2014 جىلعى 19 قاراشا, استانا قالاسى
«حالىقتى الەۋمەتتىك قورعاۋ جانە جۇمىسپەن قامتۋ جۇيەسى باسشىلارىنىڭ, ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2012 جىلعى 2 اقپانداعى № 31-ءو-م بۇيرىعىنا وزگەرىس پەن تولىقتىرۋ ەنگىزۋ تۋرالى»
2007 جىلعى 15 مامىرداعى قازاقستان رەسپۋبليكاسى ەڭبەك كودەكسىنىڭ 125-بابىنىڭ 3-تارماعىنا سايكەس جانە «ارناۋلى الەۋمەتتىك قىزمەتتەر تۋرالى» 2008 جىلعى 29 جەلتوقسانداعى قازاقستان رەسپۋبليكاسىنىڭ زاڭى 14-بابىنىڭ 1-تارماعىن ىسكە اسىرۋ ماقساتىندا بۇيىرامىن:
1. «حالىقتى الەۋمەتتىك قورعاۋ جانە جۇمىسپەن قامتۋ جۇيەسى باسشىلارىنىڭ, ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2012 جىلعى 2 اقپانداعى № 31-ءو-م بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7442 بولىپ تىركەلگەن, 2012 جىلعى 18 شىلدەدەگى «زاڭ گازەتى» گازەتىندە № 105 (2113) جاريالانعان) مىناداي وزگەرىس پەن تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن حالىقتى الەۋمەتتىك قورعاۋ جانە جۇمىسپەن قامتۋ جۇيەسى باسشىلارىنىڭ, ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىندا:
2-ءبولىمى 4-تاراۋدىڭ ءۇشىنشى بولىگى مىناداي رەداكتسيادا جازىلسىن:
«بىلىكتىلىك قويىلاتىن تالاپتار: جوعارى (نەمەسە جوعارىدان كەيىنگى) ءبىلىم, ەڭبەك ءوتىلى الەۋمەتتىك قورعاۋ نەمەسە حالىقتى جۇمىسپەن قامتۋ جۇيەسىندە كەمىندە 3 جىل نەمەسە ەكونوميكانىڭ باسقا سالالارىنىڭ باسشى لاۋازىمدارىندا كەمىندە 2 جىل.».
3-ءبولىم. «مامانداردىڭ لاۋازىمدارى» مىناداي مازمۇنداعى 10-تاراۋمەن تولىقتىرىلسىن:
10. ارناۋلى الەۋمەتتىك قىزمەتتەرگە قاجەتتىلىكتى باعالاۋ جانە ايقىنداۋ جونىندەگى الەۋمەتتىك قىزمەتكەر
لاۋازىمدىق مىندەتتەرى:
ءوز قىزمەتىن حالىقتى الەۋمەتتىك قورعاۋ, دەنساۋلىق ساقتاۋ, ءبىلىم بەرۋ ورگاندارى مەن ۇيىمدارىنىڭ, سونداي-اق, قارتتارمەن, مۇگەدەكتەرمەن, ونىڭ ىشىندە مۇگەدەك بالالارمەن (بۇدان ءارى – قىزمەت الۋشىلار) جۇمىس ىستەۋ ءۇشىن ۋاكىلەتتىك بەرىلگەن باسقا دا ۇيىمداردىڭ ماماندارىمەن تىعىز بايلانىستا جۇزەگە اسىرادى;
ارناۋلى الەۋمەتتىك قىزمەتتەرگە باعالاۋدى جۇرگىزەدى جانە قاجەتتىلىكتى ايقىندايدى;
ءوتىنىش بەرۋشىمەن سۇحبات جۇرگىزەدى, ءوتىنىش بەرۋشىنىڭ تۇرعىلىقتى جەرى بويىنشا شىعادى, كورشىلەردەن قىزمەت الۋعا مۇمكىندىك بەرەتىن وبەكتيۆتى سەبەپتەرىنىڭ ءمانىن سۇراستىرادى;
ورگانيزم فۋنكتسيالارى بۇزىلعان كەزدە, بالانىڭ الەۋمەتتىك بەيىمسىزدىگى جانە دەپريۆاتسياسى كەزىندە ءوز بەتىنشە قىزمەت ەتە الۋ قابىلەتىن ايقىندايدى;
الەۋمەتتىك ورتانى, تىرشىلىك ەتۋدىڭ ماتەريالدىق, ەكونوميكالىق, الەۋمەتتىك جانە رۋحاني جاعدايلارىنىڭ جەتىسپەۋشىلىگىن نەمەسە بولماۋىن باعالايدى;
ءبىلىم بەرۋ جانە دەنساۋلىق ساقتاۋ ورگاندارىنان قورىتىندىلار الۋ ءۇشىن ۆەدومستۆوارالىق كوميسسيا قۇرۋ جونىندەگى جۇمىستى ۇيىمداستىرادى;
قورىتىندى دايىندايدى, وندا قىزمەتتىڭ ءتۇرى, الۋشىنىڭ ساناتى, قىزمەت كورسەتىلگەن جەر, قىزمەتتىڭ كورسەتىلۋ ۇزاقتىعى, قىزمەتتىڭ مازمۇنى, جەكە ەرەكشەلىكتەرى ايقىندالادى جانە ونى اۋدانداردىڭ (وبلىستىق, رەسپۋبليكالىق ماڭىزى بار قالالاردىڭ) جەرگىلىكتى اتقارۋشى ورگاندارعا جىبەرەدى.
بىلۋگە ءتيىس:
1995 جىلعى 30 تامىزداعى قازاقستان رەسپۋبليكاسىنىڭ كونستيتۋتسياسى;
2011 جىلعى 26 جەلتوقسانداعى «نەكە» (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ كودەكسىن;
2005 جىلعى 13 ساۋىردەگى «قازاقستان رەسپۋبليكاسىندا مۇگەدەكتەردى الەۋمەتتىك قورعاۋ تۋرالى», 2008 جىلعى 29 جەلتوقسانداعى «ارناۋلى الەۋمەتتىك قىزمەتتەر تۋرالى», 2002 جىلعى 11 شىلدەدەگى «كەمتار بالالاردى الەۋمەتتىك جانە مەديتسينالىق-پەداگوگيكالىق تۇزەۋ ارقىلى قولداۋ تۋرالى», 2002 جىلعى 8 تامىزداعى «قازاقستان رەسپۋبليكاسىنداعى بالانىڭ قۇقىقتارى تۋرالى» قازاقستان رەسپۋبليكاسىنىڭ زاڭدارىن;
2008 جىلعى 29 جەلتوقسانداعى «ارناۋلى الەۋمەتتىك قىزمەتتەر تۋرالى» قازاقستان رەسپۋبليكاسىنىڭ زاڭىنا سايكەس بەكىتىلەتىن حالىقتى الەۋمەتتىك قورعاۋ سالاسىندا ارناۋلى الەۋمەتتىك قىزمەتتەر كورسەتۋ ستاندارتتارىن;
قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 10 اقپانداعى № 79, قازاقستان رەسپۋبليكاسى ءبىلىم جانە عىلىم ءمينيسترىنىڭ 2009 جىلعى 28 قاڭتارداعى № 28, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2009 جىلعى 28 قاڭتارداعى № 28-ءو بىرلەسكەن بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №5560 بولىپ تىركەلگەن ارناۋلى الەۋمەتتىك قىزمەتتەرگە قاجەتتىلىكتى باعالاۋ جانە ايقىنداۋ ەرەجەسىن.
بىلىكتىلىككە قويىلاتىن تالاپتار:
بىلىكتىلىگى جوعارى دەڭگەيدەگى مامان:
جوعارى ساناتتى – جوعارى (نەمەسە جوعارىدان كەيىنگى) (الەۋمەتتىك, مەديتسينالىق, پسيحولوگيالىق, پەداگوگيكالىق) ءبىلىم جانە ءبىرىنشى ساناتتى بىلىكتىلىگى جوعارى دەڭگەيدەگى مامان رەتىندە جۇمىس ءوتىلى كەمىندە 3 جىل;
ءبىرىنشى ساناتتى – جوعارى (نەمەسە جوعارىدان كەيىنگى) (الەۋمەتتىك, مەديتسينالىق, پسيحولوگيالىق, پەداگوگيكالىق) ءبىلىم جانە ەكىنشى ساناتتى بىلىكتىلىگى جوعارى دەڭگەيدەگى مامان رەتىندە جۇمىس ءوتىلى كەمىندە 2 جىل;
ەكىنشى ساناتتى – جوعارى (نەمەسە جوعارىدان كەيىنگى) (الەۋمەتتىك, مەديتسينالىق, پسيحولوگيالىق, پەداگوگيكالىق) ءبىلىم جانە ساناتى جوق بىلىكتىلىگى جوعارى دەڭگەيدەگى مامان رەتىندە جۇمىس ءوتىلى كەمىندە 2 جىل;
ساناتى جوق: ماماندىعى بويىنشا جۇمىس وتىلىنە تالاپ قويىلماي جوعارى (نەمەسە جوعارىدان كەيىنگى) (الەۋمەتتىك, مەديتسينالىق, پسيحولوگيالىق) ءبىلىم.».
2. الەۋمەتتىك قىزمەتتەر دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە ونى رەسمي جاريالاۋعا مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى س.ق.جاقىپوۆاعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى ت.دۇيسەنوۆا.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 19 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9982 بولىپ ەنگىزىلدى.