مەملەكەت باسشىسىنا ۇكىمەتتىك كوميسسيانىڭ اقتاۋ قالاسى اۋەجايىنىڭ ماڭىندا بولعان اz Airlines اۋە كومپانياسىنىڭ Embraer 190 ۇشاعىنىڭ اپاتقا ۇشىراۋ سەبەپتەرىن تەكسەرۋ جانە زارداپ شەككەندەرگە كومەك كورسەتۋ جونىندە جۇرگىزىپ جاتقان جۇمىسى تۋرالى باياندالدى, دەپ جازادى Egemen.kz.
وقيعا ورنىندا زارداپ شەككەندەرگە تولىق قولداۋ كورسەتۋ ءۇشىن قاجەتتى شارالار قابىلدانعان. توتەنشە جاعدايلار قىزمەتى 430-دان استام قىزمەتكەر مەن 80-گە جۋىق تەحنيكانى جۇمىلدىرىپ وتىر. 29 ادام اۋرۋحاناعا جاتقىزىلدى. زارداپ شەككەندەرگە قاجەتتى مەديتسينالىق, پسيحولوگيالىق جانە باسقا دا كومەك كورسەتىلىپ جاتىر. اپاتتىق-قۇتقارۋ جۇمىستارى قىزۋ ءجۇرىپ جاتىر.
«ازەربايجان ۇكىمەتىمەن بىرلەسىپ شەتەل ازاماتتارى مەن قازا تاپقان جولاۋشىلاردىڭ وتباسىلارىنا قاجەتتى كومەك كورسەتىلىپ جاتىر. پرەزيدەنت زارداپ شەككەن ازاماتتارعا كومەك كورسەتۋ جۇمىسىن ەرەكشە باقىلاۋدا ۇستاۋدى جانە كورشىلەس ەلدەردىڭ ۇكىمەتتەرىنە قاجەتتى جاردەم كورسەتۋدى تاپسىردى», دەلىنگەن ۇكىمەتتىڭ رەسمي حابارلاماسىندا.