2025 جىلى ەل ازاماتتارىنىڭ ەكولوگيالىق جاۋاپتى مىنەز-قۇلقىن قالىپتاستىرۋعا, حالىقتىڭ ەكولوگيالىق سانا دەڭگەيىن ارتتىرۋعا جانە قورشاعان ورتاعا ۇقىپتى قاراۋ مادەنيەتىن دامىتۋعا باعىتتالعان «تازا قازاقستان» ەكولوگيالىق مادەنيەتىن دامىتۋدىڭ 2024-2026 جىلدارعا ارنالعان تۇجىرىمداماسىن ىسكە اسىرۋ جالعاستى, دەپ جازادى Egemen.kz.
قوعامدىق كەڭىستىكتەردى اباتتاندىرۋ, اعاش وتىرعىزۋ جانە اۋماقتاردىڭ سانيتارلىق جاعدايىن جاقسارتۋ جونىندەگى ءىس-شارالار حالىقتىڭ بەلسەندى قاتىسۋىمەن ەلىمىزدىڭ بارلىق وڭىرىندە وتكىزىلدى.
جۇمىس ەكولوگيالىق سانا مەن جاۋاپتى مىنەز-ق ۇلىقتى قالىپتاستىرۋ, ەكولوگيالىق ءبىلىم بەرۋدى دامىتۋ, سونداي-اق ەكولوگيالىق ءبىلىم بەرۋ جانە اقپاراتتىق قولداۋ سىندى باعىتتاردى قامتىدى.
بەكتەنوۆ: «تازا قازاقستان» باستاماسى قازاقستاندىقتار تاراپىنان قولداۋ تاپتى
ورتالىق باعىتتاردىڭ ءبىرى «تازا قازاقستان» جالپى رەسپۋبليكالىق باستاماسىن ىسكە اسىرۋ بولدى. ەكولوگيالىق اكتسيالار, سەنبىلىكتەر جانە اباتتاندىرۋ شارالارى اياسىندا 2025 جىلى 844 مىڭ توننا قالدىق جينالدى, 1,1 ملن گا اۋماق تازارتىلدى. بۇل ءىس-شارالارعا بارلىعى 6,9 ملن. ادام قاتىستى. ءىرى ەكولوگيالىق ءىس-شارالاردىڭ قاتارىندا World Clean-up day (356,2 مىڭ قاتىسۋشى) جانە «پاركتەر مارشى» (218,4 مىڭ قاتىسۋشى) اكتسيالارى بار.
ەلىمىزدىڭ بارلىق وڭىرىندە «ۇلگىلى اۋىل» جانە «تازا اۋلا» (قالالاردا) كونكۋرستارى وتكىزىلدى. جەڭىمپازدارعا العىس حاتتار, ديپلومدار جانە باعالى سىيلىقتار تابىس ەتىلدى. بايقاۋ قورىتىندىسى بۇقارالىق اقپارات قۇرالدارىندا جانە الەۋمەتتىك جەلىلەردە كەڭىنەن جاريالاندى.
«تازا قازاقستان»: اباي ۋنيۆەرسيتەتىنىڭ ستۋدەنتتەرى ىلە-الاتاۋ پاركىمەن ەكولوگيالىق جوبالاردى ىسكە اسىرادى
وتكىزىلەتىن ءىس-شارالار حالىقتىڭ ەكولوگيالىق جاۋاپكەرشىلىگىن ارتتىرۋعا, ازاماتتاردى تابيعات قورعاۋ قىزمەتىنە تارتۋعا جانە قوعامدا ەكولوگيالىق جاۋاپتى مىنەز-ق ۇلىقتى قالىپتاستىرۋعا ىقپال ەتتى.
ەكولوگيالىق قۇقىق بۇزۋشىلىقتاردىڭ الدىن الۋعا جانە ەكولوگيالىق ءتارتىپتى ارتتىرۋعا ەرەكشە نازار اۋدارىلادى. ەلىمىزدە تسيفرلىق مونيتورينگ قۇرالدارى ەنگىزىلىپ جاتىر.
ىشكى ىستەر مينيسترلىگىنىڭ مالىمەتىنشە, 1,6 ملن استام بەينەباقىلاۋ كامەراسى جۇمىس ىستەيدى, ونىڭ 577 مىڭى جەدەل باسقارۋ ورتالىقتارىنا جانە پوليتسيانىڭ كەزەكشى بولىمدەرىنە قوسىلعان.
ەكولوگيالىق ءبىلىم بەرۋدى دامىتۋ ماڭىزدى باعىت بولىپ قالا بەرەدى. ProEko ەكولوگيالىق جوبالار بايقاۋىنا 38 744 وقۋشى قاتىستى. «جاسىل بالاباقشا» ەكولوگيالىق باعىتتاعى مەكتەپكە دەيىنگى ۇيىمدار جەلىسىن دامىتۋ جالعاسۋدا, ونىڭ شەڭبەرىندە 2025 جىلى 186 بالاباقشا جۇمىس ىستەدى.
«تازا قازاقستان» جاڭا كونستيتۋتسيانىڭ وزەگىنە اينالماق
سونداي-اق «مەن زەرتتەۋشىمىن» رەسپۋبليكالىق كونكۋرستارى, «تابيعاتتى ايالا» جاس ەكولوگتار فورۋمى وتكىزىلدى, ال ءبىلىم بەرۋ ۇيىمدارىندا «ادال ازامات» تاربيە باعدارلاماسى شەڭبەرىندە ءىس-شارالار ىسكە اسىرىلىپ جاتىر.
ەل وڭىرلەرىندە ەكولوگيالىق اكتسيالار, ەرىكتىلەرگە ارنالعان وقىتۋ سەمينارلارى مەن فورۋمدار وتكىزىلدى.
ازاماتتارعا اباتتاندىرۋ ماسەلەلەرى مەن ەكولوگيالىق بۇزۋشىلىقتار تۋرالى حابارلاۋعا مۇمكىندىك بەرەتىن @TazaQazBot تەلەگرام-چات-بوتى ارقىلى ءوتىنىم بەرۋ سەرۆيسى جۇمىسىن جالعاستىرىپ جاتىر. 2025 جىلى سەرۆيس ارقىلى 26 137 ءوتىنىش كەلىپ ءتۇستى, ولاردىڭ كوپشىلىگى اۋماقتاردى جيناۋ, كوشەلەردى اباتتاندىرۋ جانە تۇرمىستىق قالدىقتاردى شىعارۋ ماسەلەلەرىمەن بايلانىستى بولعان.
سونىمەن قاتار 2025 جىلدىڭ قىركۇيەگىندە استانا قالاسىندا ەكولوگيالىق مادەنيەتتى دامىتۋعا جانە قالدىقتاردى بولەك جيناۋ تاجىريبەسىن ىلگەرىلەتۋگە باعىتتالعان العاشقى ەكو-حاب جۇمىس ىستەي باستادى.
جالپى, ىسكە اسىرىلعان ءىس-شارالار حالىقتىڭ ەكولوگيالىق حاباردارلىعىن ارتتىرۋعا, ەكولوگيالىق ۆولونتەرلىكتى دامىتۋعا جانە ازاماتتاردى ەكولوگيالىق ماسەلەلەردى شەشۋگە تارتۋعا ىقپال ەتتى.
«تازا قازاقستان» تۇجىرىمداماسىن ىسكە اسىرۋ جونىندەگى جۇمىس وسى جىلى دا جالعاسادى.