اتىراۋ قالاسىنداعى مەكتەپتەردىڭ بىرىندە 9-سىنىپ وقۋشىسى 8-سىنىپتا وقيتىن قىزدى وتكىر زاتپەن جاراقاتتادى. وقيعا بۇگىن كۇندىز بولعان, دەپ حابارلايدى Egemen.kz.
اتىراۋ وبلىسى پوليتسيا دەپارتامەنتىنىڭ رەسمي مالىمەتىنە سايكەس, كۇدىكتى ۇستالىپ, اتا-اناسىمەن بىرگە پوليتسيا بولىمىنە جەتكىزىلگەن.
«بارلىق پروتسەسسۋالدىق ارەكەتتەر ونىڭ زاڭدى وكىلدەرىنىڭ قاتىسۋىمەن جۇرگىزىلىپ جاتىر. قازىرگى ۋاقىتتا پوليتسيا قىزمەتكەرلەرى قاجەتتى تەرگەۋ شارالارىن جۇرگىزۋدە. وقيعانىڭ ءمان-جايى كەيىنىرەك انىقتالادى. اتالعان فاكتى بويىنشا قىلمىستىق ءىس قوزعالدى. سونداي-اق بالانى تاربيەلەۋ مىندەتتەرىن تيىسىنشە ورىنداماعانى ءۇشىن اتا-اناسى جاۋاپكەرشىلىككە تارتىلادى. تەرگەۋ مۇددەسىنە بايلانىستى وزگە اقپارات جاريالانبايدى», دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
وبلىستىق دەنساۋلىق ساقتاۋ باسقارماسىنىڭ مالىمەتىنشە, جاراقات العان وقۋشى اتىراۋ وبلىستىق بالالار اۋرۋحاناسىندا ەم الىپ جاتىر.
«قازىرگى ۋاقىتتا ناۋقاستىڭ جاعدايى ورتاشا اۋىر, تۇراقتى دەپ باعالانىپ وتىر. ول دارىگەرلەردىڭ تۇراقتى باقىلاۋىندا جانە بارلىق قاجەتتى مەديتسينالىق كومەكتى الىپ جاتىر. ەمدەۋ قولدانىستاعى كلينيكالىق حاتتامالارعا سايكەس تولىق كولەمدە جۇرگىزىلىپ جاتىر. جاعداي باقىلاۋدا», دەپ حابارلادى باسقارمانىڭ ءباسپاسوز قىزمەتى.
ايتا كەتەيىك, تارازدا مەكتەپ وقۋشىسىن جەتى قىز جابىلىپ سوققىعا جىققان. زارداپ شەككەن قىز ەكى كۇن بويى جانساقتاۋ بولىمىندە جاتقان.