بيىل قازاق ادەبيەتىنىڭ كلاسسيگى, جازۋشى بەردىبەك سوقپاقباەۆتىڭ 100 جىلدىق مەرەيتويى يۋنەسكو كولەمىندە اتالىپ ءوتتى. وسىلايشا, ادەبيەتىمىزگە «ولگەندەر قايتىپ كەلمەيدى», «مەنىڭ اتىم قوجا», «بالالىق شاققا ساياحات», «ون التى جاسار چەمپيون», «قايداسىڭ گاۋھار», «ەرگەجەيلى ەلىنە ساياحات» سىندى ولمەس تۋىندىلار سىيلاعان قالامگەردىڭ تويى الەم نازارىنا ىلىكتى.
جازۋشىنىڭ 100 جىلدىق مەرەيتويىنىڭ اشىلۋ سالتاناتى 6 قاڭتاردا الماتى وبلىسىنىڭ ورتالىعى قوناەۆ قالاسىندا ءوتتى. 28 ءساۋىر مەن 1 مامىر ارالىعىندا تۇركسوي حالىقارالىق ۇيىمىنىڭ ۇيىتقى بولۋىمەن انكارا قالاسىندا قالامگەر شىعارماشىلىعىنا قاتىستى كونفەرەنتسيا ۇيىمداستىرىلىپ, ونىڭ جەكە زاتتارى كوشپەلى كورمەگە قويىلدى. 28 مامىر كۇنى تۇركسوي حالىقارالىق ۇيىمىنىڭ باس حاتشىسى سۇلتان راەۆتىڭ قاتىسۋىمەن تۇرىك تىلىندە جارىق كورگەن «ولگەندەر قايتىپ كەلمەيدى» رومانىنىڭ تۇساۋى كەسىلدى.
20-21 قىركۇيەكتە جازۋشىنىڭ تۋعان ولكەسى نارىنقول اۋىلىندا بەردىبەك سوقپاقباەۆتىڭ ەڭسەلى ەسكەرتكىشىنىڭ اشىلۋ سالتاناتى, ادەبي جيىن, رەسپۋبليكالىق اقىندار ايتىسى, گالا-كونتسەرت جانە سارىجاز جازىعىندا ءدۇبىرلى توي, بايگە, تاعى باسقا ءىس-شارالار وتكىزىلدى.
يۋنەسكو دەڭگەيىندە تويلانعان مەرەيتوي اياسىندا بەردىبەك سوقپاقباەۆتىڭ 4 تومدىق جيناعى, سامال سوقپاقباەۆانىڭ «مەنىڭ اتىم قوجا» شىعارماسىنىڭ ورىس تىلىندەگى اۋدارماسى, جانبولات اۋپباەۆتىڭ «وتىرىگى جوق ءومىر» اتتى بەردىبەك سوقپاقباەۆتىڭ ءومىرى مەن شىعارماشىلىعىنا ارنالعان كىتاپتارى جارىق كوردى.
سونداي-اق كلاسسيك جازۋشىنىڭ مەرەيتويى ازەربايجان رەسپۋبليكاسىنىڭ استاناسى باكۋ قالاسىندا دا تويلانىپ, ازەربايجان تىلىندە جاريالانعان «مەنىڭ اتىم قوجا» حيكاياتىنىڭ تۇساۋى كەسىلدى.
قازاق ادەبيەتى كلاسسيگىنىڭ 100 جىلدىق مەرەيتويى فرانتسيا استاناسى پاريجدەگى يۋنەسكو-نىڭ شتاب پاتەرىندە قورىتىندىلانىپ, «مەنىڭ اتىم قوجا» حيكاياتى فرانتسۋز تىلىندە جارىق كوردى.
سونداي-اق بيىل ءبىز «جىل كەيىپكەرى» دەپ تانىعان قالامگەردىڭ قۇرمەتىنە 2 مەكتەپ, 2 ساياباق, 1 كىتاپحانا, قوناەۆ قالاسىنىڭ 1 كوشەسىنە جازۋشىنىڭ ەسىمى بەرىلگەنىن سۇيىنشىلەگىمىز كەلەدى.