاشقى رەسمي جاريالانعان كۇننەن باستاپ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە
دامۋ ءمينيسترىنىڭ مىندەتىن اتقارۋشى ج.قاسىمبەك.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2014 جىلعى 14 قازانداعى №63 بۇيرىعىمەن بەكىتىلگەن
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى» مەملەكەتتىك مەكەمەسىنىڭ ەرەجەسى
1. جالپى ەرەجەلەر
1. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (بۇدان ءارى – كوميتەت) رەتتەۋشى, ىسكە اسىرىلۋشىلىق جانە باقىلاۋ فۋنكتسيالارىن جۇزەگە اسىراتىن, سونداي-اق ازاماتتىق اۆياتسيا سالاسىنداعى مينيسترلىكتىڭ ستراتەگيالىق فۋنكتسيالارىن ورىنداۋعا قاتىساتىن قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ (بۇدان ءارى – مينيسترلىك) ۆەدومستۆوسى بولىپ تابىلادى. كوميتەتتىڭ الماتى قالاسىندا اۋماقتىق ورگانى بار.
2. كوميتەت ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, زاڭدارىن, قازاقستان رەسپۋبليكاسىنىڭ پرەزيدەنتى مەن ۇكىمەتىنىڭ اكتىلەرىن, وزگە دە نورماتيۆتىك قۇقىقتىق اكتىلەردى, سونداي-اق وسى ەرەجەنى باسشىلىققا الادى.
3. كوميتەت مەملەكەتتىك مەكەمەنىڭ ۇيىمدىق-قۇقىقتىق نىسانىنداعى زاڭدى تۇلعا بولىپ تابىلادى, مەملەكەتتىك تىلدەگى ءوز اتاۋىمەن مورلەرى مەن ءمورتابانى, بەلگىلەنگەن ۇلگىدەگى بلانكىلەرى, سونداي-اق قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسى قارجى مينيسترلىگىنىڭ قازىناشىلىق كوميتەتى ورگاندارىندا جانە بانكتەردە شوتتارى بار.
4. كوميتەت ءوز اتىنان ازاماتتىق-قۇقىقتىق قاتىناستارعا تۇسەدى.
5. كوميتەت ءوز قۇزىرەتىندەگى ماسەلەلەر بويىنشا زاڭنامادا بەلگىلەنگەن تارتىپپەن بۇيرىقتاردا رەسىمدەلەتىن شەشىمدەر قابىلدايدى.
6. كوميتەتتىڭ قۇرىلىمىن, شتاتتىق سانىن مينيسترلىكتىڭ جاۋاپتى حاتشىسى قازاقستان رەسپۋبليكاسى ينۆەستيتسيالار جانە دامۋ مينيسترىمەن كەلىسكەننەن كەيىن بەكىتەدى.
7. كوميتەتتىڭ تولىق اتاۋى – «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى» رەسپۋبليكالىق مەملەكەتتىك مەكەمەسى.
8. كوميتەتتىڭ ورنالاسقان ورنى: قازاقستان رەسپۋبليكاسى, 010000, استانا قالاسى, ەسىل اۋدانى, قابانباي باتىر داڭعىلى, 32/1, «Transport tower» عيماراتى.
9. وسى ەرەجە كوميتەتتىڭ قۇرىلتايشى قۇجاتى بولىپ تابىلادى.
10. كوميتەتتىڭ قىزمەتىن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى.
11. كوميتەتكە كاسىپكەرلىك سۋبەكتىلەرىمەن كوميتەتتىڭ فۋنكتسيالارى بولىپ تابىلاتىن مىندەتتەردى ورىنداۋ مانىنە شارتتىق قاتىناستارعا تۇسپەيدى.
كوميتەتكە زاڭنامالىق اكتىلەرمەن وعان تابىس اكەلەتىن قىزمەتتى جۇزەگە اسىرۋ بويىنشا قۇقىقتار بەرىلگەن جاعدايدا, وندا وسىنداي قىزمەتتەن تۇسكەن تابىس رەسپۋبليكالىق بيۋدجەتتىڭ كىرىسىنە جىبەرىلەدى.
2. نەگىزگى مىندەتتەرى, فۋنكتسيالارى, قۇقىقتارى مەن مىندەتتەمەلەرى
12. كوميتەتتىڭ نەگىزگى مىندەتتەرى مىنالار بولىپ تابىلادى:
1) اۋە كەڭىستىگىن پايدالانۋ جانە ازاماتتىق جانە ەكسپەريمەنتتىك اۆياتسيا قىزمەتى سالاسىندا مەملەكەتتىك ساياساتتىڭ نەگىزگى باعىتتارىن ىسكە اسىرۋ;
2) قازاقستان رەسپۋبليكاسىنىڭ اۋە كەڭىستىگىن پايدالانۋ جانە ازاماتتىق جانە ەكسپەريمەنتتىك اۆياتسيا قىزمەتىن مەملەكەتتىك رەتتەۋ جانە مەملەكەتتىك باقىلاۋ جانە قاداعالاۋ;
3) قازاقستان رەسپۋبليكاسىنىڭ اۋە كەڭىستىگىن ونى پايدالانۋشىلاردىڭ قاۋىپسىز پايدالانۋىن قامتاماسىز ەتۋ, ادامداردىڭ ءومىرى نەمەسە دەنساۋلىعىنا, قورشاعان ورتاعا, مەملەكەت مۇددەلەرىنە قاۋىپ توندىرمەي ۇشۋدى ورىنداۋ;
4) اۋە كەڭىستىگىن پايدالانۋ جانە ۇشۋدى ورىنداۋمەن بايلانىستى قىزمەتتى جۇزەگە اسىرۋدىڭ جالپى پرينتسيپتەرىن بەلگىلەۋ;
5) قازاقستان رەسپۋبليكاسىنىڭ ەكونوميكا جانە ازاماتتاردىڭ اۆياتسيالىق قىزمەتتەرگە قاجەتتىلىكتەرىن قاناعاتتاندىرۋ.
13. كوميتەت قازاقستان رەسپۋبليكاسىنىڭ زاڭناماسىنا سايكەس مينيسترلىك وعان جۇكتەگەن مىناداي فۋنكتسيالاردى جۇزەگە اسىرادى:
1) ازاماتتىق اۆياتسيا ۇيىمدارىنىڭ اۆياتسيالىق پەرسونالدىڭ كاسىبي دايىندىعى مەن دەنساۋلىق جاعدايى ماسەلەلەرى بويىنشا بەلگىلەنگەن تالاپتار مەن نورمالاردى قامتاماسىز ەتۋىن باقىلاۋدى جانە قاداعالاۋدى جۇزەگە اسىرۋ;
2) ازاماتتىق اۆياتسيا ۇيىمدارىنىڭ ازاماتتىق اۋە كەمەلەرىنىڭ ۇشۋعا جارامدىلىق نورمالارىن قامتاماسىز ەتۋىن باقىلاۋدى جانە قاداعالاۋدى جۇزەگە اسىرۋ;
3) حالىقارالىق اۋە تاسىمالدارىن باقىلاۋدى جانە قاداعالاۋدى جۇزەگە اسىرۋ;
4) اۆياتسيالىق قاۋىپسىزدىكتىڭ قامتاماسىز ەتىلۋىن باقىلاۋدى جانە قاداعالاۋدى جۇزەگە اسىرۋ;
5) سەرتيفيكاتتاۋدى جانە ۇلگىلىك سەرتيفيكاتىن بەرۋدى جۇزەگە اسىرۋ;
6) حالىقارالىق رەيستەردى قامتاماسىز ەتۋگە رۇقسات ەتىلمەگەن اۋەجايلاردان (اۋەجايلارعا) حالىقارالىق ۇشۋدى ورىندايتىن ازاماتتىق اۋە كەمەلەرىن قابىلداۋعا, ۇشۋعا شىعارۋعا جانە ولارعا قىزمەت كورسەتۋگە ۋاقىتشا رۇقساتتارىن بەرۋ;
7) ۇشۋ قاۋىپسىزدىگىنە قاتەر توندىرەتىن كەمشىلىكتەر انىقتالعان جاعدايدا ۇلگى سەرتيفيكاتىنىڭ قولدانىسىن توقتاتا تۇرۋ;
8) ازاماتتىق اۆياتسيا سالاسىنداعى ۇشۋ قاۋىپسىزدىگى مەن اۆياتسيالىق قاۋىپسىزدىك تالاپتارىن بۇزۋشىلىقتى ەسەپكە الۋدىڭ جۇرگىزىلۋىن جۇزەگە اسىرۋ;
9) اۋەايلاقتى (تىكۇشاق ايلاعىن) سەرتيفيكاتتاۋدى جانە ونىڭ جارامدىلىعى سەرتيفيكاتىن بەرۋدى جۇزەگە اسىرۋ;
10) سەريالىق وندىرىسكە ارنالعان جاڭا كونسترۋكتسيالىق (جاڭا ۇلگىدەگى) ازاماتتىق اۋە كەمەسى زاۋىتتىق, مەملەكەتتىك جانە پايدالانۋ سىناقتارىنان وتكەننەن كەيىن وعان ۇلگى سەرتيفيكاتىن بەرۋ;
11) قازاقستان رەسپۋبليكاسىنىڭ اۋە كەڭىستىگىندە شەتەل مەملەكەتتەرىنىڭ اۋە كەمەلەرىنىڭ حالىقارالىق تۇراقتى ەمەس ء(بىر جولعى) ۇشۋىنا رۇقسات بەرۋ;
12) ازاماتتىق اۆياتسيا سالاسىندا اۋە قوزعالىسىنا قىزمەت كورسەتىلۋىن, ۇشۋدىڭ راديوتەحنيكالىق جانە مەتەورولوگيالىق قامتاماسىز ەتىلۋىن باقىلاۋدى جانە قاداعالاۋدى, سونداي-اق كورسەتىلەتىن قىزمەت پەن ونىڭ ساپاسىن تەكسەرۋدى جۇزەگە اسىرۋ;
13) اۆياتسيالىق پەرسونالعا جاتاتىن تۇلعاعا ونىڭ قاجەتتى ءبىلىمى مەن داعدىلارى بار ەكەنىن, سونداي-اق دەنساۋلىعىنىڭ بەلگىلەنگەن تالاپتارعا ساي كەلەتىنىن راستايتىن كاسىپتىك قىزمەتتى جۇزەگە اسىرۋعا قۇقىق بەرەتىن اۆياتسيالىق پەرسونال كۋالىگىن بەرۋ, كۋالىكتىڭ قولدانىس مەرزىمىن ۇزارتۋ, قايتارىپ الۋ, مۇنداي كۋالىكتىڭ قولدانىسىن توقتاتا تۇرۋ, كۋالىككە بىلىكتىلىك جانە ارنايى بەلگىلەر ەنگىزۋ;
14) قازاقستان رەسپۋبليكاسىنىڭ جەكە جانە زاڭدى تۇلعالارىنا ازاماتتىق اۋە كەمەلەرىن پايدالانۋشى سەرتيفيكاتىن بەرۋ;
15) ىشكى اۋە تراسسالارى, جەرگىلىكتى اۋە جەلىلەرى, ۇشۋ مارشرۋتتارى بويىنشا جانە اۋە تراسسالارىنان تىس حالىقارالىق ۇشۋدى ورىنداۋعا كەلىسۋ;
16) اۆياتسيالىق جۇمىستاردى ورىنداۋ قۇقىعىنا ارنالعان كۋالىكتى بەرۋ;
17) ۇشۋعا جارامدىلىعىنىڭ قولدانىستاعى سەرتيفيكاتى جوق اۋە كەمەسىنە ۇشۋ سىناقتارىن جۇرگىزۋ نەمەسە ونىڭ تەحنيكالىق قىزمەت كورسەتىلەتىن جانە جوندەۋ جۇرگىزىلەتىن جەرگە ۇشىپ بارۋى ءۇشىن ارنايى ۇشۋدى ورىنداۋعا رۇقسات بەرۋ;
18) حالىقارالىق جانە سۋبسيديالاناتىن اۆيامارشرۋتتارعا كۋالىكتەر بەرۋ;
19) قازاقستان رەسپۋبليكاسى ازاماتتىق اۋە كەمەلەرىنىڭ مەملەكەتتىك تىزىلىمىندە قازاقستان رەسپۋبليكاسىنىڭ جەكە نەمەسە زاڭدى تۇلعالارىنىڭ مەنشىگىندەگى ازاماتتىق اۋە كەمەلەرىنە قۇقىقتاردى جانە اتالعان اۋە كەمەلەرىمەن جاسالاتىن مامىلەلەردى, سونداي-اق قايتارىلمايتىن وكىلەتتىكتەردى مەملەكەتتىك تىركەۋدى جۇزەگە اسىرۋ;
20) اسا جەڭىل اۆياتسيا اۋە كەمەلەرىنىڭ ۇشۋ جارامدىلىعىنا سەرتيفيكاتتاۋدى جۇزەگە اسىرۋ;
21) ازاماتتىق اۆياتسيا سالاسىنداعى ۋاكىلەتتى ورگان بەرگەن قولدانىستاعى سەرتيفيكاتتارعا وزگەرىستەر مەن تولىقتىرۋلار ەنگىزۋ, يەلەنۋشىلەر سەرتيفيكاتتاۋ تالاپتارىن ساقتاماعان جاعدايدا سەرتيفيكاتتار بەرۋدەن باس تارتۋ, قايتارىپ الۋ, ولاردىڭ قولدانىسىن توقتاتا تۇرۋ;
22) شەتەل مەملەكەتى قازاقستان رەسپۋبليكاسىنىڭ ازاماتىنا بەرگەن اۆياتسيا پەرسونالىنىڭ كۋالىگىن نە ءتيىستى كۋالىكتى بەرە وتىرىپ, جۇمىسقا جالدانۋ ءۇشىن قازاقستان رەسپۋبليكاسىنا كەلگەن شەتەل ازاماتىنىڭ اۆياتسيا پەرسونالىنىڭ كۋالىگىن تانۋ;
23) ازاماتتىق اۋە كەمەسىن سەرتيفيكاتتاۋدى جانە وعان دانا سەرتيفيكاتىن بەرۋدى جۇزەگە اسىرۋ;
24) سەرتيفيكاتتاۋدى جانە ازاماتتىق اۋە كەمەسىنىڭ ۇشۋ جارامدىلىعى سەرتيفيكاتىن بەرۋدى جۇزەگە اسىرۋ;
25) ازاماتتىق اۋە كەمەلەرىمەن اۋە كەڭىستىگىن پايدالانۋ ءتارتىبىن بۇزۋشىلىقتىڭ جولىن كەسۋ;
26) قازاقستان رەسپۋبليكاسىنىڭ اۋەايلاقتارىندا قونباي نە قونا وتىرىپ, قازاقستان رەسپۋبليكاسىنىڭ اۋماعى ارقىلى كوممەرتسيالىق ەمەس ماقساتتاردا حالىقارالىق تۇراقتى ۇشۋدى ورىنداۋعا رۇقسات ەتۋ;
27) ەگەر اۋەايلاقتاردىڭ (تىكۇشاق ايلاقتارىنىڭ) پايدالانۋعا جارامدىلىعى نورمالارىنان ۋاقىتشا اۋىتقۋ بەلگىلەنگەن ۇشۋ قاۋىپسىزدىگى دەڭگەيىنە بالامالى دەڭگەيى قامتاماسىز ەتەتىن قوسىمشا شارالار ەنگىزۋمەن وتەلسە, مۇنداي اۋىتقۋلارعا كەلىسۋ;
28) اۆياتسيا پەرسونالىنا جاتاتىن تۇلعالاردىڭ «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ زاڭىنا سايكەس بەلگىلەنگەن تالاپتار مەن نورمالاردى ساقتاۋىن باقىلاۋدى جانە قاداعالاۋدى جۇزەگە اسىرۋ;
29) شەتەل مەملەكەتى بەرگەن اۋە كەمەسىنىڭ ۇشۋ جارامدىلىعى سەرتيفيكاتىن تانۋ;
30) شەت مەملەكەتتەردىڭ اسكەري قۇرىلىمدارىن, قارۋ-جاراعىن جانە اسكەري تەحنيكاسىن, سونداي-اق قوسارلى ماقساتتا پايدالانىلاتىن ونىمدەردى تاسىمالداۋ ءۇشىن ازاماتتىق اۋە كەمەسىن پايدالانۋشىنىڭ حالىقارالىق ۇشۋىنا كەلىسۋ;
31) قازاقستان رەسپۋبليكاسىنا (قازاقستان رەسپۋبليكاسىنان) تۇراقتى جولاۋشىلار رەيستەرىن ورىنداۋدى جوسپارلايتىن شەتەلدىك تاسىمالداۋشىلاردى تىركەۋدى جۇزەگە اسىرۋ;
32) جەكە جانە زاڭدى تۇلعالاردىڭ قازاقستان رەسپۋبليكاسىنىڭ اۋە كەڭىستىگىن جانە اۆياتسيا قىزمەتى تۋرالى قازاقستان رەسپۋبليكاسىنىڭ زاڭناماسىن جانە (نەمەسە) حالىقارالىق ستاندارتتاردى ساقتاۋىن مەملەكەتتىك باقىلاۋ مەن قاداعالاۋدى جۇزەگە اسىرۋ;
33) اۋە كەمەسى, ونىڭ قۇرامداۋىشتارى, قوسالقى بولشەكتەرى مەن قوسىمشا اسپاپتارى جاي-كۇيىنىڭ پايدالانۋشىعا بەرىلگەن ۇشۋعا جارامدىلىعى سەرتيفيكاتىنىڭ تالاپتارىنا جانە ۇشۋعا جارامدىلىعىن ايقىندايتىن پايدالانۋ-تەحنيكالىق قۇجاتتامانىڭ تالاپتارىنا سايكەستىگىن باقىلاۋدى جانە قاداعالاۋدى جۇزەگە اسىرۋ;
34) سەرتيفيكاتتالعان ەڭ جوعارى ۇشۋ ماسساسى بەس مىڭ جەتى ءجۇز كيلوگرامنان اساتىن ۇشاقتاردى جانە (نەمەسە) ءبىر نەمەسە بىرنەشە تۋربورەاكتيۆتى (تۋربوبۇراندالى) قوزعالتقىشپەن جاراقتاندىرىلعان ۇشاقتاردى پايدالاناتىن جالپى ماقساتتاعى اۆياتسيانى پايدالانۋشىلارعا ۇشۋدى ورىنداۋ قۇقىعىنا كۋالىك بەرۋ;
35) باسقا مەملەكەتتىك ورگانداردىڭ قۇزىرەتىنە سايكەس ولارمەن بىرلەسىپ, قازاقستان رەسپۋبليكاسىنىڭ ازاماتتىق اۆياتسياسىن زاڭسىز ارالاسۋ اكتىلەرىنەن قورعاۋدى قامتاماسىز ەتەتىن زاڭداردىڭ, قاعيدالار مەن راسىمدەردىڭ ساقتالۋىن باقىلاۋدى جانە قاداعالاۋدى جۇزەگە اسىرۋ;
36) اۆياتسيالىق تەحنيكا مەن وعان جەردە قىزمەت كورسەتۋ قۇرالدارىنىڭ ۇشۋ جانە تەحنيكالىق پايدالانۋ تالاپتارىنا سايكەستىگىن باقىلاۋدى جانە قاداعالاۋدى جۇزەگە اسىرۋ;
37) اۋەايلاق (تىكۇشاق ايلاق) وبەكتىلەرىنىڭ, قونۋ الاڭقايلارىنىڭ كۇتىپ-ۇستالۋىن جانە «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى زاڭىنىڭ 65-بابىنىڭ 1-تارماعىنىڭ 1), 2), 3), 4), 5), 6), 7) 9) جانە 10) تارماقشالارىندا كوزدەلگەن اۋەجاي قىزمەتىنىڭ ساپاسىن باقىلاۋدى جانە قاداعالاۋدى جۇزەگە اسىرۋ;
38) ازاماتتىق اۆياتسيا اۋەايلاعى اۋدانىندا وبەكتىلەردى تاڭبالاۋدىڭ جۇزەگە اسىرىلۋىن باقىلاۋدى جۇزەگە اسىرۋ;
39) ازاماتتىق اۋە كەمەسى داناسى كونسترۋكتسياسىنىڭ, سيپاتتامالارىنىڭ جانە پايدالانۋ-تەحنيكالىق قۇجاتتاماسىنىڭ ۇشۋعا جارامدىلىق نورمالارىنا سايكەستىگى كۋالىگىن بەرۋ;
40) ازاماتتىق اۋە كەمەلەرىنىڭ ۇشۋ قاۋىپسىزدىگىنە قاتەر ءتوندىرۋى مۇمكىن قىزمەتتى باقىلاۋدى جانە قاداعالاۋدى جۇزەگە اسىرۋ;
41) ازاماتتىق اۋە كەمەسىن مەملەكەتتىك تىركەۋ تۋرالى كۋالىك بەرۋ;
42) اۋە كەمەسىنىڭ ۇشۋعا جارامدىلىعىنىڭ ەكسپورتتىق سەرتيفيكاتىن بەرۋ;
43) قازاقستان رەسپۋبليكاسى ازاماتتىق اۋە كەمەلەرىنىڭ مەملەكەتتىك تىزىلىمىندە تىركەلگەن اۋە كەمەسىنە تەحنيكالىق قىزمەت كورسەتۋ باعدارلاماسىن (رەگلامەنتىن) بەكىتۋ;
44) ازاماتتىق اۋە كەمەلەرىندە ورناتىلعان راديومەن حابارلاۋ اپپاراتۋراسىن پايدالانۋعا رۇقسات بەرۋ;
45) ازاماتتىق اۆياتسيا اۋەايلاقتارىن (تىكۇشاق ايلاقتارىن), بىرلەسە پايدالانۋ جانە بىرلەسىپ ورنالاسۋ اۋەايلاقتارىن ەسەپكە الۋدى جۇزەگە اسىرۋ;
46) اۋەجايدىڭ اۆياتسيالىق قاۋىپسىزدىك قىزمەتىنىڭ قاراپ تەكسەرۋلەر ۇيىمداستىرۋ جونىندەگى سەرتيفيكاتىن بەرۋ;
47) اۆياتسيالىق وقۋ ورتالىعىنىڭ سەرتيفيكاتىن بەرۋ;
48) ازاماتتىق اۆياتسيانىڭ اۆياتسيالىق تەحنيكاسىنا تەحنيكالىق قىزمەت كورسەتۋ جانە جوندەۋ جونىندەگى ۇيىمنىڭ سەرتيفيكاتىن بەرۋ;
49) اۋەجايدىڭ جانە قازاقستان رەسپۋبليكاسىنىڭ ازاماتتىق اۋە كەمەلەرى مەن قازاقستان رەسپۋبليكاسىنىڭ اۋەجايلارىنا تۇراقتى ۇشۋدى ورىندايتىن شەت مەملەكەتتەردىڭ اۋە كەمەلەرىن پايدالانۋشىلاردىڭ اۆياتسيالىق قاۋىپسىزدىگى جونىندەگى باعدارلامالارىن كەلىسۋ;
50) ازاماتتىق جانە ەكسپەريمەنتتىك اۆياتسيانىڭ اۋە كەڭىستىگىن پايدالانۋ ءتارتىبىن بۇزۋشىلىقتاردى ەسەپكە الۋدى جۇرگىزۋ;
51) ازاماتتىق اۋە كەمەلەرىنىڭ ۇشۋ قاۋىپسىزدىگىنە قاتەر ءتوندىرۋى مۇمكىن قىزمەتتى جۇزەگە اسىرۋعا رۇقسات بەرۋ;
52) مۇددەلى مەملەكەتتىك ورگاندار اراسىندا اۆياتسيالىق قاۋىپسىزدىك سالاسىنداعى قىزمەتتى ۇيلەستىرۋدى جۇزەگە اسىرۋ, ازاماتتىق اۆياتسيا قىزمەتىنە زاڭسىز ارالاسۋ ارەكەتتەرىن تەكسەرۋدە مەملەكەتتىك ورگاندارعا جاردەمدەسۋ, ولاردىڭ الدىن الۋ جونىندەگى ءىس-شارالاردى ازىرلەۋ;
53) سەرتيفيكاتتاۋدى جانە اۋە قوزعالىسىنا قىزمەت كورسەتەتىن ورگاننىڭ جانە (نەمەسە) اەروناۆيگاتسيالىق ۇيىمنىڭ راديوتەحنيكالىق جابدىق پەن بايلانىستى پايدالانۋ قىزمەتىنىڭ سەرتيفيكاتىن بەرۋدى جۇزەگە اسىرۋ;
54) ازاماتتىق جانە ەكسپەريمەنتتىك اۆياتسيا سالاسىنداعى ۇشۋدىڭ ىزدەستىرۋ-قۇتقارۋشىلىق جانە اپاتتىق-قۇتقارۋمەن قامتاماسىز ەتىلۋىن باقىلاۋدى جۇزەگە اسىرۋ;
55) اۆياتسيالىق وقىتۋ ورتالىقتارى جانە ازاماتتىق اۆياتسيا ۇيىمدارى ازىرلەگەن اۆياتسيالىق پەرسونالدى كاسىپتىك دايارلاۋ باعدارلامالارىن كەلىسۋ;
56) مەملەكەتتىك اۆياتسيا سالاسىنداعى ۋاكىلەتتى ورگانمەن كەلىسىم بويىنشا قازاقستان رەسپۋبليكاسى ۇكىمەتىنىڭ 2011 جىلعى 12 مامىرداعى № 506 قاۋلىسىمەن بەكىتىلگەن قازاقستان رەسپۋبليكاسىنىڭ اۋە كەڭىستىگىن پايدالانۋ قاعيدالارىنا سايكەس استانانىڭ جانە استانالىق اۋەجايدىڭ ۇستىندەگى اۋە كەڭىستىگىن پايدالانۋ ءتارتىبىن بەلگىلەۋ;
57) جەكە جانە زاڭدى تۇلعالاردىڭ ۇشۋ قاۋىپسىزدىگىن قامتاماسىز ەتۋىن تۇراقتى قاداعالاۋدى جۇزەگە اسىرۋ;
58) قىزمەتى سەرتيفيكاتتالۋعا جاتپايتىن جەكە جانە (نەمەسە) زاڭدى تۇلعالاردىڭ ۇشۋ قاۋىپسىزدىگىنىڭ قامتاماسىز ەتىلۋىن باقىلاۋدى جۇزەگە اسىرۋ;
59) تۇراقتى قاداعالاۋدى قامتاماسىز ەتۋ جونىندەگى جىل سايىنعى باعدارلامانى قابىلداۋ;
60) حالىقارالىق ازاماتتىق اۆياتسيا ۇيىمى (يكاو) ستاندارتتارىنىڭ نەگىزىندە ازىرلەنگەن شەتەلدىك پايدالانۋشىلاردىڭ ازاماتتىق اۋە كەمەلەرىن پەرروندىق تەكسەرۋدىڭ تەكسەرۋ پاراقتارىنىڭ نىسانىن بەكىتۋ;
61) ازاماتتىق اۆياتسيانىڭ پايدالانۋشىلارى مەن ۇيىمدارىنىڭ قارجى-ەكونوميكالىق جاعدايى تۋرالى اقپاراتتىڭ نىسانىن بەكىتۋ;
62) شەتەلدىك پايدالانۋشىنىڭ ازاماتتىق اۋە كەمەسىن پەرروندىق جانە جوسپاردان تىس پەرروندىق تەكسەرۋدى جۇزەگە اسىرۋ;
63) قازاقستان رەسپۋبليكاسىنىڭ زاڭناماسىنا سايكەس وزگە دە وكىلەتتىكتەردى جۇزەگە اسىرۋ.
14. كوميتەتتىڭ قۇقىقتارى مەن مىندەتتەمەلەرى:
كوميتەت:
1) ازاماتتىق اۆياتسيا ۇيىمدارىنىڭ لاۋازىمدى ادامدارىنان جانە پايدالانۋشىلاردان اقپاراتتى, قۇجاتتاردى سۇراتۋعا, سونداي-اق ولاردى ۇسىنۋ مەرزىمدەرىن بەلگىلەي وتىرىپ, ءوز فۋنكتسيالارىن ورىنداۋ ءۇشىن قاجەتتى تۇسىندىرمەلەر مەن ماتەريالداردى تالاپ ەتۋگە;
2) اۋە كەڭىستىگىن پايدالانۋ, اۋە قوزعالىسىن جانە ازاماتتىق جانە ەكسپەريمەنتتىك اۆياتسيا قىزمەتىن ۇيىمداستىرۋ ماسەلەلەرىن رەتتەيتىن جاڭا جانە قولدانىستاعى نورماتيۆتىك قۇقىقتىق اكتىلەردى ازىرلەۋ جانە جەتىلدىرۋ بويىنشا ۇسىنىستار ەنگىزۋگە;
3) ازاماتتىق اۆياتسيانى دامىتۋ, ولاردى ىسكە اسىرۋدىڭ ۇيىمداستىرۋ جانە قارجىلىق مەحانيزمدەرى, ازاماتتىق اۆياتسيا سالاسىنىڭ دامۋىنا ينۆەستيتسيالار تارتۋ ءۇشىن جاعدايلار مەن باسىمدىقتار قالىپتاستىرۋ بويىنشا ۇسىنىستار ەنگىزۋگە;
4) كوميتەتتىڭ جانە ونىڭ اۋماقتىق ورگانىنىڭ مەملەكەتتىك باقىلاۋ مەن قاداعالاۋدى جۇزەگە اسىرۋعا ۋاكىلەتتى ازاماتتىق اۆياتسيا سالاسىنداعى ۋاكىلەتتى ورگاننىڭ ۇشۋعا رۇقساتى بار لاۋازىمدى تۇلعالارى ءوز قىزمەتتىك مىندەتتەرىن ورىنداعان كەزدە اۋە كەمەسىنىڭ كابيناسىندا, ونداي رۇقساتى جوق ادامدار - بوس ورىن بولعان كەزدە اۋە كەمەسىنىڭ پايدالانۋشىلارىمەن كەلىسىم بويىنشا اۋە كەمەسىنىڭ جولاۋشىلار سالونىندا بولۋعا قۇقىلى;
5) قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن وزگە دە قۇقىقتاردى جۇزەگە اسىرادى.
15. كوميتەتتىڭ مىندەتتەمەلەرىنە مىنالار جاتادى:
1) كوميتەتكە جۇكتەلگەن مىندەتتەر مەن فۋنكتسيالاردىڭ ىسكە اسىرىلۋىن قامتاماسىز ەتۋ;
2) قازاقستان رەسپۋبليكاسىنىڭ زاڭناماسىن, قۇقىقتارى مەن زاڭدا قورعالاتىن جەكە جنە زاڭدى تۇلعالاردىڭ مۇددەلەرىن ساقتاۋ;
3) كوميتەتتىڭ قۇزىرەتىنە كىرەتىن ماسەلەلەر بويىنشا تۇسىنىكتەمەلەر دايارلاۋ;
4) ءوز قۇزىرەتى شەگىندە جانە زاڭناما شەڭبەرىندە ول تۋرالى مينيسترلىكتىڭ قۇرىلىمدىق بولىمشەلەرى جانە مەملەكەتتىك ورگاندار رەسمي سۇراۋ سالعان جاعدايدا قاجەتتى ماتەريالدار مەن انىقتامالاردى ۇسىنۋ;
5) كوميتەتتىڭ تەڭگەرىمىندە تۇرعان مەملەكەتتىك م ۇلىكتىڭ ساقتالۋىن قامتاماسىز ەتۋ;
6) قولدانىستاعى زاڭناماعا سايكەس بۋحگالتەرلىك ەسەپتى جۇرگىزۋ;
7) بەلگىلەنگەن مەرزىمدە مينيسترلىككە بۋحگالتەرلىك جانە قارجىلىق ەسەپتىلىكتى جاساۋ جانە ۇسىنۋ;
8) كوميتەتكە بولىنگەن بيۋدجەتتىك قاراجاتتىڭ تولىق, ۋاقتىلى جانە ءتيىمدى پايدالانۋىن قامتاماسىز ەتۋ;
9) قازاقستان رەسپۋبليكاسىنىڭ زاڭناماسىنا سايكەس مەملەكەتتىك ساتىپ الۋ راسىمدەرىن جۇرگىزۋ.
3. كوميتەت قىزمەتىن ۇيىمداستىرۋ
16. كوميتەتتى قازاقستان رەسپۋبليكاسىنىڭ زاڭناماسىنا سايكەس قىزمەتكە تاعايىندالاتىن جانە قىزمەتتەن بوساتىلاتىن توراعا باسقارادى.
17. كوميتەت توراعاسىنىڭ قازاقستان رەسپۋبليكاسىنىڭ زاڭناماسىنا سايكەس قىزمەتكە تاعايىندالاتىن جانە قىزمەتتەن بوساتىلاتىن ورىنباسارلارى بولادى.
18. كوميتەتتىڭ توراعاسى مينيسترلىكتىڭ باسشىلىعىنا كوميتەتتىڭ قۇرىلىمى مەن شتاتتىق كەستەسى بويىنشا ۇسىنىس ەنگىزەدى.
19. كوميتەتتىڭ توراعاسى كوميتەتتىڭ قىزمەتىنە جالپى باسشىلىقتى جۇزەگە اسىرادى جانە كوميتەتكە جۇكتەلگەن مىندەتتەردى ورىنداۋعا جانە ونىڭ ءوز فۋنكتسيالارىن جۇزەگە اسىرۋعا دەربەس جاۋاپتى بولادى.
20. كوميتەت توراعاسى ءوز قۇزىرەتى شەگىندە:
1) ءوزىنىڭ ورىنباسارلارى مەن كوميتەتتىڭ قۇرىلىمدىق بولىمشەلەرىنىڭ جانە الماتى قالاسى اۋماقتىق ورگانى باسشىلارىنىڭ مىندەتتەرى مەن وكىلەتتىكتەرىن انىقتايدى;
2) ءوز قۇزىرەتى شەگىندە بۇيرىقتاردى شىعارادى;
3) كوميتەتتىڭ قۇرىلىمدىق بولىمشەلەرىنىڭ باسشىلارىن ەڭبەك قاتىناستارى ماسەلەسى زاڭنامالىق اكتىلەرگە سايكەس جوعارى تۇرعان مەملەكەتتىك ورگاندار مەن لاۋازىمدى ادامداردىڭ قۇزىرەتىنە جاتقىزىلعان قىزمەتكەرلەردى قوسپاعاندا, لاۋازىمعا تاعايىندايدى جانە لاۋازىمنان بوساتادى;
4) ءىسساپارلار, ەڭبەك دەمەلىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ) بىلىكتىلىكتى ارتتىرۋ, كوتەرمەلەۋ, ۇستەماقىلار تولەۋ جانە سىياقىلار بەرۋ, سونداي-اق جوعارى تۇرعان مەملەكەتتىك ورگاندار مەن لاۋازىمدى ادامداردىڭ قۇزىرەتىنە جاتقىزىلعان قىزمەتكەرلەردى قوسپاعاندا, كوميتەتتىڭ قىزمەتكەرلەرىن تارتىپتىك جاۋاپكەرشىلىككە تارتۋ ماسەلەلەرىن شەشەدى;
5) كوميتەتتىڭ مۇددەلەرىن قولدانىستاعى زاڭناماعا سايكەس مەملەكەتتىك ورگانداردا جانە وزگە ۇيىمداردا بىلدىرەدى;
6) كوميتەتتىڭ قۇرىلىمدىق بولىمشەلەرى تۋرالى ەرەجەلەردى بەكىتەدى;
7) سىبايلاس جەمقورلىق قۇقىقبۇزۋشىلىق نەمەسە سىبايلاس جەمقورلىق ارەكەتتەرىنىڭ تۋىنداۋىنا سەبەپ بولاتىن ءىس-قيمىلدار بەلگىلەنگەن جاعدايدا ول تۋرالى مينيسترلىكتىڭ باسشىلىعىن حاباردار ەتەدى;
8) كوميتەت قىزمەتكەرلەرى مەملەكەتتىك قىزمەتكەردىڭ قىزمەتتىك ەتيكا نورمالارىن ساقتاۋىن قامتاماسىز ەتەدى;
9) كوميتەتتە سىبايلاس جەمقورلىققا قارسى تۇرۋعا باعىتتالعان شارالاردى قابىلدايدى جانە سىبايلاس جەمقورلىققا قارسى شارالاردى قابىلداۋعا جەكە جاۋاپتى بولادى;
10) رەسپۋبليكالىق بيۋدجەتتىك باعدارلامالاردىڭ ىسكە اسىرىلۋىنا جانە مەملەكەتتىك ساتىپ الۋ سالاسىنداعى قىزمەتتى ىسكە اسىرۋعا جەكە جاۋاپتى بولادى;
11) ونىڭ قۇزىرەتىنە كىرەتىن باسقا ماسەلەلەر بويىنشا شەشىمدەر قابىلدايدى.
كوميتەت توراعاسىنىڭ وكىلەتتىگىن ورىنداۋدى, ول بولماعان كەزدە قولدانىستاعى زاڭناماعا سايكەس ونىڭ مىندەتىن ۋاقىتشا اتقاراتىن ادام جۇزەگە اسىرادى.
21. كوميتەت توراعاسىنىڭ ورىنباسارى:
1) ءوز قۇزىرەتى شەگىندە كوميتەتتىڭ قۇرىلىمدىق بولىمشەلەرىنىڭ قىزمەتىن ۇيلەستىرەدى;
2) كوميتەتتىڭ توراعاسى جۇكتەگەن وزگە فۋنكتسيالاردى جۇزەگە اسىرادى.
4. كوميتەتتىڭ م ۇلىگى
22. كوميتەتتىڭ جەدەل باسقارۋ قۇقىعىندا وقشاۋلانعان م ۇلىگى بولادى.
كوميتەتتىڭ م ۇلىگى مەملەكەت بەرگەن م ۇلىك ەسەبىنەن قالىپتاسادى, سونداي-اق قۇنى كوميتەتتىڭ تەڭگەرىمىندە كورسەتىلەتىن وزگە م ۇلىك ەسەبىنەن قۇرالادى.
23. كوميتەتكە بەكىتىلگەن م ۇلىك رەسپۋبليكالىق مەنشىككە جاتادى.
24. ەگەر زاڭنامادا وزگەشە بەلگىلەنبەسە, كوميتەتتىڭ وزىنە بەكىتىلگەن م ۇلىكتى جانە وعان قارجىلاندىرۋ جوسپارى بويىنشا بولىنگەن قاراجات ەسەبىنەن ساتىپ الىنعان م ۇلىكتى وزدىگىنەن يەلىكتەن شىعارمايدى نەمەسە وزگە دە جولدارمەن بيلiك ەتپەيدى.
5. كوميتەتتى قايتا ۇيىمداستىرۋ جانە تاراتۋ
25. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 21 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9814 بولىپ ەنگىزىلدى.