الماتىدا قورعانىس ءمينيسترى اۆياتسيا گەنەرالى-لەيتەنانتى داۋرەن قوسانوۆ ارميا ءۇيى بازاسىندا Defense Tech IT Park قورعانىس تەحنولوگيالارى ورتالىعىنىڭ تانىستىرىلىمىن وتكىزدى. بۇل الاڭ قارۋلى كۇشتەر مەن ۇلتتىق قاۋىپسىزدىك جۇيەسى ءۇشىن وتاندىق تەحنولوگيالىق شەشىمدەردى ازىرلەۋ جانە ەنگىزۋ ماقساتىندا قۇرىلعان, دەپ جازادى Egemen.kz.
جوبانىڭ تانىستىرىلىمىنا جاساندى ينتەللەكت جانە تسيفرلىق دامۋ ۆيتسە-ءمينيسترى دميتري مۋن, Freedom Holding Corp كومپانياسىنىڭ باس اتقارۋشى ديرەكتورى تيمۋر تۋرلوۆ, سونداي-اق IT-يندۋستريا جانە عىلىمي قاۋىمداستىق وكىلدەرى قاتىستى. Freedom Holding Corp قولداۋىمەن قۇرىلعان الاڭ قورعانىس تەحنولوگيالارى سالاسىندا ۇلتتىق يننوۆاتسيالىق ەكوجۇيەنى دامىتۋعا باعىتتالعان.
Defense Tech IT Park – قورعانىس مينيسترلىگىنىڭ 2022 جىلدان باستاپ جۇزەگە اسىرىپ كەلە جاتقان Defense Tech باستاماسىنىڭ دامۋىنىڭ جاڭا كەزەڭى. جوبانىڭ نەگىزگى ماقساتى – اسكەر مەن قاۋىپسىزدىك جۇيەسى ءۇشىن تسيفرلىق تەحنولوگيالار, بەينەباقىلاۋ جۇيەلەرى, دەرەكتەردى تالداۋ, تەلەكوممۋنيكاتسيالار جانە جاساندى سپۋتنيكتىك شەشىمدەر سالاسىنداعى وتاندىق IT-كومپانيالار مەن ستارتاپتاردىڭ يننوۆاتسيالىق جوبالارىن ەنگىزۋ.
قورعانىس مينيسترلىگى جەلىدە تاراعان ۆيدەوعا قاتىستى شۇعىل مالىمدەمە جاسادى
قورعانىس ءمينيسترى اۆياتسيا گەنەرالى-لەيتەنانتى داۋرەن قوسانوۆ ورتالىقتىڭ قۇرىلۋى ەلىمىزدىڭ تەحنولوگيالىق الەۋەتىن نىعايتۋعا جانە زاماناۋي ازىرلەمەلەردى اسكەرگە جىلدام ەنگىزۋگە باعىتتالعانىن اتاپ ءوتتى.
«بۇگىنگى تاڭدا مەملەكەتتىڭ قورعانىس قابىلەتى تىكەلەي تەحنولوگيالىق دامۋعا بايلانىستى. ءبىزدىڭ باستى مىندەتىمىز – ءوز يدەيالارىمىزدى اسكەرگە پراكتيكالىق تۇرعىدا ەنگىزۋ جولىن قىسقارتۋ», دەدى مينيستر.
ەلىمىزدىڭ قورعانىس سالاسىندا قانداي تسيفرلىق شەشىمدەر ەنگىزىلگەن؟
ءوز كەزەگىندە تيمۋر تۋرلوۆ الاڭنىڭ تەحنولوگيالار مەن قورعانىس ازىرلەمەلەرى سالاسىنداعى جاس ماماندار ءۇشىن تارتىمدى ورتالىق بولاتىنىن جەتكىزدى.
ء«بىز مۇندا Defense Tech Hub تەحنولوگيالىق ءبىلىم بەرۋ الاڭىن قۇردىق. ستۋدەنتتەر, ونىڭ ىشىندە اسكەري كافەدرالاردا ءبىلىم الىپ جۇرگەندەر, پراكتيكالىق داعدىلارىن جەتىلدىرىپ, حاكاتوندار مەن اكسەلەراتسيالىق باعدارلامالارعا قاتىسا الادى», دەدى ت. تۋرلوۆ.
قورعانىس ءمينيسترىنىڭ تسيفرلىق دامۋ ماسەلەلەرى جونىندەگى ورىنباسارى دارحان احمەديەۆ جاڭا ورتالىقتىڭ پەرسپەكتيۆالىق تەحنولوگيالىق جوبالاردى ىزدەۋ جانە تاڭداۋ, ازىرلەۋشىلەردى يدەيادان پروتوتيپ جاساۋعا دەيىن قولداۋ, شەشىمدەردى اسكەردە پيلوتتىق ەنگىزۋگە دايىنداۋ الاڭى بولاتىنىن اتاپ ءوتتى. جاڭا پلاتفورما قورعانىس ۆەدومستۆوسى, عىلىمي ۇيىمدار جانە تەحنولوگيالىق بيزنەس اراسىنداعى جۇيەلى ءوزارا ارەكەتتەستىكتى قالىپتاستىرادى جانە قازاقستاننىڭ قورعانىس مۇددەسى ءۇشىن يننوۆاتسيالاردى جەدەل ەنگىزۋگە مۇمكىندىك بەرەدى.
قورعانىس ءمينيسترىنىڭ ورىنباسارى تاعايىندالدى