پەتروپاۆل. 4 اقپان. اۋىل شارۋاشىلىعى تاۋارىن وندىرۋشىلەردىڭ ايماقتىق كەڭەسىندە «استىق كورپوراتسياسى» اق-نىڭ جەرگىلىكتى وكىلدەرى استىق ساتىپ الۋعا 4 ميلليارد تەڭگەنىڭ بولىنگەنىن مالىمدەدى. بۇل تۋرالى وبلىستىق اۋىل شارۋاشىلىعى باسقارماسىنىڭ ءباسپاسوز قىزمەتى حابارلادى.
بىلتىر جاز, كۇز ماۋسىمدارى وتە جاۋىن-شاشىندى بولىپ, ەگىن كەش ءپىستى. سونىڭ سالدارىنان استىق شىعىمى مەن ساپاسىنا ەلەۋلى نۇقسان كەلدى. تابيعاتتىڭ توسىن مىنەزىنەن بىرقاتار شارۋاشىلىقتار زيان شەگىپ, مەملەكەت الدىنداعى قارىزىن وتەي الماي وتىر.
شارۋاشىلىقتاردىڭ كومپانيا الدىنداعى قارىزى 234 ميلليون تەڭگەدەن اسادى. ولار كەلىسىم بويىنشا مىندەتتەمەلەرىن 2014 جىلدىڭ 1 جەلتوقسانىنا دەيىن ورىنداۋ ءتيىس بولاتىن. جاعدايدىڭ وتە كۇردەلى بولعانىن ەسكەرىپ, شارت مەرزىمى ۇزارتىلدى, دەيدى كومپانيا وكىلى عاني ابەنوۆ.
ونىڭ ايتۋىنشا, كوكتەمگى ەگىس جۇمىستارىن ويداعىداي وتكىزۋگە ۇكىمەت تاراپىنان بارلىق مۇمكىندىكتەر جاسالعان. قاجەتتى قۇجاتتاردى جيناستىرۋ جەڭىلدەتىلگەن.
ەندى جاڭا تالاپ بويىنشا تاۋار ءوندىرۋشى ءوز مىندەتىن استىقپەن عانا وتەي الادى. ال اۋا رايى سەبەبىنەن قيىنشىلىققا ۇرىنعان جاعدايدا قارىزدى اقشالاي قايتارۋ جاعى دا ەسكەرىلگەن.
ءومىر ەسقالي.
دەرەك: سولتۇستىك قازاقستان وبلىستىق اۋىل شارۋاشىلىعى باسقارماسىنىڭ ءباسپاسوز قىزمەتى.
سۋرەت: «قازاقپارات».