سۋ تاسقىنى: ۇكىمەت ەل باسىنا تۋعان اۋىر سىناقتى قالاي ەڭسەردى

قىزمەتكەرلەر مەن ۆولونتەرلەردىڭ ەرلىگى مەن كاسىپقويلىعىنىڭ ارقاسىندا ادام ءومىرىن ساقتاۋ مەن م ۇلىكتى قورعاۋ بويىنشا باعا جەتپەس كومەك كورسەتىلدى.

اسىرەسە, سۋ تاسقىنىنان كەيىن دە جۇرگىزىلگەن ءىس-شارالار ماڭىزدى بولدى, سونىڭ ارقاسىندا بۇزىلعان ۇيلەر تەز قالپىنا كەلتىرىلىپ, تابيعات كۇشتەرى قيراتقان ۇيلەردىڭ ورنىنا جاڭا تۇرعىن ۇيلەر سالىندى, سونداي-اق اۋماقتاردى قوقىستان تازارتۋ بويىنشا «تازا قازاقستان» اۋقىمدى تازارتۋ اكتسياسى وتكىزىلدى.

ناقتىلاي ايتقاندا, سۋ تاسقىنىنان كەيىن ەلىمىزدە 2500-دەن استام ءۇي سالىندى. ونىڭ ىشىندە, باتىس قازاقستان وبلىسىندا 823 ءۇي تۇرعىزىلدى. (ورال قالاسى – 423, قاراتوبە اۋدانى – 90, ءبورلى اۋدانى – 60, بايتەرەك اۋدانى – 6, تەرەكتى اۋدانى – 130, سىرىم اۋدانى – 114). وبلىستىڭ شالعاي اۋداندارىندا ورنالاسقان ەلدى مەكەندەردە قۇرىلىس جۇمىستارى قىركۇيەك ايىنىڭ باسىندا اياقتالعانىن اتاپ ءوتۋ كەرەك. قالعان 66 ءۇيدىڭ قۇرىلىسى قىركۇيەك ايىنىڭ سوڭىنا اياقتالعان. سولتۇستىك قازاقستان وبلىسى پەتروپاۆل قالاسىندا 700 ءۇي سالىندى. وڭىردە العاش رەت تەمىر-بەتون كونسترۋكتسيادان جەدەل تۇرعىزىلاتىن 300 ءۇي بوي كوتەردى. بۇل – زاماناۋي جىلدام قۇرىلىس تەحنولوگياسى مەن قازاقستان تەمىر جولى تاراپىنان لوگيستيكالىق قولداۋىنىڭ ايقىن كورىنىسى. اقتوبە وبلىسىندا زارداپ شەككەندەر ءۇشىن 500 ءۇي تۇرعىزىلدى.

الايدا ىرعىز اۋدانىندا قۇرىلىس جۇمىستارى قيىن وتكەن. نۇرا اۋىلىنىڭ تۇرعاندارى كەلىسىم بويىنشا جاڭا جەرگە كوشىرىلىپ, جاڭادان تۇرعىزىلعان ينفراقۇرىلىممەن تولىق قامتاماسىز ەتىلدى. قوستاناي وبلىسىندا 153 ءۇي سالىندى (ارقالىق – 50, امانگەلدى اۋدانى – 27, جانگەلدين اۋدانى – 41, قوستاناي اۋدانى – 21, قوستاناي قالاسى – 14). بۇل ءوڭىر, ەلدى مەكەندەردىڭ ءبىر-بىرىنەن الىستىعىنا قاراماستان, زارداپ شەككەن ازاماتتاردى ءبىرىنشى قىركۇيەككە دەيىن تۇرعىن ۇيمەن قامتاماسىز ەتتى. مىسالى, قوستاناي قالاسىنان 700 كم قاشىقتىقتا ورنالاسقان جانگەلدين اۋدانىنىڭ كولقامىس اۋىلىندا 19 ءۇي سالىندى. اقمولا وبلىسىندا 292 ءۇي تۇرعىزىلدى (اتباسار – 165, بۇلاندى اۋدانى – 76, ەسىل اۋدانى – 21, جارقايىن اۋدانى - 30).

اتىراۋ وبلىسى قۇلسارى قالاسىندا 100 ءۇيدىڭ قۇرىلىسى اياقتالدى. پاۆلودار جانە ۇلىتاۋ وبلىستارىندا 8 ءۇي سالىندى.

«جالپى, سۋ تاسقىنى بولعان كەزەڭدە ورتالىق مەملەكەتتىك ورگانداردىڭ جەدەل ءوزارا ءىس-قيمىلىن اتاپ وتكەن ءجون. قۇرىلىس ماتەريالدارىن دەر كەزىندە جەتكىزۋ ماقساتىندا لوگيستيكا ماسەلەلەرىن جەدەل شەشۋدەگى كولىك مينيسترلىگى جانە قازاقستان تەمىر جولىنىڭ اتقارعان ءرولى زور. قۇرىلىس جۇمىستارى بارىسىندا وتاندىق تاۋارلاردىڭ كەڭىنەن قولدانىلعانىن اتاپ وتكىم كەلەدى. سونداي-اق وتاندىق وندىرۋشىلەر كەزەك پەن قاشىقتىققا قاراماستان قاجەتتى ماتەريالداردى جەدەل جونەلتۋگە بەلسەندى اتسالىستى. سونىمەن قاتار اكىمدىكتەر مەن ورتالىق مەملەكەتتىك ورگانداردىڭ ۇيلەستىرۋى ناتيجەسىندە ەڭبەك جانە ماتەريالدىق-تەحنيكا رەسۋرستارى بارىنشا تارتىلدى», دەيدى ونەركاسىپ جانە قۇرىلىس ءمينيسترى قانات شارلاپاەۆ.

بۇگىنگى تاڭدا سۋ تاسقىنىنان زارداپ شەككەن وتباسىلارعا بارلىق قاجەتتى كومەك كورسەتىلىپ, ۇيىنەن ايىرىلعاندار جاڭا باسپانانىڭ كىلتىنە يە بولدى.

تاعى دا ايتا كەتەرلىگى, بيىل سۋ تاسقىنى 120 مىڭنان استام ادامنىڭ ومىرىنە اسەر ەتتى. مەملەكەت تاراپىنان ولارعا بارلىق قاجەتتى كومەك كورسەتىلدى – باسپاناسىز قالعاندار ءۇشىن ەۆاكۋاتسيالىق پۋنكتتەر ۇيىمداستىرىلدى. 34 مىڭنان استام ادام 12,6 ملرد تەڭگەگە 100 ايلىق ەسەپتىك كورسەتكىش كولەمىندە بىرجولعى تولەم الدى. بۇدان باسقا, شامامەن 10 ملرد تەڭگە كولەمىندە 150 ايلىق ەسەپتىك كورسەتكىش ەسەبىندە 21 880 وتباسىنا كەلتىرىلگەن ماتەريالدىق زالال وتەلدى.

ۇكىمەت باسشىسىنىڭ ورىنباسارى قانات بوزىمباەۆتىڭ دەرەگىنشە, شاعىن جانە ورتا بيزنەستىڭ شىعىندارىن وتەۋ قاعيدالارىنىڭ قولدانىلۋ مەرزىمى 2025 جىلدىڭ ساۋىرىنە دەيىن ۇزارتىلادى.

«اگروونەركاسىپتىك كەشەن سۋبەكتىلەرىنە جويىلعان داقىلدارى مەن ولگەن ا/ش جانۋارلارىنىڭ يەلەرىنە شىعىندى وتەۋ ءۇشىن شامامەن 3,15 ملرد تەڭگە ءبولىندى. جالعىز باسپانا بولىپ ەسەپتەلگەن 17,6 مىڭعا جۋىق ءۇي مەن ساياجاي قۇرىلىستارى سۋ استىندا قالدى. تاۋەلسىز باعالاۋ كومپانيالارى مەن كوميسسيالاردىڭ جۇرگىزگەن زەرتتەۋى نەگىزىندە 9156 ءۇي جوندەۋگە جارامدى, ال 8447 ءۇي اپاتتى دەپ تانىلدى», دەدى ۆيتسە-پرەمەر.