پرەزيدەنت اكىمشىلىگىنىڭ جانە مەركى اۋداندىق ءماسليحاتىنىڭ كەلىسىمى, جامبىل وبلىسى اكىمىنىڭ وكىمى بويىنشا ەربول جۇمابەك ۇلى جيەنقۇلوۆ مەركى اۋدانىنىڭ اكىمى بولىپ تاعايىندالدى. بۇل تۋرالى وبلىس اكىمدىگى حابارلادى, دەپ جازادى Egemen.kz.
ەربول قاراشوكەەۆ اۋدان اكتيۆىنە جاڭا اكىمدى تانىستىرىپ, جۇمىسىنا ساتتىلىك تىلەدى.
وبلىس اكىمى مەملەكەت باسشىسىنىڭ تاپسىرمالارىن ناتيجەلى ورىنداۋ, اۋداننىڭ الەۋەتىن جانە مەملەكەتتىك باعدارلامالاردىڭ مۇمكىندىكتەرىن ۇتىمدى پايدالانا وتىرىپ, حالىقتىڭ ءال-اۋقاتىن ارتتىرۋ باستى مىندەت ەكەنىن باسا ايتتى.
سونىمەن قاتار, ينۆەستيتسيا تارتۋ, سالىق بازاسىن ۇلعايتۋ, قوعامدىق-ساياسي تۇراقتىلىقتى ساقتاۋ, جاڭا جۇمىس ورىندارىن اشۋ جانە كاسىپكەرلىكتىڭ الەۋمەتتىك جاۋاپكەرشىلىگىن ارتتىرۋعا باعىتتالعان اۋقىمدى جوبالاردى جۇزەگە اسىرۋ بويىنشا ناقتى جۇمىستار جۇرگىزۋ كەرەكتىگىن اتاپ ءوتتى.
ءوز كەزەگىندە ەربول جيەنقۇلوۆ ارتىلعان سەنىمدى اقتاۋعا, بارلىق مىندەتتەردى جەمىستى جۇزەگە اسىرۋعا كۇش سالاتىنىنا سەندىردى.
ەربول جۇمابەك ۇلى 1986 جىلى جامبىل وبلىسى تالاس اۋدانىندا دۇنيەگە كەلگەن. ءبىلىمى جوعارى. قازاق ۇلتتىق اگرارلىق ۋنيۆەرسيتەتىن «ۆەتەرينارلىق سانيتاريا», تاراز يننوۆاتسيالىق-گۋمانيتارلىق ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
ەڭبەك جولىن 2008 جىلى قازاقستان رەسپۋبليكاسى اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ «رەسپۋبليكالىق ەپيزووتياعا قارسى كۇرەس وتريادى» رمقك جامبىل جانە الماتى بويىنشا وڭىرلىك فيليالىنىڭ اعا مامانى بولىپ باستاعان.
2010-2020 جىلدارى قازاقستان رەسپۋبليكاسى اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ «رەسپۋبليكالىق ەپيزووتياعا قارسى كۇرەس وتريادى» رمقك جامبىل وبلىسى بويىنشا فيليالىنىڭ جەتەكشى مامانى, باس مامانى, باسشىسى, 2020-2021 جىلدارى جامبىل وبلىسى اكىمدىگى ۆەتەريناريا باسقارماسىنىڭ باسشىسى, 2021-2022 جىلدارى جامبىل وبلىسى اكىمدىگى اۋىل شارۋاشىلىعى باسقارماسىنىڭ باسشىسى قىزمەتتەرىن اتقارعان.
2022 جىلدىڭ 1 جەلتوقسانىنان باستاپ بۇگىنگە دەيىن جامبىل وبلىسى جامبىل اۋدانى اكىمىنىڭ ورىنباسارى بولىپ ەڭبەك ەتىپ كەلدى.