جەتىسۋ وبلىسىنىڭ پروكۋراتۋراسى «زاڭ جانە ءتارتىپ» يدەولوگياسىن بەكىتۋ اياسىندا سالىق ورگاندارىنىڭ زاڭسىز ارەكەتتەرىنەن جەكە كاسىپكەرلەردىڭ قۇقىقتارىن قورعادى.
سالىق كودەكسىنىڭ 490-بابى 3-بولىگىنە سايكەس, ارنايى سالىق رەجيمىن قولداناتىن شارۋا قوجالىقتارىنىڭ باسشىلارى مەن مۇشەلەرى كولىك قۇرالدارىنا سالىناتىن سالىقتان بوساتىلعان.
الايدا, كەربۇلاق اۋدانى بويىنشا مەملەكەتتىك كىرىستەر باسقارماسى سالىق سالىنۋعا جاتپايتىن كولىك قۇرالدارىنىڭ يەلەرىنە زاڭسىز حابارلامالار جىبەرىپ وتىرعان.
مىسالى, سالىق سالۋعا جاتپايتىن قوزعالتقىش كولەمى 2500 تەكشە سانتيمەترگە دەيىنگى ءبىر جەڭىل اۆتوكولىگى بار فەرمەر قوجالىعىنىڭ باسشىسىنا حابارلاما جىبەرىلگەن.
تەكسەرۋ بارىسىندا تاعى 72 كاسىپكەرگە قاتىستى وسىنداي بۇزۋشىلىقتار انىقتالدى.
بارلىق زاڭسىز حابارلامالار جويىلىپ, كىنالى تۇلعالار تارتىپتىك جاۋاپكەرشىلىككە تارتىلدى.