مەملەكەت باسشىسى قاسىم-جومارت توقاەۆ بياتلونشى ەربول حاميتوۆتى يتاليادا ءوتىپ جاتقان قىسقى پاراليمپيادا ويىندارىنىڭ جەڭىمپازى اتانۋىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت سپورتشىنىڭ تاباندى ەڭبەك پەن ەرىك-جىگەردىڭ ارقاسىندا قيىن جولدى ەڭسەرىپ, كەرەمەت جەتىستىككە قول جەتكىزگەنىن اتاپ ءوتتى. بۇل – شىنايى قۇرمەتكە لايىق.
قازاقستان قۇراما كومانداسىنىڭ تۋ ۇستاۋشىسى بۇعان دەيىن شاڭعى جارىسىنان پاراليمپيادانىڭ قولا جۇلدەگەرى اتانعان بولاتىن.
قاسىم-جومارت توقاەۆ ەربول حاميتوۆكە جارقىن جەڭىس, قاجىماس قايرات جانە زور دەنساۋلىق تىلەدى.
ەربول حاميتوۆ يتاليادا ءوتىپ جاتقان قىسقى پاراليمپيادا ويىندارىندا العاشقى التىن مەدالىن جەڭىپ الدى. ول وتىرىپ جارىساتىن پارا بياتلون بويىنشا 4,5 شاقىرىم قاشىقتىقتاعى جارىستا جەڭىسكە جەتتى.
ايتا كەتەيىك, ميلان-كورتينا-2026 XIV قىسقى پاراليمپيادا ويىندارى 6-15 ناۋرىز ارالىعىندا وتەدى.ء دۇبىرلى دودادا پارا شاڭعى جارىسى, پارا بياتلون, ارباداعى كەرلينگ, پارا سنوۋبورد, تاۋ شاڭعىسى جانە پارا حوككەي سپورت تۇرلەرى بويىنشا 79 مەدال جيىنتىعىن ساراپقا سالادى.